San Juan 1:14 - Dižaʼ güen c̱he ancho Jesucristo

¹⁴ Jesucristo ben' nzi' Xtiža' Diosen' golje' goque' beṉac̱h na' gwzoe' len neto'. Na' ble'eto' naque' beṉe' zaca' juisyw, ḻe togue' naque' dogualje Xi'iṉ Dios. Ḻeca nži'ilaže'de' chio' beṉac̱h na' bedezejni'ide' chio' diža' ḻi c̱he Diosen'.

San Juan 1:14 Iomraidhean Croise

San Mateo 1:16

Nach Jacoben' goque' x̱a José ben' goc beṉe' c̱he María. Na' Marían' goque' xṉa' Jesús ben' nzi' Cristo, zeje diža' ben' gwlej Diosen' cont yedeṉabi'e.

San Lucas 2:11

Ṉa'aža ḻo yež c̱he rey David ba golje bena' gac yebeje' beṉac̱hen' ḻo da' mal. Naque' Cristo, na' zeje diža' naque' ben' gwseḻa' Dios cont ṉabi'e, na' ḻecze naque' X̱ancho.

San Lucas 2:7

Na' gwxane' bi' nechw, to bi' byo dao', na' btobe'be' lache' na' gwlo'ebe' ga chesagw beyix̱e', da' bich bi latje yo'o mesónṉa' par ḻegaque'.

San Lucas 9:32

Na' Pedron' len beṉe' ca' yec̱hope ḻeca gosac ša tase' perw bi gosetase' na' besele'ede' Jesúsen' chactit cho'alagüen' na' zeche' choe'lene' da' Moisésen' len da' Elíasen' diža'.

San Juan 1:1

Cate' gwxe yežlion' ba zoacze ben' nzi' Xtiža' Dios. Zoe' len Diosen' na' ḻecze naque' Dios.

San Juan 11:40

Na' gož Jesúsen' ḻe': ―Ba gwnia' le' še šejnilažo' neda' na' le'edo' nac Diosen' beṉe' zaca' juisyw.

San Juan 14:6

Jesúsen' gože'ne': ―Neda' naca' nezen' na' nsa'a yogo' diža' ḻi, na' toz neda' chac chnežjua' beṉe' yeḻa' mban toḻi tocaṉe. Ṉe toze beṉe' bi yežine' gan' zoa X̱an' še bi šejnilaže' neda'.

San Juan 14:9

Jesúsen' gože'ne': ―Felipe, sša xen ba gwzoa' nga len le'e na' ¿biṉa' gombi'o neda'? Note'tez beṉe' ba ble'e neda' ḻencze X̱an' ba ble'ede'. ¿Bixc̱hen' chṉabo' gona' cont le'ele X̱an'?

San Juan 17:22

Na' yeḻa' bala'aṉ dan' noṉo' neda' ba bnežjuan' ḻegaque' cont zjanaque' toze len beṉe' ḻježe' ca chio' naccho toze.

San Juan 17:24

’X̱a', chacdo' neda' cate' biṉa' x̱e yežlio nga na' nono' neda' beṉe' zaca' juisyw. Na' chaclaža' beṉe' quinga gwlejo' chesejnilaže' neda' yedyesenite' len neda' gan' yedyesoan' cont yesele'ede' naca' beṉe' zaca' juisyw.

San Juan 18:37

Nach Pilaton' gože'ne': ―¿Na' len' naco' rey še ca'? Na' gwna Jesúsen': ―Da' ḻi can' žon', naca' rey na' ba bida' yežlio nga cont gwzejni'ida' beṉac̱hen' diža' ḻi na' yogo' beṉe' chesone' txen len diža' ḻi chosozenague' c̱hia'.

San Juan 2:11

Da' nga ben Jesúsen' yež Caná distritw Galilea goquen yeḻa' guac nechw da' bene' cont blo'e naque' beṉe' zaca'chgua, nach beṉe' ca' gwleje' cont gosaque' ḻe' txen gosejnilaže'ne'.

San Juan 3:16

’Ḻeca chaque Diosen' chio' beṉac̱h, na' gwseḻa' Xi'iṉe' beṉe' tliša' cont note'tez beṉe' chejnilaže'ne' bi cuiaye'e, san gata' yeḻa' mban c̱he' toḻi tocaṉe.

San Juan 3:18

’Note'tez beṉe' chesejnilaže' Xi'iṉ Diosen' beṉe' tlišan', bi yesezi'e castigw c̱he xtoḻa'gaquen', perw beṉe' bi chesejnilaže'ne' ba nchoglaon c̱hegaque' yesezaca'zi'e toḻi tocaṉe da' bi chesejnilaže' Xi'iṉ Dios beṉe' tlišan'.

