San Juan 12:48 - Dižaʼ güen c̱he ancho Jesucristo

⁴⁸ Perw de da' c̱hoglaon c̱he beṉe' ca' bi chesejnilaže' neda' na' bi chosozenague' c̱he dan' ba gwnian', xtižan' dan' ba bian', ḻenṉa' c̱hoglaon c̱he beṉe' ca' zjanape' doḻa' cate' žin ža te c̱he yežlion'.

San Juan 12:48 Iomraidhean Croise

San Mateo 10:15

Da' mal xen goson beṉe' ciuda Sodoma na' beṉe' ciuda Gomorra cani', perw da' ḻi žia' le'e, cate' žin ža gac juisyw beṉe' ca' bi bosolebe' le'e ližen' yesaḻe'chde' clel ca beṉe' Sodoman' na' beṉe' Gomorran'.

San Mateo 21:42

Jesúsen' gože' ḻegaque': ―Ca'czen'. ¿Biṉa' gwlable ga nyoj Xtiža' Diosen', žan quinga?: Yej dan' bi gosaclaže' beṉe' güen yo'o ca' yosoc̱hine', ḻen ba naquen yej squin. Da' nga ben X̱ancho Diosen', na' naquen to da' yežejecho.

San Mateo 25:31

’Diosen' gwseḻe' neda' golja' beṉac̱h, na' cate' yida' da' yoble nsa'a yeḻa' zaca' juisyw c̱hia' na' nc̱hi'a yogo' angl c̱hia' ca', cana'ch cui'a ṉabi'a güen juisyw can' chnabia' Dios ben' zoa yaba.

San Marcos 12:10

’¿Biṉa' gwlable ga nyoj Xtiža' Diosen'? žan quinga: Yej dan' bi gosaclaže' beṉe' güen yo'o ca' yosoc̱hine', ḻen ba naquen yej squin.

San Marcos 16:16

Beṉe' ca' yesejnilaže' neda' na' yesezoe' nis, gata' yeḻa' mban c̱hegaque' toḻi tocaṉe. Perw beṉe' bi chesejnilaže' neda', yesebiaye'e.

San Marcos 8:31

Na' gwzolao Jesúsen' bzejni'ide' ḻegaque' can' gac c̱hen', gože'ne': ―Da' zan da' saca'zi'a neda' naca' ben' gwseḻa' Diosen' golja' beṉac̱h. Na' beṉe' blao ca' chesenabia' nación c̱hechon' na' bx̱oz gwnabia' ca' na' beṉe' ca' chososed chosolo'e dan' bzoj da' Moisés bi yesele'ede' neda' güen da' bi chesejḻe'e c̱hia', na' yesote' neda', perw gacch šoṉe ža yebana' ladjo beṉe' guat ca'.

San Lucas 10:16

Nach Jesúsen' goze'e beṉe' gayonši ca': ―Beṉe' gwzenag xtiža'len' ḻecze gwzenague' xtiža'na', na' beṉe' goncze yic̱hjlagüe' bi gwzenague' xtiža'len', ḻecze bi gwzenague' c̱hia' neda'. Na' beṉe' goncze yic̱hjlagüe' bi gwzenague' xtiža'na', ḻecze bi gwzenague' xtiža' Diosen' ben' gwseḻa' neda'.

San Lucas 17:25

Zgua'tec de da' zan da' cheyaḻa' saca'zi'a na' beṉe' ca' že' ṉa'a bitw yesejḻe'e c̱hia'.

San Lucas 20:17

Na' Jesúsen' gwṉa'chgüe' ḻegaque' na' gwne': ―¿Bixe zejen da' nga nyojen ḻe'e Xtiža' Diosen'? žan: Yej dan' bi gosaclaže' güen yo'o ca' yosoc̱hine', ḻen ba naquen yej squin.

San Lucas 7:30

Perw na' beṉe' fariseo ca' na' beṉe' ca' chososed chosolo'e dan' bzoj da' Moisés, goson yic̱hjlaogaquen' cbi besyetiṉjde' xtoḻa'gaquen' can' goclaže' Diosen'. Bi gosaclaže' gwzoa Juanṉa' ḻegaque' nis.

San Lucas 9:22

Na' gože' ḻegaque': ―Da' zan da' saca'zi'a, neda' naca' ben' gwseḻa' Dios golja' beṉac̱h. Na' beṉe' gole blao ca' chesenabia' nación c̱hechon' na' bx̱oz gwnabia' ca', na' beṉe' ca' chososed chosolo'e ley dan' bzoj da' Moisés, bi yesele'ede' neda' güen dan' bi gosejḻe'e c̱hia', na' yesote'nda', perw yeyoṉ ža yebana' ladjo beṉe' guat ca'.

San Lucas 9:26

Na' note'tez beṉe' še cheto'ede' par ye'e ḻježe' chejnilaže' neda' na' še cheto'ede' par gwzenague' xtižan', ḻecze ca' neda' yeto'eda' c̱he' par ṉia' naque' neda' txen, neda' naca' ben' gwseḻa' Diosen' golja' beṉac̱h. Yeto'eda' c̱he' cate' yida' da' yoble nsa'a yeḻa' zaca' juisyw c̱hia' na' yeḻa' zaca' juisyw c̱he X̱a' Diosen' na' c̱he ben' zjanac angl c̱he'.

San Juan 11:24

Nach Martan' gože'ne': ―Ṉezda' yebane' cate' yesyeban beṉe' guat ca' žan' te c̱he yežlion'.

