San Juan 10:28 - Dižaʼ güen c̱he ancho Jesucristo

²⁸ Na' chnežjua' ḻegaque' yeḻa' mban toḻi tocaṉe na' gwbat yesebiaye'e na' nono gac yesyeca'a ḻegaque' ḻo na'.

San Juan 10:28 Iomraidhean Croise

San Marcos 13:22

Ḻe yesaš beṉe' gwxiye' beṉe' yesaclaže' yosoḻane' xlatja' nga, na' yeson cuine' ca beṉe' chesoe' xtiža' Dios. Na' yesone' yeḻa' guac da' yesele'e beṉe' na' bichle da' zaca' yesyebande' cont yeseziye'e ḻegaque', na' len beṉe' ca' ba gwlej Diosen' zjanaque' xi'iṉe' yesaclaže' beṉe' gwxiye' ca' yeseziye'e šaca' gac yeseziye'e ḻegaque'.

San Lucas 23:46

Nach Jesúsen' bosye'e zižje gwne': ―X̱a', chon cuina' ḻo nao', bezi' spiritw c̱hia'na'. Na' beyož gwne' ca' gote'.

San Juan 10:29

X̱an' ba gwleje' beṉe' ca' chesejnilaže' neda' cont chgüia chṉa'a ḻegaque'. Na' nono gac yesyeca'a ḻegaque' ḻo na' X̱an', ḻe nape' ḻa'zelagüe yeḻa' chnabia' xen.

San Juan 11:25

Na' gož Jesúsen' ḻe': ―Neda' chac chosbana' beṉe' guat ca' ḻe nsa'a yeḻa' mban toḻi tocaṉe. Da'nan' beṉe' ca' yesejnilaže' neda', ḻa'czḻa' yesate', guata' yeḻa' mban c̱hegaque' toḻi tocaṉe.

San Juan 14:19

Yešlož beṉe' ca' bi chesejnilaže' Diosen' bich yesele'ede' neda', perw le'e gwle'eczele neda'. Na' da' zoa' toḻi tocaṉe, da'nan' soale toḻi tocaṉe.

San Juan 17:2

Ba beṉo' neda' yeḻa' chnabia' lao yogo' beṉac̱h cont chnežjua' yeḻa' mban toḻi tocaṉe c̱he yogo' beṉe' ca' ba gwlejo' chesejnilaže' neda'.

San Juan 18:9

Gwne' ca' cont goc can' ba gwdix̱jue'ede' caten' gwne': “Ṉe to beṉe' ca' ba gwlej Diosen' chesejnilaže' neda' bi yesebiaye'e.”

San Juan 3:36

Na' beṉe' ca' chesejnilaže' Xi'iṉ Diosen' de yeḻa' mban c̱hegaque' toḻi tocaṉe, san beṉe' cheson güedenag len Xi'iṉ Diosen', bi gata' yeḻa' mban c̱hegaque', ḻe Diosen' gone' cont yesezaca'zi'e toḻi tocaṉe.

San Juan 4:14

Na' note'tez beṉe' ye'ej nisen' gwnežjua'ne' neda', gwbatech biḻden' da' yoble, ḻe dan' gwnežjua'nen' gaquen ḻo' lažda'ogüe' ca to latje ga chaldi nis cont gata' yeḻa' mban c̱he' toḻi tocaṉe.

San Juan 5:24

’Chnia' le'e to da' zejen, beṉe' chosozenag xtižan' na' chesejnilaže' Dios ben' gwseḻa' neda', de yeḻa' mban c̱hegaque' toḻi tocaṉe. Na' bi yesezaca'zi'e toḻi tocaṉe da' bi chesejnilaže'ne'. Bich zjanaque' ca beṉe' guat len yic̱hjlažda'ogaquen' da' bi chosozenague' c̱he Diosen', san ba bocobe' yic̱hjlažda'ogaquen' ṉec̱he ba chesejnilaže'ne'.

San Juan 6:27

Bi cheyaḻa' cuecyic̱hjle gata' da' ye'ej gagwle da' chbiayi', san cuecyic̱hjle gata' da' goṉ yeḻa' mban c̱hele toḻi tocaṉe. Diosen' gwseḻe' neda' golja' beṉac̱h na' neda' goṉa' to da' ye'ej gagwle cont gata' yeḻa' mban c̱hele toḻi tocaṉe. Na' X̱a' Diosen' ba blo'e naca' ben' ba gwseḻe'.

