San Juan 17:19 - Dižaʼ güen c̱he ancho Jesucristo

¹⁹ Chzanḻaže' cuina' chona' con da' žo' le' cont yesaclaže' yesone' con can' žo' da' zjanombi'e diža' ḻi c̱hion'.

San Juan 17:19 Iomraidhean Croise

San Juan 10:36

Diosen' gwleje' neda' cont gaclena' beṉac̱hen' že' yežlio nga na' ¿nacxec̱hen' ža le'e chṉeya'a c̱he Diosen' da' žia' naca' Xi'iṉe'?

San Juan 15:13

Nono zoa beṉe' chaquech ḻježe' ca beṉe' chzanḻaže' cuine' gate' ṉec̱he beṉe' migw c̱he'. Na' can' chona' neda'.

San Juan 15:3

Na' le'e ba nacle ca to xozen' da' ba mpe'e, ḻe bac̱h chzenagle xtižan' dan' ba be'lena' le'e.

San Juan 17:17

Ben cont beṉe' ca' chesejnilaže' neda' yesaclaže' yesone' con da' žo', ḻe ba zjanombi'e diža' ḻi c̱hio'. Yogo' da' ba bzejni'ido' ḻegaque' naquen da' ḻi.

San Juan 17:20

’Na' bi chṉaba' gacleno' ḻegacze', san ḻecze gacleno' beṉe' ca' yesejnilaže' neda' cate' yesende' diža' dan' yesoe' beṉe' quinga.

1 Corintios 1:2

Chzoja' cart nga par le'e chdop chžagle chonxenḻe Diosen' ḻo ciuda Corinto. Da' chejnilaže'le Jesucriston', da'nan' Diosen' ba gwleje' le'e cont yo'ole ḻo ne'e, can' gwleje' yogo' ben' chosoḻ güiže' X̱ancho Jesucriston' na' zjanaque' ḻe' txen gate'tezechle, ḻe ḻecze naque' X̱angaquen'.

2 Corintios 4:15

Ṉec̱he le'e bžaglaoto' yogo'ḻoḻ da' ba goc c̱heto'. Ḻe chaclaže'to' gac zancho gaclenchgua Diosen' chio' cont šejnilaže'cho X̱ancho Jesúsen', na' ḻecze gac zancho güe'cho yeḻa' chox̱clen c̱he' catec beṉe' zacan' naque'.

2 Corintios 7:14

Goša' Titon' ṉezda' gonḻe güen. Na' bi cheto'eda' da' goša'ne' ca', ḻe ca da' ḻi zjanac yogo' da' chzejni'ito' le'e, ḻecz ca' da' ḻi bchoj dan' gožto' Titon', na' nacbia' be'to' diža' ḻi.

2 Corintios 8:9

Ṉezele ḻeca nži'ilaže' X̱ancho Jesucriston' chio'. Da' chacde' chio' bcua'aṉe' yogo'ḻoḻ da' šagüe' da' de c̱he' gan' zoe' len Diosen' na' bide' golje' beṉe' yaše' yežlio nga, bedeyene' cont yogo' dan' de c̱he' gaquen c̱hecho naccho txen len ḻe'.

Colosenses 1:6

Na' xtiža' Diosen' da' ba bzenagle ba gosḻasen doxen, na' beṉe' zan ba chosozenague' c̱hen. Na' ḻegaque' ḻecze chesone' güen ca gwzolao le'e chonḻe caten' gwyejni'ile diža' ḻi da' chzejni'in nži'ilaže' Diosen' le'e, na' ṉe' chonḻe güen ža ṉa'aža.

1 Tesalonicenses 4:7

Diosen' gwleje' chio' cont gaccho beṉe' laždao' xilaže', gague cont goncho bi da' xiṉj da' zjanac ca'.

2 Timoteo 2:10

Da'nan' chzanḻaže' cuina' gac bi da' gac c̱hia' lagüe da' chyix̱jue'eda' xtiža' Diosen', ḻe chaclaža' yezica'chle beṉe' ba gwleje' cont gata' yeḻa' mban c̱hegaque' toḻi tocaṉe yesejnilaže' Jesucriston', na' žin ža šjasyezoe' len ḻe' toḻi tocaṉe gan' chac da' güen juisyw.

Tito 2:14

Ḻen' bnežjw cuine' ṉec̱he chio' cate' gosote'ne' cont bṉitlagüe' xtoḻa'chon', na' beya' beyibe' yic̱hjlažda'ochon' len da' malen' cont none' chio' ca xi'iṉe'. Na' bene' ca' cont yebecho goncho da' güen.

Hebreos 10:29

Na' da' mal juisyoch gac c̱he chio' še gue'echo Xi'iṉ Diosen' na' gaquecho bibi zaca' xc̱hen Criston' da' blalje' cont beque'e xtoḻa'chon' na' še ṉecho c̱he Spiritw c̱he Dios ben' nži'ilaže'de' chio'. Ḻe da' blalj xc̱hen Criston' gwzolao chac da' cobe da' gwna Diosen' gone' gaclene' beṉe' yesejnilaže'ne'.

Hebreos 2:11

Jesúsen' ba gwlo'e chio' ḻo na' Diosen' na' txen len Jesúsen' naccho xi'iṉ Dios. Da'nan' bi cheto'e Jesúsen' ṉe' naccho biše' ḻježe'.

Hebreos 9:13

Na' ley da' bzoj da' Moisésen' nyojen žan da' zan da' cheson beṉe' da' chonen cont bi chesaque' xilaže' len Diosen'. Na' cont yesyeyaque' xilaže' len Diosen' da' yoble, chyažjen gwže'e bx̱ozen' ḻegaque' xc̱hen no šib no go'ṉ na' nc̱hix̱en len de da' chega'aṉ cate' chosozeye' to vaca' dao'.

Hebreos 9:18

Na' goc ca' len da' nechon' da' gož Diosen' da' x̱ozxta'ocho ca' gone' gaclene' ḻegaque'. Da'nan' bžie' bia' bosolalje' xc̱hen beyix̱e' cont gwxen.

Hebreos 9:26

Šaca' byažjen blalj xc̱hene' zan ṉi'a, ba gote' zan ṉi'a gwzolaon cate' gwxete yežlion', perw bi benen byen gac c̱he' ca'. Bedelalj xc̱hene' tṉi'aze cate' gwna Diosen' ba bžin ža c̱he', cont chac cheque'e xtoḻa' beṉac̱h.

1 Juan 3:18

Xi'iṉda'ogua', bi cheyaḻa' gaque ḻježcho de diža'ze. Cheyaḻa' gaque ḻježcho do yic̱hj do laže'cho na' soacho gaclen ḻježcho.

1 Juan 3:3

Na' note'tezcho še zoacho lez gaccho can' naquen', soacho gwsaca'cho cont lažda'ochon' gaquen xilaže', ḻe ṉezecho laždao' Jesucriston' naquen xilaže'.