San Juan 5:45

Bi gonḻe xbab neda' gwcuiša' le'e lao X̱an'. Da' Moisésen' chcuiše' le'e lagüen', ḻe chsedchguale dan' bzojen' chaquele cont soale binḻo len Diosen', perw bi chejḻe'le xtižen'.

San Juan 6:39

Ḻen' chaclaže' bi gua'a latje cuiayi' ṉe toze beṉe' ba gwleje' cont yesaque' neda' txen. Nach cate' žin ža te c̱he yežlion' cana' yosbangaca'ne' ladjo beṉe' guat še ba gosate'.

San Juan 8:47

Beṉe' ca' chon Diosen' ḻegaque' cuent ca xi'iṉe' chosozenague' xtižen'. Na' le'e bi chzenagle c̱hen' da' bi nacle xi'iṉe'.

Hechos 17:31

Diosen' chaclaže' cuejyic̱hjcho da' malen', ḻe ba mbeje' Jesucriston' gone' yeḻa' justis c̱he yogo' beṉac̱h na' gwnežjue' castigw c̱he yogo' beṉe' cbi chesejnilaže' ḻe', na' Diosen' zejcze' to ḻicha dan' gone' ca'. Na' Diosen' ba nžie' bia' bat gone' yeḻa' justis c̱he beṉac̱h. Na' dan' bosban Diosen' Jesucriston' ladjo beṉe' guaten', ṉezecho Jesucristwnan' gone' yeḻa' justis c̱he beṉac̱hen'.

Hechos 3:23

Na' Diosen' gone' yesebiayi' yogo' beṉe' ca' cbi yosozenague' c̱he bena' seḻen', na' bich yesenite' txen len beṉe' ca' chesonxene' ḻe'.” Can' gož Moisésen' da' x̱ozxta'ocho ca'.

Romanos 2:16

Can' gac caten' žin ža Diosen' gone' ḻo na' Jesucriston' c̱hoglagüen' c̱he to tocho ca nac xbab c̱hechon' da' ba bencho na' bichle da' ba bencho bagaše'ze še naquen güen o še naquen mal. Can' chnia' cate' chyix̱jue'eda' diža' güen c̱he Jesucriston'.

2 Corintios 4:3

Con beṉe' ca' ba zjambiayi' yeḻa' bi chejḻe' c̱hegaquen', ḻegacze' bi chesejni'ide' diža' güen dan' choe'lento' ḻegaque'.

2 Tesalonicenses 1:8

Na' gwnežjue' da' yesezaca'zi' beṉe' ca' bi zjanombi'e Diosen', na' ṉeca chosozenague' c̱he diža' güen dan' chzejni'in c̱he X̱ancho Jesucriston'.

Hebreos 10:25

Na' bi cuejyic̱hjcho da' chdop chžagcho txen chonxencho Diosen' ca chesebejyic̱hj baḻ beṉe'. Cheyaḻa' ṉeyoe ḻježcho soaczcho šejnilaže'cho Criston', na' gonchcho ca' ṉa'a ba nacbia' ba zoa te c̱he yežlion'.

Hebreos 12:25

Da' mal juisyw še goncho güedenag len Diosen' cate' chṉe' chio'. Bene' cont gosezaca'zi' da' x̱ozxta'ocho ca' cate' gosone' güedenag len xtižen' da' gwṉelene' ḻegaque' ḻo yežlion' cani', na' goṉche' da' saca'zi' chio' še goncho güedenag len xtižen' da' choe'lene' chio' ḻo' lažda'ochon' zoe' yaba na'ate.

Hebreos 2:3

Gague da' yelacho bi si'cho castigw še bi gwzenagcho xtiža' X̱ancho Jesúsen' da' gwdix̱jue'ede' že' chaclaže' goṉe' yeḻa' mban c̱hecho toḻi tocaṉe. Da' zaca'chgua da' ben X̱ancho Jesúsen' cont gata' yeḻa' mban c̱hecho toḻi tocaṉe. Cuine' gwdix̱jue'eden' da' nechw, na' beṉe' ca' gosedalen ḻe' bosolo'ede' chio' ḻe naquen da' ḻi.

Hebreos 4:12

Xtiža' Diosen' chazen ḻo' yic̱hjlaždao' beṉe' chesenden' na' chaclenen beṉe' chosozenag c̱hen. Na' zaca'leben ca to spada da' nḻachgua chop ḻa'a. Perw chonch Xtiža' Diosen' ca to spada, ḻe chlo'en chio' še chzenagcho c̱he Diosen' o še c̱he cuincho, na' chzejni'in chio' c̱he xbab da' yo'o ḻo' yic̱hjlažda'ochon' na' len yogo' da' chzelaže'cho še naquen güen o naquen mal.

1 Pedro 1:5

Na' Diosen' len yeḻa' guac xen c̱hen' chcuas chcue'eje' chio' len da' malen' lagüe chejnilaže'chone'. Chone' ca' šlac biṉa' žin ža le'echo da' mba da' gone' gac c̱hecho caten' šjayzoacho len ḻe'.

2 Pedro 3:3

Naquen da' žialao šejni'ile da' nga. Ṉa'a ba zoa te c̱he yežlion', na' yesechoj beṉe' yesonḻe' c̱he xtiža' Diosen' na' yesenite' yesone' con can' ža xbab mal c̱hegaquen'.

2 Pedro 3:7

Na' Diosen' ḻecze ba bžie' bia' yaban' na' yežlion' ṉe' zjanitan' can' zjanaquen ṉa'a cate' žin ža gac juisyw. Cana' yeseyen cate' gone' yesezaca'zi' beṉe' mal ca' toḻi tocaṉe.