San Juan 16:23 - Dižaʼ güen c̱he ancho Jesucristo

²³ ’Na' cate' ba bžin ža šjayzoa' da' yoble gan' zoa X̱an', cana'ch bich yažjele bi ṉable gwzejni'ida' le'e. Da' ḻi chnia' le'e, da' chejnilaže'le neda' bite'tez da' ṉabele X̱an', goṉczen' le'e.

San Juan 16:23 Iomraidhean Croise

San Mateo 21:22

Na' še chejnilaže'le Diosen', bite'teze dan' ṉabelene' cate' yoḻ güižlene', goṉczen' le'e.

San Mateo 7:7

’Še žan bi da' chyažecho, chṉabchon. Še žan to da' chaclaže'cho želecho, chyiljwchon. Še žan chaclaže'cho saljw beṉe' puert c̱he' na' ṉecho cho'a puerta' cont saljue'. Na' ca'cze cheyaḻa' ye'le Diosen' cate' bi da' chyažjele, o bi da' chaclaže'le gone'.

San Juan 14:20

Na' cate' žin ža yedesoa Spiritw c̱he Diosen' ḻo' yic̱hjlažda'olen', cana'ch gacbe'ele neda' zoa' len X̱an' na' le'e zoale len neda' na' neda' zoa' len le'e.

San Juan 14:22

Na' Judas (perw gague Judas Iscariote) gože'ne': ―X̱anto', ¿bixc̱hen' gono' cont neto' ṉezeto' zoaczo' len neto' na' bi gono' ca' len beṉe' bi chesejnilaže' Diosen'?

San Juan 14:5

Na' gož Tomásen' ḻe': ―X̱anto', bi ṉezeto' gan' yeyejo'. ¿Nacxe gac ṉezeto' nac gonto' yežinto' na'?

San Juan 15:7

’Na' le'e še zoac̱hac̱hle len neda' na' zoac̱hac̱hle chzenagle xtižan', bite'tez da' chaclaže'le ṉabele Diosen', goṉczen'.

San Juan 16:19

Jesúsen' gocbe'ede' chesaclaže' yeseṉabde'ne' bi zejen, na' gože' ḻegaque': ―¿Ba chṉabe ḻježle bi zejen dan' gwnia': “Yešlož na' bich le'ele neda' na' techle ḻecze yešlož na' yezle'ele neda' da' yoble”?

San Juan 16:26

Na' cate' ba bžin žana', cana'ch ṉabele X̱an' bi da' ṉabelene' ye'lne' chṉablen da' chejnilaže'le neda'. Na' bi yažjen ṉabda' X̱an' gaclene' le'e.

San Juan 16:30

Ba chacbe'eto' nombi'o yogo' xbab c̱he beṉac̱hen'. Ba ṉezledo' bi chesaclaže' beṉe' yeseṉezde' cate' biṉa' yeseṉaben'. Da'nan' bac̱h chejḻe'to' zao' gan' zoa Diosen'.

Efesios 2:18

Ḻe chio' chejnilaže'cho Criston', chio' naccho beṉe' Israel na' len chio' bi naccho beṉe' Israel, toz Spiritw c̱he Diosen' chaclenen chio' cont choe'lencho Diosen' diža'.

1 Juan 2:1

Xi'iṉda'ogua', chzoja' le' cart nga cont cbi gonḻe da' xiṉj. Perw na' še no chio' goncho da' xiṉjen', zoa Jesucriston' ben' chon da' zej to ḻi na' chṉabe' yezi'xen X̱acho Diosen' c̱hecho.