San Juan 13:5 - Dižaʼ güen c̱he ancho Jesucristo

⁵ Nach gwxi'e nis na' gwde'en to ḻo' ša' na' gwzolagüe' gwdibe' ṉi'a beṉe' ca' zjanaque' ḻe' txen ca to mos, na' bosbiže' ṉi'agaquen' len lachen' nc̱hej ḻsinen'.

San Juan 13:5 Iomraidhean Croise

San Lucas 7:38

Na' jabigue' gaḻa'ze xṉi'a Jesúsen' na' gwcheže' na' nis xc̱hež c̱hen' bžonen ṉi'a Jesúsen' gwbisen. Na' bxie' ṉi'ena' len yiša' yic̱hje' na' bnopen' na' gwdeben' set zix̱en'.

San Lucas 7:44

Nach Jesúsen' gwyec̱hje' gwṉe'e no'ola' na' gože' Simónṉa': ―¿Chle'edo' no'ole nga? Neda' ba gwyo'a ližo' nga na' bi beṉo' nis c̱hib ṉi'a, perw no'ole nga ba gwdibe' ṉi'an' len nis xc̱hež c̱hen' bxien' len yiša' yic̱hje'.

San Juan 13:10

Nach gož Jesúsen' ḻe': ―Beṉe' noša' nazje', ṉi'e na'zen' chyažjen c̱hibe', ḻe doxen cuerp c̱hen' naquen xilaže'. Can' nac le'e, nac lažda'olen' xilaže', ḻa'czḻa' gague yogo'le.

San Juan 13:6

Na' cate' ba zoa c̱hibe' ṉi'a Simón Pedro, Pedron' gože'ne': ―X̱ana', ¿le' c̱hibo' ṉi'an'?

San Juan 13:8

Na' gož Pedron' ḻe': ―Gwbat gua'a latje c̱hibo' ṉi'an'. Jesúsen' gože'ne': ―Še bi c̱hiban', bich gaco' txen len neda'.

San Juan 19:34

Perw to soldadon' godoe' lanza cuit ḻe'e Jesúsen', na' ḻa' bchojten chen len nis.

Hechos 22:16

Na' ḻecz gož Ananíasen' neda': “¿Bic̱hen' cuezo'? Yo'o so' nis. Na' ṉabdo' X̱ancho Jesucriston' cont yeya' yeyibe' yic̱hjlažda'oguon' len da' malen'.” Can' gože' neda'.

1 Corintios 6:11

Baḻle benḻe da' mal dan' zjanac ca', perw ṉa'a da' chejnilaže'le X̱ancho Jesúsen', Spiritw c̱he Diosen' ba benen cont beyac lažda'olen' xilaže', na' benen cont nacle ḻo na' Diosen' na' cont nacle beṉe' güen len ḻe'.

Efesios 5:26

Na' cont gwlo'e chio' ḻo na' Diosen', beyone' lažda'ochon' xilaže' cate' gwyejḻe'cho xtižen'.

1 Timoteo 5:10

Cuejle con no'ol ca' zjaṉeze beṉe' ba gosonchgüe' da' güen, ca no da' quinga: še bosgole' bi' c̱he' binḻo, še blebe' beṉe' liže', še goclene' yezica'chle beṉe' chesonxene' Diosen', še goclene' beṉe' ca' cheseyi chesezaque', o še ba bene' bite'tezechle da' güen.

Hebreos 10:22

Da'nan' cheyaḻa' soacho gonxencho Diosen' do yic̱hj do laže'cho ṉeca žebcho, na' cheyaḻa' soacho šejḻe'cho xc̱hen Jesucriston' ba beca'an xtoḻa'cho, ḻe ṉezecho ba gwzoacho nis da' chejnilaže'chone'.

1 Juan 1:7

Diosen' naque' ḻa'zelagüe beṉe' güen beṉe' laždao' xilaže'. Na' še chio' zoacho choncho da' güenṉa' can' zoa Diosen' chone' da' güenṉa', nachen' naccho txen tocho yetocho na' yic̱hjlažda'ochon' chega'aṉen xilaže' lagüete Xi'iṉe' Jesucriston' blalj xc̱hene' cont beque'e yogo'ḻoḻ xtoḻa'chon'.

1 Juan 5:6

Quinga ben Jesucriston' šlac bide' yežlio nga, bnežjw cuine' gwzoe' nis na' blalj xc̱hene'. Bi ṉacho con gwzoaze' nis, san ḻecz blalj xc̱hene'. Na' Spiritw c̱he Diosen' choen' diža' bene' ca', na' Spiriton' choen' pur diža' ḻi.

Apocalipsis 1:5

Na' Jesucriston' ḻecze soašque' gaclene' le'e na' gone' soa cuezle binḻo. Jesucriston' naque' ben' cho'e diža' ḻi c̱he Diosen'. Naque' beṉe' nechw bebane' ladjo beṉe' guaten' ben' bich ṉabia' yeḻa' goten' ḻe'. Na' ḻe' chnabi'e yogo' nochle beṉe' gwnabia' že' yežlio nga. Dan' chacde' chio' bnežjw cuine' gosote'ne' na' blalj xc̱hene' cont bṉitlagüe' xtoḻa'chon'.

Apocalipsis 7:14

Na' boži'an goša'ne': ―Le' ṉezdo' beṉe' gole, bi ṉezda' neda'. Nach gože' neda': ―Beṉe' quinga ba gosaḻe'de' da' ba gosac c̱hegaque' yežlion'. Na' bac̱h gwnitlao xtoḻa'gaque' na' ba zjanyaze' lache' šiš, ḻe chesejnilaže' Jesucristw ben' blalj xc̱hene' ca xila' dao' be gosot beṉe' Israel cont bezi'xen Diosen' xtoḻa'gaque'.