Gálatas 4:3 - Dižaʼ güen c̱he ancho Jesucristo

³ Can' goc len neto' beṉe' Israel šlac biṉa' yid Criston', gwxaca'lebto' ca xi'iṉ beṉe' gwṉi'an'. Na' leyna' gwzaca'leben ca beṉe' ca' chesenabia' xi'iṉ beṉe' gwṉian' šlac biṉa' žin ža si'be' dan' de c̱he x̱aben'.

Gálatas 4:3 Iomraidhean Croise

San Mateo 11:28

Le'e chjax̱aque'laže'le na' chacyaše'laže'le da' chaquele nac gonḻe cont soale binḻo len Diosen', chata'yoeda' le'e, ḻe šejnilaže' neda'. Neda' gona' ga soale mbalaz.

San Juan 8:31

Nach Jesúsen' gože' beṉe' gualaž c̱heto' ca' bac̱h gosezolagüe' chesejnilaže'ne': ―Še soaczle gonḻe can' ba gwnian', gwlo'en da' ḻi nacle txen len neda'.

Hechos 15:10

Ba chonḻe contr Diosen' dan' chaquele gwc̱hile beṉe' ca' bi zjanac beṉe' Israel cont yesa'ogüe' costumbr c̱he chio' beṉe' Israel. Ṉezele catec zdebe zjanaquen, ṉe chio' ṉe x̱ozxta'ocho ca' bi goc yesone' yogo' can' ža diža' gol c̱heto' ca'.

Romanos 7:14

Ṉezecho leyna' naquen c̱he Spiritw c̱he Diosen' na' naquen güen, san chio' yo'o da' malen' ḻo' yic̱hjlažda'ochon' na' zoacho choncho da' xiṉj.

Romanos 8:15

Diosen' beṉe' chio' Spiritw c̱hen' caten' gwque'e chio' ca xi'iṉe'. Da'nan' bich chžebcho Diosen' can' chžebcho to beṉe' znia cate' choncho xšinen'. Bich chžebcho Diosen', san choḻ güižchone', che'chone': “X̱a'”.

2 Corintios 11:20

Chzenagle c̱he beṉe' ca' ba gosone' le'e ca xmosgaque'. Choe'le latje cheseziye'e le'e cont chnežjwle ḻegaque' bi da' de c̱hele na' chontezle bi da' chesene'. Chesonxen cuingaque' na' chesebaže' le'e cont chzenagle c̱hegaque', na' bia'cze choe'le latje chosozejni'ide' le'e.

Gálatas 2:4

Goc ca' ḻa'czḻa' gwnita' baḻ beṉe' gosaque' txen len beṉe' ḻježcho ca' Jerusalénṉa' ca hora', beṉe' gague do laže' gosejnilaže' Criston', con bedeseṉe'e še na'oto' costumbr ca' zjanyoj ḻe'e ley c̱he neto' beṉe' Israel. Ḻegaque' gosaclaže' yesone' byen ga'oto' costumbr ca', ḻa'czḻa' ṉezecho chebe Diosen' chio' dan' chejnilaže'cho Criston', gague dan' choncho can' ža leyna'.

Gálatas 3:19

Še naquen ca' ¿bixc̱hen byažje ley dan' bzoj da' Moisésen'? Diosen' bnežjuen' da' x̱ozxta'oto' beṉe' Israel cate' ba gwde tiemp c̱he da' Abrahanṉa' cont gosacbe'ede' bi chesone' can' non Diosen' mandadw yesone'. Na' bžie' bia' gonen žin šlac biṉa' yid Criston' ben' gwna Diosen' galje' ḻo diaža c̱he da' Abrahanṉa', na' c̱he ḻe' be' Diosen' diža' caten' gwne' gone' güen len xi'iṉ diaža c̱he da' Abraham. Na' ca nac leyna', Diosen' bene' cont angl ca' bosonežjuen' da' Moisésen'. Na' Diosen' bc̱hine' Moisésen' bzejni'ide' x̱ozxta'oto' beṉe' Israel ca' can' žanṉa'.

