San Juan 10:1 - Dižaʼ güen c̱he ancho Jesucristo

¹ Chnia' le'e to da' zejen, beṉe' bi cho'o ḻo' le'ej c̱he xilan' gan' nac cho'a puerten' san chepe' ga yoble cont cho'e, benan' naque' beṉe' gwban.

San Juan 10:1 Iomraidhean Croise

San Mateo 7:15

’Cheyaḻa' gwsaca'le cont bi šejḻe'le xtiža' beṉe' ca' chesonḻaže' chesene' xtiža' Diosen' cheseyix̱jue'ede'. Xdanchgua cheso'e dižan', ḻe chesaclaže' gonḻe xbab zjanaque' beṉe' güen. Perw zjanaque' beṉe' laždao' xi'a na' chesaclaže' yosožiaye'e le'e.

San Juan 10:7

Nach Jesúsen' bsed blo'echde' ḻegaque' yeto, gwne': ―Chnia' le'e to da' zejen, nedan' naca' ca cho'a puert gan' cheso'o xila' ca' ḻo' le'ej c̱hegacban'.

San Juan 3:3

Na' gož Jesúsen' ḻe': ―Da' ḻi chnia' le', še non' bi galje yeto bi gac šjayzoe' gan' zoa Diosen' chnabi'e.

Romanos 10:15

na' ¿nacxe yeson beṉe' yeseyix̱jue'ede' xtiža' Diosen' še Diosen' bi seḻe' ḻegaque' yeseyix̱jue'eden'? Chac can' nyoj Xtiža' Diosen' žan: “Chbechgüecho caten' za'ac beṉe' cheseyix̱jue'ede' diža' güen chosozejni'ide' guac soacho binḻo len Diosen'.”

Romanos 16:18

Bi chosozenague' c̱he X̱ancho Jesucriston' san chosozenague' c̱he da' mal da' yo'o ḻo yic̱hjlažda'ogaquen' na' chesone' con can' žanṉa'. Na' cheso'e diža' xdan chosopede' beṉe' chesejḻe'daze cont chesex̱oayague' ḻegaque'.

Tito 1:11

Na' da' zjachi' yic̱hjgaque' yesone' gan mechw, da'nan' chosozejni'ide' da' zej clele. Cheyaḻa' gonḻe cont yesenite' šize bich yosozejni'ide' diža' güenḻažen', ḻe clelen' chesone'. Na' beṉe' zan len beṉe' ḻo' yo'o c̱hegaque' chesacžejlaže' c̱he xtiža' Diosen' ṉec̱he xtiža'gaquen'.

Hebreos 5:4

Na' ṉe to bx̱oz ca' bi benxen cuine' ṉeca gwlej cuine' cont gaque' bx̱oz blao, san Diosen' gwleje' to toe' gosaque' bx̱oz blao can' gwleje' da' Aarón.

1 Pedro 1:10

Da' beṉe' ca' goso'e xtiža' Diosen' cani' gosene' yeyaše' yeži'ilaže' Diosen' chio' zoacho ṉa'a. Spiritw c̱he Criston' gwzoan len ḻegaque' bzejni'in ḻegaque' yid Criston' yežlion' na' saca'zi'e na' yeyoža' gwlo'e Diosen' naque' beṉe' zaca' juisyw. Da'nan' bososedyaṉe' na' besyeyiljwyože' non' seḻa' Diosen' gaclene' chio' na' batcan' yide'.

2 Pedro 2:1

Cani' ḻecze besechoj baḻ beṉe' gualaž c̱heto' beṉe' gosonḻaže' gosene' cheseyix̱jue'ede' xtiža' Diosen', na' ca'czen' yesenita' beṉe' yosozejni'ide' le'e diža' güenḻaže' gwx̱e güižj. Na' yeseyiljwlaže' nacle yesone' cont yosozejni'ide' le'e diža' güenḻaže' da' gwžiayin' le'e sin cbi gacbe'ele. Yosozoe' X̱ancho Jesucriston' to šḻa'ale, ben' bnežjw cuine' cont gata' yeḻa' mban c̱hecho toḻi tocaṉe. Perw žin ža yesebiaye'e yalzelaže'.

2 Pedro 2:3

Na' beṉe' güenḻaže' ca' yesezelaže' yeseque'e xmechwle. Da'nan' yosozejni'ide' le'e diža' da' yesaljlaže' cont gwnežjwle ḻegaque' mechw. Perw cani'te Diosen' ba nžie' bia' yesebiaye'e.

1 Juan 4:1

Le'e beṉe' chacda', bi šejḻe'le c̱he yogo' beṉe' chesene' cheso'e diža' dan' gož Spiritw c̱he Diosen' ḻegaque', san ḻe gone' prueba še xtiža'gaquen' naquen da' bzejni'i Dios o še cbi naquen. Ḻe gone' prueba, ḻe ba chaš beṉe' zan beṉe' chesonḻaže' chesene' cheseyix̱jue'ede' dan' gož Diosen' ḻegaque'.