Gálatas 2:2 - Dižaʼ güen c̱he ancho Jesucristo

² Diosen' bzejni'ide' neda' cheyaḻa' ša'a, na' da'nan' gwya'a. Na' btoba' beṉe' ca' zjanaque' blao len beṉe' ca' chesonxen Criston' Jerusalénṉa' na' ḻegacze' bzejni'ida' bin' chyix̱jue'eda' len beṉe' ca' bi zjanaque' beṉe' Israel cate' choe'lena' ḻegaque' diža' güen c̱he Criston'. Bzejni'ida' ḻegaque' bin' chsed chlo'eda', ḻe goclaža' yeseṉezde' cont bi yesene' bibi zaca' dan' chona' na' da' ba bena'.

Gálatas 2:2 Iomraidhean Croise

San Mateo 10:16

’Neda' seḻa' le'e šjatix̱jue'ele xtižan' len beṉe' ca' chesegue'ede' le'e. Zaca'leble ca xila' dao' ben' chja'ac gan' že' beco'yo. Da'nan' cheyaḻa' gacle beṉe' yo'ochgua xbab na' beṉe' xenḻaže' len ḻegaque'.

Hechos 15:12

Beyož gwna Pedroa' ca' nach bich bi gosena beṉe' ca', san yogüe' gosenite' šize bosozenague' xtiža' Pablon' len Bernabén'. Goso'e diža' can' bnežjo Diosen' ḻegaque' yeḻa' guac cont gosone' da' zaca' yebanecho gan' že' beṉe' ca' bi zjanac beṉe' Israel.

Hechos 15:2

Na' Pablon' len Bernabén' gosacyože' len beṉe' ca' za'ac distritw Judea dan' chosozejni'ide' ca'. Nach beṉe' ca' chesonxene' Jesucriston' Antioquían' gosec̱hoglagüen' šja'ac to c̱hope' Jerusalén len Pablon' na' Bernabén'. Šja'aque' šjaseṉe'e postlw ca' že'na' na' len beṉe' ca' chosogüia cheseṉe'e ḻježgaquen' cont yesone' yeḻa' güexi'a len ḻegaque' c̱he dan' chosozejni'i beṉe' ca' za'ac distritw Judean'.

Hechos 15:4

Na' cate' Pablon' len Bernabén' besežine' Jerusalénṉa', beṉe' ca' chesedop chesežag chesonxene' Jesucriston', na' postlw ca' na' len beṉe' ca' chosogüia cheseṉa' ḻježgaquen' besežague' bosoguape' ḻegaque' tiox. Nach Pablon' len Bernabén' gose'e ḻegaque' yogo'ḻoḻ can' ba goclen Diosen' ḻegaque'.

Hechos 18:9

Na' goc to že' Pablon' ble'edagüede' X̱ancho Jesucriston', che'ene': ―Bi žebo' Pablo. Gwzoateze be' xtižan' na' bi so' šize.

Hechos 23:11

Nach že' beteyon' X̱ancho Jesucriston' bžine' gan' de Pablon' na' gože'ne': ―Bi žebo' Pablo. Can' ba bi'o xtižan' Jerusalén ni, ḻecz ca' cheyaḻa' go'o xtižan' ciuda Roma.

Hechos 5:34

Perw gwzoa to beṉe' fariseo len ḻegaque' beṉe' le Gamaliel. Chsed chlo'ede' beṉe' ley dan' bzoj da' Moisésen' na' gosapchgua beṉe' ḻe' bala'aṉ. Na' Gamalielen' gwzeche' na' bene' mandadw yesechoj postlw ca' chyo'ole šlac güe'lene' beṉe' ca' že'na' diža'.

Romanos 9:16

Diosen' chbeje' beṉe' cont yeyaše'laže'de' ḻe', gague can' chaclaže' beṉac̱hen', na' gague da' chesone' bi da' chesone', san Diosen' cheyaše'laže'de' con non' chbeje' yeyaše'laže'de'.

1 Corintios 1:23

San neto' chyix̱jue'eto' xtiža' Criston' can' bnežjw cuine' gosote'ne' ḻe'e yag cruzen'. Na' beṉe' Israel gualaž c̱heto' ca' bi chesazlaže' da' chyix̱jue'eto' na' bitw chesejḻe'en. Na' beṉe' bi zjanaque' beṉe' Israel ḻecze chesacde' bibi zaca' dižan' chyix̱jue'eton'.

1 Corintios 2:2

San bec̱hoglaža' be'lena' le'e diža' c̱he Jesucriston' can' bnežjw cuine' gosote'ne' ḻe'e yag cruz ṉec̱he xtoḻa'chon', na' bi be'lena' le'e bichle diža'.