San Juan 6:51

Neda' naca' yeḻa' guagw dan' za' yaban' dan' nsa' yeḻa' mban toḻi tocaṉe. Beṉe' šejnilaže' neda', bane' toḻi tocaṉe. Na' yeḻa' guagw da' chnežjua' cont gata' yeḻa' mban c̱he beṉac̱hen' naquen cuerp c̱hia'.

San Juan 8:32

Na' še soaczle gonḻe can' ba gwnian', nachen' šejni'ile diža' ḻi c̱hian' na' gaclenen le'e cont yechojle ḻo na' da' chnabia' le'e.

Hechos 13:33

Ba benen' len chio' naccho xi'iṉ diaža c̱he da' beṉe' ca', dan' bosbane' Jesúsen' ladjo beṉe' guaten'. Na' goc can' nyojen c̱he' ḻe'e libr dan' nzi' Salmos, na' salmo gwchopen' žan: “Le' naco' xi'iṉa'; ṉa'aža ba blo'a zoaczo'.”

Romanos 8:3

Ley da' bzoj Moisésen' bi gwzoen yebejen chio' ḻo' da' malen', ḻe yo'o da' malen' ḻo' yic̱hjlažda'ochon'. Nach Diosen' gwseḻe' Xi'iṉe' Jesucriston' golje' yežlion', goccze cuerp c̱hen' ca cuerp c̱he chio' beṉe' güen da' xiṉj. Na' Jesucriston' bnežjw cuine' ṉec̱he xtoḻa'chon' cont da' malen' bich ṉabian' chio' len xbab da' yo'o ḻo' yic̱hjlažda'ochon'.

Romanos 9:5

Beṉe' gole blao beṉe' za' che'eḻte gosaque' x̱ozxtao' neto' beṉe' Israel. Na' ḻo diaža c̱hegaque'na' golje Criston' ben' gwseḻa' Diosen'. Criston' ḻecze naque' Dios na' chnabi'e yogo'te beṉac̱h, yogo'te beyix̱e' na' yogo'ḻoḻ bichle da' de yežlio nga na' gate'teze. Cheyaḻa' gonxenchone' toḻi tocaṉe. Na' can' gonšcaczcho.

1 Corintios 15:47

Diosen' bene' beṉe' nechw len bište yo cont gwzoe' ḻo yežlio nga, perw X̱ancho Criston' ben' zaca'lebde' ca beṉe' nechon' ze'e yaba.

2 Corintios 12:9

Nach X̱anchon' gože' neda': “Bi yeca'a dan' chžaglaguon', san soacza' gaclena' le'. Ḻezen da' chyažjdo'. Cate' bi chac bi gono', canan' gacbe'edo' chaclena' le' cont gono' bi da' cheyaḻa' gono'.” Da'nan' chbeda' güe'cha' diža' c̱he da' ca' chosolo'en bi chac bi gona' še Criston' bi chaclene' neda' len yeḻa' guac c̱hen'.

Gálatas 4:4

Perw cate' bžin ža bžia Diosen' bia' gwseḻa' Xi'iṉen' yežlio nga, gwxan to no'ole ḻe'. Na' Xi'iṉ Diosen' ḻecze benen byen bzenague' c̱he leyna'.

Efesios 3:8

Chacda' ṉe late'ze bibi zaca' ladjo yogo' beṉe' ba gwlej Diosen' zjanaque' ḻo ne'e. Bia'cze nži'ilaže'de' neda' na' gwleje' neda' cont chyix̱jue'eda' len beṉe' bi zjanac beṉe' Israel catec da' zan da' güen juisyw gone' len yogo' chio' chejnilaže'cho Criston'.

Colosenses 1:19

Na' Diosen' chazlaže' dan' nac yic̱hjlaždao' Criston' cayaṉen' nac yic̱hjlaždao' ḻe' na' dan' nac yeḻa' guac c̱he Xi'iṉe' Criston' doxen can' nac yeḻa' guac c̱he ḻe'.

Colosenses 2:3

Criston' nse'e doxen yeḻa' sina' na' yeḻa' chejni'i c̱he Diosen' cont gwzejni'iden' chio'.

Colosenses 2:9

Yic̱hjlaždao' Criston' naquen' cayaṉen' nac yic̱hjlaždao' Diosa', na' nac yeḻa' guac c̱he Criston' doxen can' nac yeḻa' guac c̱he ḻe'.

