San Juan 10:15 - Dižaʼ güen c̱he ancho Jesucristo

¹⁵ Nombi'a ḻegaque' ca X̱an' nombi'e neda' na' neda' nombi'a X̱an'. Na' da' nži'ida' ḻegaque' chzane cuina' gata' ṉec̱he ḻegaque'.

San Juan 10:15 Iomraidhean Croise

San Mateo 11:27

Na' gože' beṉe' ca' že'na': ―X̱an' ba bene' ḻo na' gona' cont chombia' beṉe' ḻe'. Ḻe' nombia'yaṉe' neda', na' neda' nombia'yaṉa' ḻe'. Na' beṉe' ca' ba gwleja' ba zjanombi'e X̱an'. Na' noch no zjanita' beṉe' zjanombi'e X̱an', ṉe neda' ca zjanombi'e.

San Mateo 20:28

Ca'cze naquen len neda' naca' ben' gwseḻa' Diosen' golja' beṉac̱h. Gague za'a cont yesaclen beṉe' neda' san za'a cont gaclena' beṉe', na' chzanḻaže' cuina' yesote' neda' ṉec̱he xtoḻa' beṉac̱hen'.

San Lucas 10:21

Za' beyožte gwna Jesúsen' ca' nach ben Spiritw c̱he Diosen' cont bebechgüede' na' boḻ güiže' Diosen', gwne': ―X̱a', le' chnabi'o beṉe' ca' že' yaba na' yežlion'. Na' choṉa' yeḻa' chox̱clen c̱hio' ba bzejni'ido' baḻ beṉe'. Ba bzejni'ido' beṉe' ca' gosacbe'ede' cheseyažjde' no gwsed gwlo'e ḻegaque'. Na' bitw bzejni'ido' beṉe' ca' cheson xbab zjanaque' beṉe' sina' na' beṉe' zjanejni'i. Beno' ca' X̱a', ḻe can' gwyazlažo'.

San Lucas 10:22

Nach gože' beṉe' ca' že'na': ―X̱an' ba bene' ḻo na' chona' cont chombia' beṉe' ḻe'. Ḻe' nombia'yaṉe' neda', na' neda' nombia'yaṉa' ḻe'. Na' beṉe' ca' ba gwleja' ba zjanombi'e X̱an'. Na' nono nochle zjanombia' X̱a' ṉe neda'.

San Juan 1:18

Nono ṉa' soa beṉe' ba ble'ede' Diosen'. Toz ben' nac dogualje Xi'iṉ Dios beṉe' tliša' ba bzejni'ide' chio' beṉac̱h can' nac yic̱hjlaždao' Diosen', ḻe chacchgüe Diosen' ḻe'.

San Juan 10:11

Neda' binḻo chgüia chṉa'a beṉe' chesejnilaže'nda' ca chon to beṉe' güeye' xila' beṉe' chyoe' xila' c̱hen' binḻo. Na' da' nži'ida' ḻegaque', da'nan' chzane cuina' gata' ṉec̱he ḻegaque'.

San Juan 15:13

Nono zoa beṉe' chaquech ḻježe' ca beṉe' chzanḻaže' cuine' gate' ṉec̱he beṉe' migw c̱he'. Na' can' chona' neda'.

San Juan 17:25

X̱a', naco' ḻa'zelagüe beṉe' chon da' zej to ḻicha. Na' ca nac beṉe' ca' bi chesejnilaže'nda', ḻecze bi zjanombi'e le', perw neda' nombi'a le', na' beṉe' ca' ba gwlejo' cont chesejnilaže' neda' zjaṉezde' len' gwseḻo' neda'.

San Juan 6:46

’Bi ṉacho zoa beṉe' ba ble'ede' X̱an'. Toza' neda' ba ble'eda'ne', ḻe za'a gan' zoen'.

San Juan 8:55

Le'e bi nombia'lne', san neda' nombi'ane'. Šaca' ṉia' bi nombi'ane' gaca' beṉe' güenḻaže' can' naclena'. Perw neda' nombi'ane' na' chzenaga' xtižen'.

Gálatas 1:4

Jesucristnan' bnežjw cuine' ṉec̱he xtoḻa'chon' cont bich goncho txen len da' malen' chac ḻo yežlio nga. Bene' ca' ḻe can' gwyazlaže' X̱acho Diosen'

Gálatas 3:13

Perw Criston' bṉitlagüe' xtoḻa'chon' cont bi gac da' mal juisyw c̱hecho dan' bi chzoecho goncho doxen can' ža leyna'. Bnežjw cuine' goc da' mal juisyw c̱he' laz chio'. Goc c̱he' can' nyojen, žan: “Da' mal juisyw chac c̱he note'tez beṉe' chesote' chosode'ene' ḻe'e yag.”

Efesios 5:2

Cheyaḻa' soacho gaque ḻježcho ca Criston' chacde' chio' na' bnežjw cuine' gote' ṉec̱he chio'. Na' chebe Diosen' da' bene' ca', can' chebe beṉe' to da' chḻa' zix̱.

Tito 2:14

Ḻen' bnežjw cuine' ṉec̱he chio' cate' gosote'ne' cont bṉitlagüe' xtoḻa'chon', na' beya' beyibe' yic̱hjlažda'ochon' len da' malen' cont none' chio' ca xi'iṉe'. Na' bene' ca' cont yebecho goncho da' güen.

1 Pedro 2:24

Criston' bnežjw cuine' ṉec̱he xtoḻa'chon' cate' gosote'ne' ḻe'e yag cruzen'. Da'nan' cheyaḻa' cuejyic̱hjcho da' xiṉjen' choncho na' soacho goncho da' güen. Gwxaca'zi'e cont bozoe' chio' binḻo.

1 Pedro 3:18

Ḻe Criston' ḻecze gwdi gwxaque'. Ḻa'czḻa' gwyejcze' to ḻicha len Diosen', bnežjw cuine' gote' ṉec̱he xtoḻa' beṉac̱h tṉi'aze, na' da' bene' ca' zaca'czen' toḻi tocaṉe. Gote' cont ba bozoe' chio' binḻo len Diosen'. Perw ḻa'czḻa' gosote'ne', beyas bebane' ladjo beṉe' guaten', dan' ṉe' zoa spiritw c̱hen'.

1 Juan 2:2

Jesucriston' blalj xc̱hene' ṉec̱he xtoḻa'chon' cont yozoe' chio' binḻo len Diosen', na' gague ṉec̱he xtoḻa' chio'zen' blalj xc̱hene' san ṉec̱he xtoḻa' yogo'loḻ beṉac̱h.