Gálatas 3:1 - Dižaʼ güen c̱he ancho Jesucristo

¹ Le'e beṉe' Galacia, nc̱hoḻ yic̱hjlažda'olen'. ¿No gwziye' le'e cont chaquele cheyaḻa' gonxenḻe costumbr c̱he da' x̱ozxta'oto' ca'? Ba bzejni'iyaṉe'da' le'e c̱he dan' got Criston' ḻe'e yag cruzen' ṉec̱he chio'.

Gálatas 3:1 Iomraidhean Croise

San Mateo 24:24

Yesaš beṉe' gwxiye' beṉe' yesaclaže' yosoḻane' xḻatja' nga, na' yeson cuine' ca beṉe' chesoe' xtiža' Dios. Na' yesone' yeḻa' guac da' yesele'e beṉe' na' bichle da' zaca' yesyebande' cont yeseziye'e ḻegaque'. Na' len beṉe' ca' ba gwlej Diosen' zjanaque' xi'iṉe' yesaclaže' beṉe' gwxiye' ca' yeseziye'e šaca' gac yeseziye'e ḻegaque'.

San Mateo 7:26

Na' beṉe' chzenag xtiža'na' perw bitw chone' can' žia'na', zaca'lebde' ca to beṉe' tont beṉe' bzoa ližen' ḻo yox.

San Lucas 24:25

Na' gož Jesúsen' ḻegaque': ―Nyaše'chguaze le'e bi chejni'ile na' bi chejḻe'le yogo' dan' bosozoj beṉe' ca' gwseḻa' Diosen' goso'e xtižen' cani'.

Hechos 16:6

Nach Spiritw c̱he Diosen' bi ben' latje šjasedix̱jue'e Pablon' len Silasen' len Timoteon' xtiža' Diosen' yež ca' zjachi' distritw gan' nzi' Asia. Da'nan' gosedie' yež ca' zjachi' distritw ca' gan' nzi' Frigia na' Galacia.

Hechos 6:7

Na' beṉe' zanch gosende' xtiža' X̱ancho Jesucriston', na' zan beṉe' Jerusalénṉa' gosejnilaže'ne' na' ḻecze zan bx̱oz ca' bosozenague' na' gosejḻe'e xtiže'na'.

Romanos 10:16

Perw gague yogo' beṉe' gualaž c̱heto' chosozenague' diža' güen c̱he Diosen'. Chac can' gwna Isaías ben' be' xtiža' Diosen' cani', gwne': “X̱ana', nono chzenagtec diža' dan' chzeneto'ne'.”

Romanos 2:8

Na' še zoacho choncho con da' chazlaže'cho na' bi chzenagcho diža' ḻi c̱he Diosen', san zoacho chzenagcho c̱he da' malen', Diosen' ža'ayic̱hje' chio' na' gone' ga saca'zi'cho toḻi tocaṉe.

Romanos 6:17

Na' choa' yeḻa' chox̱clen c̱he Diosen' ṉa'a ba chzenagle do yic̱hj do laže'le xtiža' Diosen' da' ba bzejni'ito' le'e, na' bich chzenagle c̱he da' malen' can' benḻe cana'.

1 Corintios 11:26

Nachen' yogo' ṉi'a cate' chagwcho yetextilen' na' cate' che'ejcho nis uvasen' chjayze'echo can' bene'na', na' chyix̱jue'echo can' bnežjw cuine' gote' ṉec̱he xtoḻa' beṉac̱hen'. Na' can' gonchczcho šlac biṉa' yide' da' yoble.

1 Corintios 2:2

San bec̱hoglaža' be'lena' le'e diža' c̱he Jesucriston' can' bnežjw cuine' gosote'ne' ḻe'e yag cruz ṉec̱he xtoḻa'chon', na' bi be'lena' le'e bichle diža'.