1 Timoteo 3:16

Da' ḻicze da' zaca'chgua dan' ba bzejni'i Diosen' chio'. Cana' nono gwṉeze da' quinga dan' bzejni'ide' chio' c̱he Jesucriston', žan: Diosen' bide' golje' beṉac̱h, na' Spiritw c̱he Diosen' blo'en naque' beṉe' güen juisyw. Na' beṉe' ca' zjanac angl c̱he Diosen' bedeseṉe'e ḻe'. Na' bžin ža Diosen' bene' cont beyepe' yaba gan' yo'ochgua be'ni'. Na' beṉe' ca' cheso'e xtižen' ba goseyix̱jue'eden' len beṉe' že' nación zito', na' zan beṉe' že' ḻo yežlion' ba chesejḻe'e c̱he'.

Hebreos 1:3

Na' Xi'iṉ Diosen' chlo'e catec beṉe' zaca' nac Diosen', ḻe cayaṉe' nac yic̱hjlaždao' X̱e' Diosen' nac yic̱hjlažda'ogüen'. Na' Xi'iṉ Diosen' chone' cont yaban', yežlion' na' da' ca' chle'echo ḻe'e yaban' na' yežlion' chesonen žin, ḻe nape' yeḻa' guac cont chac con can' že'. Ḻen' bzanḻaže' cuine' gote' cont bexi beyach chio' len xtoḻa'chon'. Na' beyož bene' ca' beyepe' yaban' zjaychi'e cuit X̱e' Diosen' ben' nac beṉe' zaca' juisyw na' chnabi'e txen len ḻe'.

Hebreos 1:5

Diosen' biṉa' ye'e ṉe to angl ca dan' gože' Xi'iṉen', gože'ne': Len' naco' Xi'iṉa'; ṉa'aža ba blo'a zoaczo'. Na' biṉa' güe'e diža' c̱he note'teze angl can' bi'e diža' c̱he Xi'iṉen', gwne': Neda' gona' cont gacbia' naca' X̱e', na' gona' cont gacbia' naque' Xi'iṉa'.

Hebreos 10:5

Da'nan' cate' Criston' bide' yežlio nga gože' Diosen': Dan' chesote' beyix̱e' na' dan' chjasesane' bichle da' chjasesane' laguo', gague da' can' zelažo'. Zelažo' gwnežjw cuina' gona' can' chazlažo', ḻe da'nan' beno' cont golja beṉac̱h.

Hebreos 2:11

Jesúsen' ba gwlo'e chio' ḻo na' Diosen' na' txen len Jesúsen' naccho xi'iṉ Dios. Da'nan' bi cheto'e Jesúsen' ṉe' naccho biše' ḻježe'.

Hebreos 5:5

Na' ca'cze goc len Criston', bitw beyiljue' nac gone' cont gacxene', ṉeca gwlej cuine' cont naque' bx̱oz blao c̱hecho, san Diosen' gwleje'ne' na' gože'ne': Len' naco' Xi'iṉa', ṉa'aža ba bena' cont nacbia' zoaczo'.

1 Juan 4:14

Na' neto' postlw ba ble'eto' na' choe'to' diža' ṉezeto' gwseḻa' X̱acho Diosen' Xi'iṉen' cont gwṉitlagüe' xtoḻa' note'tez beṉe' šejnilaže' ḻe'.

1 Juan 4:9

Dan' ben Diosen' bzejni'ide' chio' can' chacde' chio', gwseḻe' ḻaye'e Xi'iṉe' yežlio nga cont note'tezcho bancho toḻi tocaṉe še chejnilaže'chone' do yic̱hj do laže'cho.

2 Juan 1:7

Beṉe' zan chesaše' ḻo yežlion' chosozejni'ide' clele, ḻe cheso'e diža' c̱he Jesucriston' chesene' bi naque' Dios ben' bide' golje' beṉac̱h. Note'tez beṉe' chon ca' naque' beṉe' gwxiye' na' chone' contr Criston'.

Apocalipsis 19:13

Ble'eda' nyaze' to lache' da' dope chen, na' le' Xtiža' Dios.

Apocalipsis 21:3

Na' do gan' chi' Diosen' chnabi'e benda' gwṉe to beṉe' zižje, gwne': ―Gwṉa'šc, Diosen' ba betje' zoalene' beṉac̱h. Soateze' len ḻegaque', ḻe gwleje' ḻegaque' cont zjanaque' yež c̱he', na' yesonxene'ne'.