San Juan 16:33 - Dižaʼ güen c̱he ancho Jesucristo

³³ Ba gwnia' le'e ca' cont soa cuezle binḻo len xbab c̱hele, ḻe chejnilaže'lenda'. Yežlio nga saca'zi'le, perw bi gacžejlaže'le, neda' ba bena' cont yenit yeḻa' chnabia' c̱he gwxiyen' dan' zoa ṉa'a chnabian' yežlio nga.

San Juan 16:33 Iomraidhean Croise

San Mateo 9:2

Na' besežin x̱oṉj beṉe' zjanḻene' to beṉe' xiṉj beṉe' bi chda šḻa'a ṉi'a ne'e, zjanx̱oe' ḻe' to ḻo cam dao'. Cate' gocbe'e Jesúsen' ḻe gosejnilaže'ne' nach gože' beṉe' güe'na': ―Bebe xi'iṉa'. Ba bezi'xena' xtoḻon'.

San Lucas 19:38

Nach gosene': ―¡Mbalaz rey c̱hechon' ben' ba za' nga gwseḻa' X̱ancho Diosen' ḻe' cont ṉabi'e! Cheyaḻa' gonxencho Diosen' txen len beṉe' ca' nita' gan' zoe'na', ḻe ba bene' cont beṉac̱hen' gac yesyenite' binḻo len ḻe'.

San Lucas 2:14

¡Chonxencho Diosa' ben' zoa yaba, na' ḻo yežlio yesezoa yesebez beṉac̱hen' binḻo, con bena' cheson can' chazlaže' Diosen'.

San Juan 12:31

Ba bžin ža Diosen' c̱hogbi'en' c̱he beṉe' ca' bi chesejḻe'e c̱hia'. Na' ba bžin ža Satanás dan' chnabia' da' x̱igüe' ca' na' dan' chnabia'te beṉe' ca' bi chosozenag c̱he Diosen' solao ṉit yeḻa' chnabia' c̱hen.

San Juan 14:1

’Bich gacžejlaže'le. Ḻe šejnilaže' Diosen' na' ḻecze ḻe šejnilaže' neda'.

San Juan 14:27

’Na' chcua'aṉa' le'e na' chona' cont soa cuezle binḻo len xbab c̱helen'. Chaclaža' soa cuezle binḻo len xbab c̱helen' can' zoa' neda'. Nono beṉac̱h gac gone' cont soa cuezle binḻo len xbab c̱helen' can' chac chona' neda'. Bi gacžejlaže'le, ṉeca žeble.

San Juan 16:11

Na' gwzejni'in ḻegaque' gata' castigw c̱he xtoḻa'gaquen' toḻi tocaṉe, ḻe Satanás dan' chnabia' da' x̱igüe' ca' na' dan' chnabia'te beṉe' ca' bi chesejnilaže' Diosen' ba nchoglaon c̱hen gwnežjw Diosen' castigw c̱hen toḻi tocaṉe.

Hechos 14:22

Na' to to yež gan' ja'aque' gosone' c̱hac̱h laže' beṉe' ca' chesonxene' Jesucriston' na' gose'e ḻegaque' yesenite' yesonxene' ḻe' do yic̱hj do laže', na' gose'e ḻegaque' da' zan da' gac da' saca'zi'cho šlac chbezcho yeyejcho yaban' gan' zoa Diosen' chnabi'e.

Hechos 23:11

Nach že' beteyon' X̱ancho Jesucriston' bžine' gan' de Pablon' na' gože'ne': ―Bi žebo' Pablo. Can' ba bi'o xtižan' Jerusalén ni, ḻecz ca' cheyaḻa' go'o xtižan' ciuda Roma.

Hechos 27:22

Perw ṉa'a bi soayaše'le, ṉe tole cbi cuiayi' yeḻa' mban c̱hele, san barcw ngazen' cuiayi'.

Hechos 27:25

Na' dan' gwna anglen' ca', beṉe', ḻe yebe. Ṉezda' Diosen' gone' gac doḻoḻ can' gož anglen' neda'.

Hechos 9:31

Na' beṉe' ca' chesedop chesežague' chesonxene' Jesucriston' doxen distritw Judean', distritw Galilean' na' distritw Samarian' gosenite' binḻo, noch no bosoc̱hi bososaca' ḻegaque', na' gosenita'c̱hac̱he' gosejnilaže' X̱ancho Jesúsen' na' bosozenague' c̱he' do yic̱hj do laže'gaque'. Na' Spiritw c̱he Diosen' benen cont gosacc̱hac̱h laže'gaque' na' benen cont gwyane'.