San Juan 6:37

Yogo' beṉe' chbej X̱an' cont yesaque' neda' txen, chžin ža chesejnilaže' neda'. Na' note'teze beṉe' chaclaže' šejnilaže' neda', bi gwsia'ne' ca'ale, san gaclena'ne' cont šejnilaže'nda'.

San Juan 6:47

Chnia' le'e to da' zejen, beṉe' chesejnilaže' neda', de yeḻa' mban c̱hegaque' toḻi tocaṉe.

San Juan 6:68

Na' gož Simón Pedron' ḻe': ―X̱anto', noch no zaca' gwzenagto' xtižen'. Tozo' le' cho'o diža' da' chnežjon yeḻa' mban c̱he beṉe' chzenague' c̱hen.

Hechos 7:59

Na' šlac chosožie' Estebanṉa' yej, Esteban' boḻ güiže' Diosen', gwne': ―X̱ana' Jesús, bezi' neda' yaban'.

Romanos 5:17

De yeḻa' got c̱he chio' beṉac̱h ṉec̱he da' xiṉj da' ben toz ben' gože' Adán, san mbalaz juisyw chac c̱he chio' beṉac̱h ṉec̱he da' güen da' ben Jesucriston' bnežjw yeḻa' mban c̱he' ṉec̱he yogo'cho. Diosen' nži'ide' chio', nachen' bibi chc̱hixjue' chonze' chio' ca beṉe' güen še chejnilaže'cho Jesucriston', na' noṉe' chio' yeḻa' mban toḻi tocaṉe cont ṉabia'cho txen len Jesucriston'.

Romanos 5:2

Da' chejnilaže'cho Jesucriston', Diosen' zoacze' nži'ide' chio'. Na' chebecho ṉezecho gone' soacho mbalaz juisyw can' zoa ḻe' cate' šjayzoacho txen len ḻe'.

Romanos 5:21

Can' chac, de yeḻa' got c̱he yogo' chio' beṉac̱h da' naccho beṉe' chon da' xiṉj, ca'cze Diosen' nži'ide' yogo' chio' beṉac̱h cont note'tezcho gaccho beṉe' güen len ḻe' na' gata' yeḻa' mban c̱hecho toḻi tocaṉe še šejnilaže'cho X̱ancho Jesucriston'.

Romanos 5:9

Na' dan' got Criston' ṉec̱he chio', Diosen' že' naccho beṉe' güen da' chejnilaže'cho ḻe'. Na' Criston' ḻecze gone' cont bi saca'zi'cho cate' žin žan' Diosen' c̱hogbi'e c̱he yogo'ḻoḻ beṉe'.

Romanos 6:23

Še zoacho choncho da' xiṉjen', gata' castigw c̱hecho toḻi tocaṉe cate' gatcho. San Diosen' choṉdadze' chio' to da' güen juisyw, chio' chejnilaže'cho X̱ancho Jesucriston', chone' cont šjayzoacho len Diosen' toḻi tocaṉe.

Romanos 8:1

Na' ṉa'a da' ba naccho txen len Cristo Jesúsen', bich gata' castigw c̱hecho toḻi tocaṉe, ḻe ba chzenagcho c̱he Spiritw c̱he Diosen' cont choncho da' güen na' bich chzenagcho c̱he da' malen' dan' yo'o ḻo' yic̱hjlažda'ochon'.

Romanos 8:29

Cate' biṉa' galjcho Diosen' gwṉezde' šejnilaže'chone' na' bsi'e xṉezen' gac yic̱hjlažda'ochon' güen can' nac yic̱hjlaždao' Xi'iṉe' Jesucriston'. Bsi'e xṉezen' gac Jesucriston' beṉe' blao lao yogo'cho na' chio' gaccho ca biše' ḻježe' bi' xcuide'ch.

Filipenses 1:6

Na' da' nga ṉezda', Diosen' gwzolagüe' chone' to da' güen ḻo' yic̱hjlažda'olen' cana', na' gone' cont yeyož yeyac yic̱hjlažda'olen' can' chazlažen' cate' žin ža yid Jesucriston' da' yoble.

2 Tesalonicenses 2:13

Beṉe' migw, chaque X̱ancho Jesucriston' le'e. Na' neto' cheyaḻa' soatez soato' güe'to' yeḻa' chox̱clen c̱he Diosen' da' gwleje' le'e cate' biṉa' x̱e yežlion' cont šjayzoale len ḻe'. Na' cate' gwzolao chejḻe'le diža' ḻi c̱he Diosen' nach gwseḻe' Spiritw c̱hen' chonen cont nacle beṉe' laždao' xilaže'.

