San Juan 15:1 - Dižaʼ güen c̱he ancho Jesucristo

¹ ’Neda' zaca'leba' ca to yag da' chbia uvas. Na' X̱an' zaca'lebe' ca beṉe' chonši'i yaguen'.

San Juan 15:1 Iomraidhean Croise

San Mateo 15:13

Na' gož Jesúsen' ḻegaque': ―Gwžin ža cate' X̱a' Diosen' ben' zoa yaban' gwžiaye'e yogo'ḻoḻ beṉe' bi chosozenag c̱he'. Gwžiaye'e ḻegaque' can' choncho cate' chlažo'cho yix̱e' ca' chesela'ac ḻo yel.

San Mateo 20:1

Nach Jesúsen' gože' ḻegaque': ―Yeḻa' gwnabia' c̱he Diosen' ben' zoa yaban' zaca'leben ca da' nga goc. To beṉe' nape' to yežlio gan' že'chgua yag uvas. Na' gwze'e ližen' to zil do cheni' gwyeje' gan' chac ya'a jatiljue' beṉe' güen žin cont yesone' žin yežlio c̱hen' žana'.

San Mateo 21:33

’Ḻe gwzenag yeto jempl nga. Gwzoa to beṉe' na' goze' to cue' xen yag uvas ḻo yežlio c̱he' na' gwlo'en le'ej. Na' na'teze bene' to ga yesesie' uvasen' cont choj x̱isen'. Na' ḻecze bene' to da' sibe ca to campanaryw ga yesecua' beṉe' yosogüia yeseṉe'e yag ca'. ’Na' bcua'aṉe' yežlion' ḻo na' beṉe' yesonši'e yag uvasen' na' gwze'e gwyeje' zito'.

San Marcos 12:1

Nach Jesúsen' gwzolagüe' choe'lene' ḻegaque' diža' chzoe' jempl, na' gože' ḻegaque': ―Gwzoa to beṉe' goze' to cue' xen yag uvas na' gwlo'en le'ej. Na' bene' to ga yesesie' uvasen' cont choj x̱isen', na' bene' yeto da' sibe ca to campanario ga yesecua' beṉe' yosogüia yeseṉe'e yag ca'. ’Nach bcua'aṉe' yežlion' ḻo na' beṉe' yesonši'e yag uvasen', na' gwze'e gwyeje' zito'.

San Lucas 13:6

Na' be'lene' ḻegaque' jempl nga, bzejni'ide'ne' cheyaḻa' yesyetiṉjde' xtoḻa'gaque', na' gože' ḻegaque': ―To beṉe' zoa to yag yix̱güigw c̱he' gan' že' yag uvas c̱he' ca'. Na' gwyeje' ḻo' yaguen' jaṉe'e še de toga yix̱güigw gagüe', perw bitw bi bželde'.

San Juan 1:17

Da' Moisésen' bzejni'ide' da' x̱ozxta'o neto' beṉe' Israel ley c̱he Diosen' na' chlo'en yogo'cho napcho doḻa', na' Jesucriston' bedelo'ede' nži'ilaže' Diosen' chio' beṉac̱h na' bedezejni'ide' chio' diža' ḻi c̱he Diosen'.

San Juan 1:9

Ba bžin ža be'ni' da' nac da' dogualje ba blan' yežlio nga, na' blan' cont gwseṉin' ḻo' yic̱hjlaždao' note'teze beṉe'.

San Juan 15:2

Na' le'e chejnilaže'le neda' zaca'leble ca xoze' yaguen'. Na' to to xoze' yaguen' da' bibi chbian, chc̱hoguen'. Na' to to xozen' da' chbia uvasen' chpe'en cont chbiachen da' zanch.

San Juan 6:32

Nach Jesúsen' gože' ḻegaque': ―Chnia' le'e to da' zejen, gague da' Moisésen' bnežjue' da' x̱ozxta'ocho ca' yeḻa' guagon', san X̱a' Diosen' bnežjuen' ḻegaque'. Na' bi ṉacho ḻenṉa' zan' yaba gan' zoe'na', san de to yeḻa' guagw da' ba gwseḻa' Diosen' ṉa'a da' za' yaban' na' betjen yežlion', na' chnežjon yeḻa' mban c̱he note'teze beṉe' chesagw ḻen.

San Juan 6:55

Ḻe cuerp c̱hian' naquen dogualje yeḻa' guagw, na' xc̱henan' naquen dogualje da' ye'ejle.

Romanos 11:17

Nación Israel c̱heton' zaca'leben ca xoze' yag da' ba nc̱hog x̱an yaga' to lao yag olivo güen na' ba bniten' šḻa'ale. Na' le'e bi nacle beṉe' Israel zaca'leble ca xoze' yag olivo da' ze do yix̱e', da' ba gwc̱hogue' lagüen na' ba bozoen' yag güen cont beyaquen toze. Nach guac ṉacho loe yag güenṉa' ba nox̱en' le'e na' niže' c̱henṉa' chac banḻenḻe.

1 Corintios 3:9

Neto' chzejni'ito' le'e xtiža' Diosen', guac ṉacho nacto' beṉe' goz go'oṉ c̱he Diosen' na' le'e nacle yežlio gan' chac žinṉa'. Na' le'e chdop chžagle chonxenḻe Criston' ḻecze zaca'leble ca to yo'o c̱he Diosen'.

1 Juan 2:8

Na' dan' chona' mandadw naquen' gonḻe, bia'cze naquen ca to da' cobe, ḻe ba bla' diža' güen c̱he Criston' len beṉac̱hen' na' ba chzolao chde c̱he yogo' da' ca' da' chgue'e Diosen'. Na' dan' chona' mandadw gonḻe, Criston' ba blo'ede' naquen da' zaque' na' ḻecz le'e ba chlo'ele naquen da' zaque'.