2 Corintios 1:3

Cheyaḻa' soacho gonxencho Diosen', ḻe naque' X̱a X̱ancho Jesucriston', na' Jesucriston' ḻecze chonxene' ḻe'. X̱acho Diosen' cheyaše' cheži'ilaže'de' chio' na' ḻen' cheyoe'xene' chio' cate' chac bi da' chac c̱hecho.

2 Corintios 13:11

Beṉe' migw c̱hia', chṉaba' gacšca güen c̱hele. Ḻe cuec yic̱hjle gonyaṉe'le yogo' da' chaclaže' Diosen' gonḻe. Ḻe gon c̱hac̱h laže'le len bi da' chac c̱hele. Ḻe gac toze len ḻjež le'e chejnilaže'le Criston', na' ḻe soa binḻo tole yetole. Diosen' chacde' chio' na' chone' cont chzoa chbezcho binḻo len xbab da' yo'o ḻo' yic̱hjlažda'ochon', nachen' chṉaba' soašcacze' len le'e.

2 Corintios 2:14

Chox̱clen Diosen', none' cont Jesucriston' ba bebeje' chio' ḻo na' gwxiyen' na' mbalaz chec̱he'e chio' soacho len ḻe'. Na' gate'teze zoacho, Diosen' chone' cont chesacbe'e beṉe' naquen da' güen juisyw nombia'cho Criston'.

2 Corintios 4:7

Cuerp c̱hecho quinga da' chesat zjazaca'leben ca to che'e nis da' naquen de gona'. Perw Diosen' ba gwlo'e be'ni' c̱hen' ḻo' yic̱hjlažda'ochon' ṉa'a šlac ṉe' mbancho len cuerp c̱hecho quinga cont gacbe'echo bibi chac goncho še bi goṉe' yeḻa' guac xen c̱hen' cont gac bi da' goncho.

2 Corintios 6:4

Da'nan' bite'teze da' chonto' chlo'eto' chonto' xšin Diosen' ca cheyaḻa'. Chyo chc̱hejto' cate' chosoc̱hi chososaca' beṉe' neto', cate' chzaca'zi' chzaca'yaše'to', na' cate' za'ac bichle da' mal len neto'.

2 Corintios 7:4

Ṉezda' ḻo' lažda'ogua' gonḻe can' chazlaže' Diosen', na' chbeda' choe'lena' beṉe' diža' ca güenṉa' chonḻe. Ba beyacxenḻaža' da' gwṉezda' chonḻe güen, na' zoa' mbalaz ḻa'czḻa' da' zan da' chac c̱hia'.

Gálatas 1:4

Jesucristnan' bnežjw cuine' ṉec̱he xtoḻa'chon' cont bich goncho txen len da' malen' chac ḻo yežlio nga. Bene' ca' ḻe can' gwyazlaže' X̱acho Diosen'

Gálatas 6:14

Ca nac neda', bitw gonxen cuina', san gonxena' X̱ancho Jesucriston' dan' bnežjw cuine' gote' ḻe'e yag cruzen' ṉec̱he chio'. Bitwbi nonen len neda' še beṉac̱hen' yesyebede' neda', ḻe neda' bich chebeda' da' ca' chesena beṉac̱hen'.

Filipenses 4:7

Nachen' Diosen' gone' soa cuezle binḻo len xbab da' yo'o ḻo' yic̱hjlažda'olen' lagüe da' chejnilaže'le Cristo Jesúsen', cont bi gacle tole. Na' cate' ḻe' ba chone' cont zoa chbezcho binḻo len xbab c̱hechon', ṉeca gacbe'echo bixc̱hen' zoachguacho binḻo.

Colosenses 1:20

Na' ḻecze chazlaže' yozoe' binḻo len ḻe' yogo' beṉe' že' yaban' na' yežlion', ḻe Xi'iṉe' Criston' bnežjw cuine' blalj xc̱hene' ḻe'e yag cruzen' cont gac yesenite' binḻo len ḻe'.

1 Tesalonicenses 3:4

Caten' gwzoalento' le'e bzeneto' le'e ḻeca yosoc̱hi yososaca' beṉe' chio'. Na' ṉezele ba chac can' gwnato'na'.

1 Tesalonicenses 3:7

Ca'czen' beṉe' migw, chžaglaoto' na' chyi chzaca'to', perw ba beyacxenḻaže'to' gwṉezeto' can' zoateze zoale chejnilaže'le Criston'.