2 Corintios 10:5

Can' chac, Diosen' chaclene' neto' chonto' cont chosozex̱jwyic̱hj beṉe' chosozenague' c̱he Criston' na' chesebejyic̱hje' xbab mal c̱hegaquen' na' bichle da' cheseza'laže' da' chžonen yesombi'e Diosen'.

2 Corintios 11:3

Chxožda' yeseziye' beṉe' le'e cont bich šejnilaže'le Criston' do laže'le na' bich gaquele toz ḻe'. Can' gwziye' beḻen' da' no'ole nechon', no'olen' gože' Eva, da' nacba' be x̱igüe'.

Gálatas 1:6

Diosen' gwleje' le'e cont Xi'iṉe' Criston' gaclene' le'e. Na' chebanda' can' chonḻen' bedao'nez ba chbejyic̱hjle Diosen' na' chzenagle c̱he yeto da' chaquele naquen diža' güen.

Gálatas 2:14

Gocbe'eda' bi chesone' can' cheyaḻa' gon chio' nombia'cho diža' ḻi c̱he Criston'. Na' da'nan' gwdiḻa' Pedron' lao yogo' beṉe' ca' chesedop chesežag chesonxene' Criston', goša'ne': “Le' naco' beṉe' Israel, perw ba gwlejyic̱hjo' costumbr c̱he chio' beṉe' Israel cont chono' txen len beṉe' ca' bi zjanaque' beṉe' Israel. Da'nan' bitw cheyaḻa' gono' byen yeson beṉe' ca' bi zjanaque' beṉe' Israel can' nac costumbr c̱he chio' beṉe' Israel.”

Gálatas 3:3

Spiritw c̱he Diosen' gwyo'on ḻo' yic̱hjlažda'olen' caten' gwzolao chejnilaže'le Criston'. ¿Da' ḻeca nc̱hoḻ yic̱hjlažda'olen' chaquele chyažjen gonle can' ža leyna' cont yeyož gacle can' chazlaže' Diosen'?

Gálatas 4:9

Perw ṉa'a ba nombia'le Diosen', o še güench ṉacho Diosen' ba nombi'e le'e. Na' chebanchgüeda' c̱hele dan' chebiga'le cosx̱anḻe na' da' yoble chonxenḻe costumbr ca' ca no c̱he da' ye'ej gagwcho, c̱he ža ca', na' c̱he cuerp c̱hechon', na' cho'ele latje chesenabian' xbab c̱hele ḻa'czḻa' bitw zjazacan' cont yesaclenen chio'.

Gálatas 5:11

Beṉe' migw, ca nac neda', šaca' ṉe' chsed chlo'eda' ṉia' yogo' beṉe' byo cheyaḻa' yesezoe' señw dan' že' circuncisión cont yesenite' binḻo len Diosen', biḻja chosoc̱hi chososaca' beṉe' Israel gualaž c̱hian' neda' šaca', ḻe can' chososed chosolo'e ḻegaque'. Perw dan' žia' Criston' bnežjw cuine' gote' ḻe'e yag cruzen' cont soacho binḻo len Diosen', da'nan' bi chesazlaže' xtižan'.

Efesios 3:8

Chacda' ṉe late'ze bibi zaca' ladjo yogo' beṉe' ba gwlej Diosen' zjanaque' ḻo ne'e. Bia'cze nži'ilaže'de' neda' na' gwleje' neda' cont chyix̱jue'eda' len beṉe' bi zjanac beṉe' Israel catec da' zan da' güen juisyw gone' len yogo' chio' chejnilaže'cho Criston'.

Efesios 4:14

Na' še gaccho ca', bich šo'cho xbab ca c̱he to bidao', šejcho qui šejcho ca'ale na'ocho to to yeḻa' chejnilaže' da' chesaljlaže' beṉe' güenḻaže' na' beṉe' gwxiye' cont chesonḻede' chio'.

Efesios 5:15

Nachen' cheyaḻa' soacho ṉa'cho dan' choncho. Cheyaḻa' goncho da' naquen da' sina', gague goncho ca beṉe' bi chejni'i.