Gálatas 4:2

Beṉe' güen žin ca' nite' ḻo' yo'o chosogüia cheseṉe'ebe' na' chesenabi'ebe' šlac biṉa' c̱ha'obe' na' šlac žin ža co'o x̱aben' ḻo na'be' dan' de c̱hen'.

Gálatas 4:24

Na' dan' goc c̱he no'ol ca' chzejni'in chio' c̱he chop dan' gwna' Diosen' gone' cont gaclene' beṉe' Israel ca'. No'ole esclava ben' le Agar zaca'lebde' ca ley dan' ben Diosen' mandadw bzoj da' Moisésen'. Bzojen' par da' x̱ozxta'o neto' beṉe' Israel ḻo ya'a Sinaí, na' beṉe' ca' zjazaca'lebde' ca esclavos.

Gálatas 4:25

Na' doxen nación Israelen' zaca'leben ca da' Agaren' no'ole esclava c̱he da' Abrahanṉa'. Diosen' bnežjue' da' x̱ozxta'oto' ca' leyna' ḻo ya'a Sinaín' gan' nzi' Arabia, na' ža ṉa'aža beṉe' Israel gualaž c̱heto', beṉe' guac ṉacho beṉe' Jerusalén, ṉe' zjanaque' ca esclovos ṉec̱he chesacde' chonen byen yesa'ogüe' costumbr ca' dan' ža leyna'.

Gálatas 4:31

Da'nan' beṉe' migw, ṉezecho zaca'lebcho ca xi'iṉ da' Saran', gague ca xi'iṉ da' no'ole esclavan'.

Gálatas 4:8

Cate' biṉa' gombia'le Diosen', gwyejnilaže'le da' ca' bi cheyaḻa' šejnilaže'cho, na' ḻegaquen gosenabian' xbab c̱hele.

Gálatas 4:9

Perw ṉa'a ba nombia'le Diosen', o še güench ṉacho Diosen' ba nombi'e le'e. Na' chebanchgüeda' c̱hele dan' chebiga'le cosx̱anḻe na' da' yoble chonxenḻe costumbr ca' ca no c̱he da' ye'ej gagwcho, c̱he ža ca', na' c̱he cuerp c̱hechon', na' cho'ele latje chesenabian' xbab c̱hele ḻa'czḻa' bitw zjazacan' cont yesaclenen chio'.

Colosenses 2:20

Chio' naccho txen len Criston', guac ṉacho Criston' ba none' chio' ca to beṉe' guat len da' xiṉjen' cont bi gonchon, ca beṉe' guaten' goc ḻe' ḻe'e yag cruzen'. Da'nan' bi cheyaḻa' gwzenagcho cate' chesena beṉe' da' zan da' goncho cont soacho binḻo len Diosen', ḻe bi naccho beṉe' c̱he yežlion'. ¿Bixc̱hen' chzenagle c̱he yeḻa' sina' c̱he yežlio nga da' ca' chesene' cheyaḻa' gonḻe na' da' ca' chesene' bi cheyaḻa' gonḻe?

Colosenses 2:8

Ḻe gwsaca' cont nono co'oyeḻe' le'e gwzenagle c̱he diža' sina' c̱he yežlio nga da' naquen da' güenḻaže'. Beṉe' že' yežlion' chosozejni'ide' da' zan da' chesene' cheyaḻa' goncho da' bibi zjazaca', na' bitw chosozejni'ide' c̱he Criston'.

Hebreos 5:12

Ba goḻe' gwzejni'ile beṉe' xtiža' Diosen', perw gualaz da' gonḻe ca', chyažjele no yozejni'i le'e da' yoble da' ca' bsedle da' nechw. Da'nan' zaca'leble ca to bidao' biṉa' gac gagw na' con chaže'be'.

Hebreos 7:16

Bito golje' ḻo diaža c̱he da' Leví can' gosac bx̱oz ca' beṉe' goson žin can' ža ley da' bzoj da' Moisésen', san naque' bx̱oz da' bi gwzoe yeḻa' goten' ḻe' na' zoe' toḻi tocaṉe.