1 Timoteo 1:16

Na' ḻa'czḻa' naca' beṉe' ḻa'zelagüe gwyanch xtoḻa', Jesucriston' beyaše'de' neda' na' bezi'xene' c̱hia' cont blo'e napchgüe' yeḻa' chxenḻaže'. Bene' ca' cont beṉe' za' za'ac yesacbe'ede' nape' yeḻa' chxenḻaže' xen na' yesejnilaže'ne' na' gata' yeḻa' mban c̱hegaque' toḻi tocaṉe.

2 Timoteo 1:12

Na' dan' chona' ca', chžaglagua' da' quinga chac c̱hia', perw bi cheto'eda' c̱hen, ḻe nombi'a Diosen' ben' chejnilaža'. Ba ben cuina' ḻo ne'e, na' ṉezda' nape' yeḻa' guac gone' cont ṉe' soac̱hac̱ha' šejnilaža'ne' caten' žin ža yid Jesucriston' da' yoble.

Hebreos 7:25

Da'nan' chac choṉe' yeḻa' mban toḻi tocaṉe c̱he chio' chṉabcho yezi'xen Diosen' c̱hecho, ḻe zoacze' toḻi tocaṉe chṉabe' goclen lao Diosen' c̱he chio' chejnilaže'chone'.

1 Pedro 1:5

Na' Diosen' len yeḻa' guac xen c̱hen' chcuas chcue'eje' chio' len da' malen' lagüe chejnilaže'chone'. Chone' ca' šlac biṉa' žin ža le'echo da' mba da' gone' gac c̱hecho caten' šjayzoacho len ḻe'.

1 Juan 1:2

Ḻen' golje' beṉac̱h na' ble'eto'ne' na' choe'to' diža' žato' mbancze'. Chyix̱jue'eto' le'e ba zoacze' len X̱acho Diosen' caten' gwxe yežlion' na' bedesoalene' chio' beṉac̱h.

1 Juan 2:19

Ladjo chio' besechoj beṉe' ca' chesegue'ede' Criston'. Gague do laže' gosone' txen len chio' chejnilaže'chone'. Ḻe šaca' do laže' gosone' txen len chio', ṉe' nite' chesonche' chio' txen še ca'. Na' dan' bac̱h besyechoje' nacbia' bi zjanaque' chio' txen.

1 Juan 2:25

Na' da' gwna Jesucriston' goṉe' c̱hecho, goṉe' yeḻa' mban toḻi tocaṉe.

1 Juan 5:11

Na' xtiža' Diosen' chzejni'in chio' guata' yeḻa' mban c̱he beṉac̱hen' toḻi tocaṉe še yesejnilaže' Xi'iṉe' Jesucriston'.

Judas 1:1

Neda' Judas naca' beṉe' güen žin c̱he Jesucriston', na' naca' beṉe' biše' Jacobo. Chzoja' le'e ba gwlej X̱acho Diosen' cont nacle ḻo ne'en nach zoale chcuas chcue'ej Jesucriston' le'e len da' malen'.

Judas 1:21

Na' ḻe soa ḻe gon cont gacbe'ele chaque Diosen' le'e. Na' da' cheyaše' cheži'ilaže' X̱ancho Jesucriston' chio', gone' cont šjayzoalenchone' toḻi tocaṉe. Da'nan' ḻe soa ḻe cueze batcan' gone' ca'.

Judas 1:24

Cheyaḻa' gonxencho toz Dios ben' zaca' gonxencho, ben' noṉe' yeḻa' mban c̱hecho toḻi tocaṉe. Dios nan' naque' beṉe' sina' juisyw. Chac chone' cont bi lažo'cho goncho da' xiṉj, na' chac chone' cont bibi xtoḻa'cho gata' cate' yežincho lagüen' gan' yo'ochgua be'ni'. Ḻeca yebecho cana'. Diosen' naque' ḻa'zelagüe beṉe' zaca' beṉe' blao, na' zaque' chnabi'e doxen. Naque' X̱an yogo' beṉac̱h na' yogo' bica'chle da' de. Ḻen' gocxene' cate' biṉa' x̱e yežlion' na' cheyaḻa' gonxenchone' toḻi tocaṉe dan' gwseḻe' X̱ancho Jesucriston' chaclene' chio'. Ca'šca gac. Da' na'zen' chzoja'.