2 Tesalonicenses 1:8

Na' gwnežjue' da' yesezaca'zi' beṉe' ca' bi zjanombi'e Diosen', na' ṉeca chosozenague' c̱he diža' güen dan' chzejni'in c̱he X̱ancho Jesucriston'.

1 Timoteo 6:4

Beṉe' ca' chosozejni'ide' dan' zej clele chesonxen cuingaque', chesacde' zjaṉezde' da' zan, ḻen bibi chesejni'ide'. Chosošaše' c̱he no diža' o c̱he bichle da' bi naquen da' zaque', chesacxi'e ḻježe', chesacyože' len ḻježe', chesezi'diža' ḻježe', na' chesacde' chesacxi'a beṉe' ḻegaque'.

Hebreos 11:8

Da' Abrahanṉa' ḻecze gwyejnilaže' Diosen'. Da'nan' bzenague' cate' boḻ güiž Diosen' ḻe' na' gože'ne' šeje' ga de to yežlio zito' da' gaquen c̱he'. Na' gwyeje' ḻa'czḻa' bi nombi'e latjen'.

Hebreos 5:9

Na' beyož goc c̱he' yogo'ḻoḻ da' goclaže' Diosen', nach ba guaque' gwnežjue' yeḻa' mban toḻi tocaṉe c̱he yogo' beṉe' yosozenague' c̱he'.

1 Pedro 1:22

Na' da' chaclen Spiritw c̱he Diosen' chio', ba chzenagcho diža' ḻi c̱he Diosen' na' choncho can' že'. Da'nan' ba beyac lažda'ochon' xilaže', na' da'nan' do laže'cho ba chaquecho yezica'chle beṉe' chesejnilaže' Jesucriston'. Na' ca'cze cheyaḻa' goncho, cheyaḻa' gaque ḻježcho do yic̱hj do laže'cho, gague gaquechone' de diža'ze.

1 Pedro 4:17

Ba bžin ža Diosen' ba chone' cont chyi chzaca' chio' naccho xi'iṉe' ṉec̱he bi da' xiṉj da' choncho. Na' dan' chone' ca' zgua'tec len chio' naccho ca beṉe' ḻo' yo'o c̱he', ṉezecho ḻeca gwnežjwche' da' yesezaca'zi' beṉe' ca' bi chosozenag diža' güen c̱hen'.

2 Pedro 2:18

Ḻe chesoe'chgüe' diža' chesonxen cuingaque' na' chesego'oyeḻe' beṉe' za' besyechoj ḻo da' xiṉjen' cont da' yoble yesonteze' da' yeḻa' zto' da' chesezelaže' yesone' len cuerp c̱hegaquen' can' chesoncze beṉe' ca'.

Apocalipsis 18:3

Cuiayin', ḻe beṉe' ca' že' ciudan' gosego'oyeḻe' beṉe' že' yogo' nación cont bosozoe' Diosen' ca'aḻe bi gosonxene' ḻe'. Na' beṉe' gwnabia' ca' že' yežlion' ba gosonchgüe' da' mal txen len beṉe' Babilonia ca' catequen' besyebede' gosone' da' yeḻa' zto', na' beṉe' güen delgens ca' že' ḻo yežlion' ba gosaque' beṉe' gwṉi'a, ḻe beṉe' Babilonia ca' gosonditjchgüede' dan' gota' c̱hegaque' gosezi'en.

Apocalipsis 2:20

Perw de to da' chonḻe da' bi chazlaža', ḻe choe'le latje zoa to no'ole naque' txen len le'e, no'olen' zaca'lebe ca da' reina Jezabel. Že' chsed chlo'ede' xtiža' Diosen' perw len diža' güenḻaže' c̱hen' chziye'e beṉe' chesejnilaže' neda' cont baḻe' chesone' da' nac da' yeḻa' zto' len cuerp c̱hegaquen' na' ḻecze chesagüe' yeḻa' guagw da' chesena beṉe' naquen c̱he ḻ gua'a ḻsaca' chesejnilaže'.