San Juan 14:14 - Dižaʼ güen c̱he ancho Jesucristo

¹⁴ Bite'tez da' ṉable gona' lagüe da' chejnilaže'le neda', neda' gonan'.

San Juan 14:14 Iomraidhean Croise

San Juan 14:13

Na' bite'teze da' ṉabele X̱an' lagüe da' chejnilaže'le neda' naca' Xi'iṉe', gonan', cont gwlo'a nac X̱an' beṉe' zaca' juisyw.

San Juan 14:16

Na' ṉabda' X̱an' cont seḻe' Spiritw c̱hen' soan len le'e toḻi tocaṉe na' gaclenen le'e. Na' Spiritw c̱he Diosen' gwzejni'in le'e da' nac da' ḻi.

San Juan 15:16

Gague le'e gwlejle neda' naca' X̱anḻe. Neda' gwleja' le'e cont chejnilaže'le neda'. Na' chseḻa' le'e cont šjenḻe can' chazlaže' X̱an', na' gague da' te c̱he da' ca' gonḻen'. Na' yogo'ḻoḻ da' ṉabele X̱an' gone' lagüe da' chejnilaže'le neda', gonczen'.

San Juan 16:23

’Na' cate' ba bžin ža šjayzoa' da' yoble gan' zoa X̱an', cana'ch bich yažjele bi ṉable gwzejni'ida' le'e. Da' ḻi chnia' le'e, da' chejnilaže'le neda' bite'tez da' ṉabele X̱an', goṉczen' le'e.

San Juan 16:24

Ža ṉa'aža bibi ṉa' ṉabele X̱an' ye'lne' chṉablen da' chejnilaže'le neda'. Na' ṉa'a ḻe ṉabe X̱an' bi da' ṉabelene' ye'lne' ca', na' gone' can' ṉabelenen' cont soale mbalaz juisyw.

1 Corintios 1:4

Yogo' ṉi'a choa' yeḻa' chox̱clen c̱he Diosen' par le'e can' chaclene' le'e lagüe chejnilaže'le Jesucriston'.