San Juan 1:26 - Dižaʼ güen c̱he ancho Jesucristo

²⁶ Nach Juanṉa' gože' ḻegaque': ―Neda' chzoa' beṉe' nis, na' gachoḻ le'e ba zoa to beṉe' biṉa' gombia'le.

San Juan 1:26 Iomraidhean Croise

San Mateo 3:11

Neda' da' ḻi chzoa' le'e nis ṉec̱he ba betiṉje xtoḻa'le, perw coža'na' za' yid ben' gon cont soa Spiritw c̱he Diosen' ḻo' yic̱hjlažda'olen' ṉabian' le'e. Na' beṉe' ca' bi yeson can' chazlaže' Diosen', seḻe' ḻegaque' ḻo yi' gabiḻen'. Na' ben' za' za' coža'na' zaca'che' ca neda' na' da' nacchgüe' beṉe' zaca', bi zaca' gona' xmandadoe' ḻec̱hja' no xele'.

San Mateo 3:6

Na' cate' gosex̱oadoḻe' bi da' xiṉj zjanone', Juanṉa' bzoe' ḻegaque' nis ḻo yegw Jordánṉa'.

San Marcos 1:8

Neda' ba bzoa' le'e nis, perw ben' za' zan' gone' cont soa Spiritw c̱he Diosen' ḻo' yic̱hjlažda'olen' ṉabian' xbab c̱hele.

San Lucas 3:16

Na' Juanṉa' gocbe'ede' xbab c̱hegaquen' na' gože' yogo'ḻoḻe': ―Neda' da' ḻi chzoa' le'e nis, perw za' yid bena' gon cont soa Spiritw c̱he Diosen' ḻo' yic̱hjlažda'olen' ṉabian' le'e. Na' Spiriton' naquen ca yi', na' gwxi gwloan yic̱hjlažda'ole. Bena' za' za' zaca'che' ca neda', na' da' nacchgüe' beṉe zaca' bitw zaca' gona' xmandadoe' ḻec̱hja' no xele'.

San Juan 16:3

Yesonde' le'e yogo' da' ca' ḻe bi zjanombi'e X̱an' ṉeca neda'.

San Juan 17:25

X̱a', naco' ḻa'zelagüe beṉe' chon da' zej to ḻicha. Na' ca nac beṉe' ca' bi chesejnilaže'nda', ḻecze bi zjanombi'e le', perw neda' nombi'a le', na' beṉe' ca' ba gwlejo' cont chesejnilaže' neda' zjaṉezde' len' gwseḻo' neda'.

San Juan 17:3

Na' beṉe' ca' zjanape' yeḻa' mban toḻi tocaṉe zjanombi'e le', ḻe tozon' zaco' gonxento', na' ḻecze zjanombi'e neda' Jesucristw beṉe' gwseḻo'.

San Juan 8:19

Na' gose'ene': ―¿Gaxe zoa x̱aon'? Na' gwna Jesúsen': ―Ṉe neda' ṉe X̱an' bi nombia'le. Šaca' nombia'le neda' ḻecze nombia'le X̱an'.

Hechos 1:5

Da' zaque' ben Juan da' bzoe' beṉe' nis, perw yeto c̱hope ža da' zaca'ch gac c̱hele dan' yedesoa Spiritw c̱he Diosen' ḻo' yic̱hjlažda'olen' ṉabi'an le'e.

Hechos 11:16

Nach jaysa'laža' xtiža' X̱ancho Jesucriston' can' gwne': “Da' zaque' ben Juan da' bzoe' beṉe' nis, perw da' zaca'che' gac c̱hele cate' yedesoa Spiritw c̱he Diosen' ḻo' yic̱hjlažda'olen' ṉabi'an le'e.”

Hechos 19:4

Nach gož Pablon' ḻegaque': ―Da' Juanṉa' bzoe' beṉe' nis cate' besyetiṉje xtoḻa'gaque' na' ḻecze gože' ḻegaque' cheyaḻa' yesonxene' bena' za' seḻa' Diosen'. Na' da' gwne' ca' be'e diža' c̱he Jesucriston'.

1 Juan 3:1

Ḻe gon xbab catec chaquechgüe X̱acho Diosen' chio' da' chne' naccho xi'iṉe', na' da' ḻicze xi'iṉe' chio'. Beṉe' bi chesejnilaže' Diosen' bi chesejni'ide' naccho xi'iṉ Dios, ḻe bi chesacbe'ede' non' nac Diosen'.