San Juan 1:3 - Dižaʼ güen c̱he ancho Jesucristo

³ Ḻen' bene' yogo' beṉac̱h, yogo' angl, yogo' da' ca' beyac da' mal, yogo' beyix̱e' na' bite'teze da' dech. Bibi de da' gwxe da' bi ben ben' nzi' Xtiža' Dios.

San Juan 1:3 Iomraidhean Croise

San Juan 1:10

Ben' nzi' Xtiža' Dios zoe' yežlion' cate' gwxeten. Na' ḻa'czḻa' ḻen' bene' yežlion' ben' že' yežlion' bi gosacbe'ede' non' naque'.

San Juan 1:2

Cate' gwxe yežlion' ba zoacze' len Diosen'.

1 Corintios 8:6

chio' ṉezecho toze X̱acho Diosen' zaque' gonxencho, na' ḻe' bene' cont gwxe yogo'te da' zjade na' zoacho cont gonxenchone'. Na' ṉezecho toze Jesucriston' naque' X̱ancho, na' ḻe' bene' yogo' beṉac̱h, beyix̱e' na' bichle da' zjade, na' ḻe' choṉe' yeḻa' mban c̱hecho.

Efesios 3:9

Na' Diosen' gwlo'e ḻo na' chzejni'ida' yogo'ḻoḻ beṉe' da' nžie' bia' gac. Gwzolaoten cate' gwxe yežlion', nono gwṉeze da' nžie' bia' gac, con toz Diosen' gwṉezde', Dios ben' bene' yogo'ḻoḻ beṉe', yogo' beyix̱e' na' yogo' bichle da' de.

Hebreos 11:3

Da' chejnilaže'chone' chejḻe'cho con gwṉie' na' goc yaban' len yežlion'. Na' bibi bc̱hine' da' le'echo cate' bene' yogo' da' ca' chle'echo.

1 Juan 5:1

Note'tez chio' naccho xi'iṉ Dios še chejḻe'cho Diosen' gwseḻe' Jesucriston' cont nabi'e. Na' še chaquecho X̱acho Diosen', ḻecz can' gaque ḻježcho, ḻe ḻecz xi'iṉ Dios beṉe' ḻježchon'.

Apocalipsis 3:14

’Na' bzoj ben' choe' xtiža' len beṉe' ca' chesedop chesežag chesonxen neda' ḻo ciuda Laodicea, yo'one' chona' cont chac can' chnalaže' Diosen'. Cho'a diža' ḻi da' nac cayaṉen' che' Diosen' neda'. Txen len neda' ben Diosen' beṉac̱h na' yogo'ḻoḻ bichle da' de ḻe'e yaban' na' ḻo yežlion'. Yo'one' neda' chapa'ne' diža' quinga:

Apocalipsis 4:11

X̱anto' Dios, zaco' gonxento' le', na' soato' le' bala'aṉ na' güe'to' diža' c̱he yeḻa' guac xen c̱hion', ḻe len' beno' yogo'ḻoḻ da' de, na' beno' yogo'ḻoḻen con ca gwnalažo'.