San Juan 13:7 - Dižaʼ güen c̱he ancho Jesucristo

⁷ Na' Jesúsen' gože'ne': ―Dan' chona' nga bi chejni'idon' ṉa'a, perw gwžin ža cate' šejni'idon'.

San Juan 13:7 Iomraidhean Croise

San Juan 12:16

Na' beṉe' ca' zjanaque' Jesúsen' txen gague cate gosejni'ide' chac con can' bosozoj ben' goso'e xtiža' Diosen' cani'. Beyož got Jesúsen' na' goc yogo' da' ca' gosaquen' cont bla'lagüe ḻe Jesúsen' naque' beṉe' zaca' juisyw, cana'ch jasyeza'laže' diža' ca' da' zjanyoj c̱he Jesúsen' na' gosejni'iden'.

San Juan 13:36

Na' Simón Pedron' gože' Jesúsen': ―X̱ana', ¿gan' yeyejo'? Na' gož Jesúsen' ḻe': ―Gan' yeya'an bi gac sa'leno' neda' ṉa'a, perw techle yido' ga'oguo' neda'.

San Juan 13:6

Na' cate' ba zoa c̱hibe' ṉi'a Simón Pedro, Pedron' gože'ne': ―X̱ana', ¿le' c̱hibo' ṉi'an'?

San Juan 14:26

Na' X̱an' seḻe' Spiritw c̱hen' soan ḻo' yic̱hjlaždao' le'e chejnilaže'le neda' cont gaclenen le'e. Na' Spiriton' gwzejni'in le'e yogo' da' cheyaḻa' ṉezele na' gonen cont šjayza'laže'le yogo' dan' ba gwnia' le'e.