San Juan 10:11 - Dižaʼ güen c̱he ancho Jesucristo

¹¹ Neda' binḻo chgüia chṉa'a beṉe' chesejnilaže'nda' ca chon to beṉe' güeye' xila' beṉe' chyoe' xila' c̱hen' binḻo. Na' da' nži'ida' ḻegaque', da'nan' chzane cuina' gata' ṉec̱he ḻegaque'.

San Juan 10:11 Iomraidhean Croise

San Mateo 20:28

Ca'cze naquen len neda' naca' ben' gwseḻa' Diosen' golja' beṉac̱h. Gague za'a cont yesaclen beṉe' neda' san za'a cont gaclena' beṉe', na' chzanḻaže' cuina' yesote' neda' ṉec̱he xtoḻa' beṉac̱hen'.

San Juan 10:2

Ben' chsaljue' na' cho'e cho'a puerten', ḻen' güeyoe' xilan'.

San Juan 15:13

Nono zoa beṉe' chaquech ḻježe' ca beṉe' chzanḻaže' cuine' gate' ṉec̱he beṉe' migw c̱he'. Na' can' chona' neda'.

Efesios 5:2

Cheyaḻa' soacho gaque ḻježcho ca Criston' chacde' chio' na' bnežjw cuine' gote' ṉec̱he chio'. Na' chebe Diosen' da' bene' ca', can' chebe beṉe' to da' chḻa' zix̱.

Tito 2:14

Ḻen' bnežjw cuine' ṉec̱he chio' cate' gosote'ne' cont bṉitlagüe' xtoḻa'chon', na' beya' beyibe' yic̱hjlažda'ochon' len da' malen' cont none' chio' ca xi'iṉe'. Na' bene' ca' cont yebecho goncho da' güen.

Hebreos 13:20

Na' ṉa'a zoa Diosen' chone' cont zoa chbezcho binḻo len xbab da' yo'o ḻo' yic̱hjlažda'ochon'. Ḻen' bec̱his bosbane' X̱ancho Jesucriston' ladjo beṉe' guat, ḻe da' blalj xc̱henen' ḻe'e yag cruzen' gwzolao chac da' cobe da' gwna Diosen' gone' gaclene' beṉe' yesejnilaže'ne'; na' gague da' te c̱he dan' gwne' gonen'. Na' da' nži'ilaže' X̱ancho Jesucriston' chio', zaca'lebde' ca to beṉe' güeye' xila' beṉe' chon da' güen juisyw len be c̱he' ca'.

1 Pedro 5:4

X̱ancho Jesucriston' zaca'lebde' ca to beṉe' güeyoe' xila' beṉe' chnabi'e nochle güeyoe' xila'. Na' cate' yide' da' yoble, cana'ch gone' soale mbalaz juisyw še ba benḻe xšin Diosen' can' cheyaḻa', na' gague da' te c̱he yeḻa' zoa mbalaz c̱helen' ca chde c̱he no premio da' chesone' yežlio nga.

1 Juan 3:16

Bzane cuin Jesucriston' ṉec̱he chio' gosote'ne' dan' ḻeca chacde' chio', da'nan' ṉezecho can' cheyaḻa' gaque ḻježcho. Na' ca'cze chio' cheyaḻa' zane cuincho gatcho cont gaclen ḻježcho še chonen byen.

Apocalipsis 7:17

Ḻe Jesucristw ben' zaca'lebde' ca xila' daon' ben' gosot beṉe' Israel ṉec̱he xtoḻa'gaque', ḻen' chgüia chṉe'e ḻegaque'. Ze' lao Diosen' gachoḻ gan' chi'e chnabi'e na' gone' cont ṉita'chgüe' mbalaz. Gone' cont bich yesebeže' ṉeca yesegüine'de'.