San Juan 10:13 - Dižaʼ güen c̱he ancho Jesucristo

¹³ Na' beṉe' bi zjanaque' x̱an xila' ca' chosoxoṉje' da' bi zjanži'ide' xilan', ḻe bi zjanac xilan' be c̱hegaque', san chosoyoeba' dan' chesezi' laxjuen'.

San Juan 10:13 Iomraidhean Croise

San Juan 10:12

Nita' beṉe' chesezi' laxjue' cont chosoyoe' xila' c̱he beṉe'. Na' beṉe' chesezi' laxjue' chesebejyic̱hje' xila' ca' cate' chesele'ede' za' beco'yo, ḻe xila' ca' bi zjanacba' be c̱hegaque'. Cheso'e latje chṉiz beco'yon' xila' ca' na' chesosḻasba' ḻegacba'.

San Juan 10:14

’Neda' binḻo chgüia chṉa'a beṉe' ca' chesejnilaže'nda', chona' ca chon to beṉe' chyoe' xila' c̱hen' binḻo. Na' nombi'a beṉe' ca' chesejnilaže' neda' na' ḻegaque' zjanombi'e neda'.

San Juan 12:6

Judasen' gwne' ca' gague da' beyaše'de' beṉe' yašen' san da' goque' beṉe' gwban. Ḻen' bex̱ue' mechw da' bosoc̱hin yogüe' na' gwlejlane' mechon'.

Hechos 18:17

Nach beṉe' ca' bi zjanac beṉe' Israel goseṉize' Sóstenes ben' ba nac beṉe' gwnabia' c̱he yodaon', gosot goseyine' ḻe' lao gobernador Galiónṉa', perw bena' bibi cuent bene' ḻegaque'.

1 Corintios 7:32

Na' chaclaža' bi cue' yic̱hjle c̱he da' ca' chac yežlio nga. Beṉe' nono xo'ole' zoa nḻatje' gone' xbab c̱he xšin X̱ancho Diosen' na' c̱he bi da' chaclaže' X̱anchon' gone'.

1 Corintios 7:33

Perw beṉe' nšagne'e chi' yic̱hje' c̱he da' chac yežlio nga, ḻe chone' xbab c̱he bi da' chaclaže' xo'olen' gone', na' gague gac gone' xbab c̱he toz Diosen'.

Filipenses 2:20

Ḻe nono nochle zoa beṉe' seḻa' beṉe' chi'chgua yic̱hje' gac güen c̱hele can' chi' yic̱hj Timoteon'.