2 Tesalonicenses 3:16

Na' chṉabda' X̱ancho Jesucriston' ben' chone' cont soa cuezcho binḻo len xbab da' yo'o ḻo' yic̱hjlažda'ochon', gonšcacze' cont soa cuezle ca' yogo'te ža bite'teze da' chac. Ḻen' soašcacze' len yogo'le.

2 Timoteo 3:12

Da' ḻi yesenita' beṉe' yosoc̱hi yososaque' note'tez chio' chejnilaže'cho Cristo Jesúsen', chio' chi' yic̱hjcho chzenagcho c̱he'.

Hebreos 11:25

Da'nan' gwyazlaže'che' bžaglagüe' txen len beṉe' gualaž c̱he' ca' yogo' dan' bososaca'zi' beṉe' Egipto ca' ḻegaque', clel ca gone' txen len beṉe' Egipto ca', ḻe gocbe'ede' yob te c̱he yeḻa' chebe c̱he da' xiṉj ca' cheson ḻegaque'.

Hebreos 7:2

Ca horen' Abrahanṉa' zeze'e zonse'e yogo'ḻoḻ da' jaytobe' da' bene' gan ḻo yeḻa' gwdiḻen', na' gwlequen' ši cuen na' bnežjue' to cuen c̱he bx̱oz Melquisedequen'. Na' Melquisedec zejen diža' “rey beṉe' zej to ḻicha”. Na' goque' rey c̱he beṉe' zjanite' binḻo, ḻe Salem gan' gwnabi'e zejen diža' “zjanite' binḻo”.

1 Pedro 5:9

Cheyaḻa' soac̱hac̱hcho bi gwzenagcho c̱he Satanásen' na' soac̱hac̱hcho šejnilaže'cho Jesucriston', ḻe ṉezecho beṉe' ḻježcho ca' chesejnilaže'ne' gate'tezechle ḻo yežlion' ḻecze chesezaca'zi'e can' chac c̱he chio'.

1 Juan 2:13

Ba bzoja' da' quinga par le'e beṉe' gole, ḻe ba nombia'le Jesucriston' ben' ba zoa cate' gwxe yežlion'. Ba bzoja' da' quinga par le'e beṉe' güego' chaban, ḻe bac̱h gwzoele bi chzenagle c̱he Satanás dan' chnabia' da' x̱igüe' ca'. Ba bzoja' da' quinga par le'e xi'iṉda'ogua' da' ba nombia'le X̱acho Diosen'.

1 Juan 4:4

Xi'iṉda'ogua', ba nacle Diosen' txen na' da'nan' bi chejḻe'le c̱he beṉe' güenḻaže' ca'. Chzoele cbi chejḻe'le c̱hegaque' ṉec̱he da' yo'o Spiritw c̱he Diosen' ḻo' lažda'olen' chzejni'in le'e, na' Spiriton' chnabia'chen ca Satanásen' dan' zoa len beṉe' ca' bi chosozenag c̱he Diosen' yežlio nga.

1 Juan 5:4

Note'tezcho še ba bocob Diosen' yic̱hjlažda'ochon', ba chzoecho chcuascho da' xiṉj dan' de yežlio nga. Na' dan' chejnilaže'cho Jesucriston', da'nan' chzoecho chcuascho da' xiṉjen' dan' de yežlion' bi chonchon.

Apocalipsis 12:11

Na' beṉe' gosejnilaže' Criston' na' ba gosate', gosezoede' bi bosozenague' c̱he Satanásen', ḻe gosejḻe'e Jesucriston' blalj xc̱hene' ṉec̱he xtoḻa'gaque' na' goso'e diža' chesejnilaže'ne'. Beṉe' ca' ba gosat gosacbe'ede' yejṉi'a yesate' clel ca yesebejyic̱hje' Jesucriston'.

Apocalipsis 3:21

Na' note'tezle še soele bi cuejyic̱hjle xtižan', žin ža gona' cont cue'lenḻe neda' gan' chi'a chnabi'a. Can' bena' neda', gwzoeda' cont bena' can' gwna X̱an' nach chi'lena'ne' chnabia'to' txen.

Apocalipsis 7:14

Na' boži'an goša'ne': ―Le' ṉezdo' beṉe' gole, bi ṉezda' neda'. Nach gože' neda': ―Beṉe' quinga ba gosaḻe'de' da' ba gosac c̱hegaque' yežlion'. Na' bac̱h gwnitlao xtoḻa'gaque' na' ba zjanyaze' lache' šiš, ḻe chesejnilaže' Jesucristw ben' blalj xc̱hene' ca xila' dao' be gosot beṉe' Israel cont bezi'xen Diosen' xtoḻa'gaque'.