1 Corintios 9:24

Ṉezecho cate' chosoxoṉj zan beṉe' cont choj to beṉe gon gan, yogüe' chesa'acsese', ḻa'czḻa' tozen' gon gan na' si'e premio. Na' ca chesa'acses beṉe' ca' do yic̱hj do laže', ca' to to chio' cheyaḻa' soacho gwzenagcho c̱he Diosen' do yic̱hj do laže'cho cont gone' soacho mbalaz cate' yežincho gan' zoen'.

1 Corintios 9:26

Da'nan' bi gona' ca to beṉe' chxoṉj, to beṉe' bi ṉezde' ga cheyaḻa' yežine', o ca to beṉe' chdiḻe' len ponet, beṉe' bi ṉezde' ga cuaže'.

2 Corintios 12:1

Bi chazlaža' güe'cha' diža' güen c̱he cuina', san gua' diža' c̱he da' ca' da' ba ble'edagüe'da' na' da' ca' ba bzejni'i X̱ancho Criston' neda'.

Gálatas 1:12

Gague beṉac̱hen' bzenden' neda', na' ṉeca ṉacho beṉac̱hen' bene' cont gwyejni'idan', san cuin Jesucriston' bzejni'ide' neda' diža' güen c̱hen'.

Gálatas 1:16

nach bene' cont bembi'a Xi'iṉe' Jesús. Na' bzejni'ide' neda' cont chyix̱jue'eda' xtiža' Jesúsen' len beṉe' ca' bi zjanac beṉe' Israel. Na' cate' ben Diosen' ca' len neda' notno gwṉabda' gwzejni'ide' neda'.

Gálatas 1:6

Diosen' gwleje' le'e cont Xi'iṉe' Criston' gaclene' le'e. Na' chebanda' can' chonḻen' bedao'nez ba chbejyic̱hjle Diosen' na' chzenagle c̱he yeto da' chaquele naquen diža' güen.

Gálatas 2:6

Na' ca nac beṉe' ca' gosac beṉe' blao len beṉe' ca' chesejnilaže' Criston' Jerusalénṉa', bitw gosazlaže' gwša'a can' chsed chlo'eda' c̱he Criston'. (Žia' ca' ḻa'czḻa' bitw bi nonen len neda' še gosaque' beṉe' blao o še bi gosaque', ḻe len Diosen' tozcze can' zjazaca' yogo'ḻoḻ beṉe'.)

Gálatas 2:9

Can' goquen', Jacobon' len Pedron' len Juanṉa', beṉe' zjanacch blao len beṉe' ca' chesejnilaže' Criston' Jerusalénṉa', cate' ḻegaque' gosacbe'ede' can' chaclen Diosen' neda' chona' xšinen', nach gosox̱e' taca' len taca' Bernabén' cont bosolo'e zjanaque' txen len neto' na' gosazlaže' can' chonto'. Ḻe gosacde' güencze gonto' xšin Diosen' len beṉe' ca' bi zjanac beṉe' Israel na' ḻegaque' yesonen' len beṉe' Israel gualaž c̱heto' ca'.

Gálatas 5:7

Cana' gwzoale chonḻe can' chebe Diosen', perw ṉa'a ¿non' ba ben cont bich chzenagle c̱he diža' ḻi c̱he Diosen'?

Filipenses 2:16

güe'lenḻe ḻegaque' xtiža' Criston' da' nsa' yeḻa' mban toḻi tocaṉe. Še gonḻe ca', nach cate' yid Criston' da' yoble, yebechgüeda' can' benḻen' na' ṉezda' dan' bžaglagua' bena' xšin Diosen' gan' zoalen', gague bendadzan'ṉa'.

Filipenses 2:29

Ḻe gwlebe' binḻochgua da' naque' txen len chio' chejnilaže'cho X̱ancho Criston', na' ḻe gon xbab ba bene' to da' zaca', na' ḻecze ca' ḻe gon xbab c̱he nochle beṉe' chon can' ba benen'.

1 Tesalonicenses 3:5

Na' dan' bi gocxenḻaža' dan' biṉa' la' rson c̱helen', nachen' gwseḻa' Timoteon' gan' zoalen' cont ṉezda' še do laže'le chejnilaže'le Criston'. Ḻe bena' xbab gocda' še ba gwzoe gwxiyen' benḻen le'e. Ḻe še ba benḻen le'e, con bendadzeto' xšin Diosen' len le'e še ca'.

2 Timoteo 4:7

Na' chebeda' guac ṉia' do yic̱hj do laža' ba gwdiḻlena' da' chgue'e Diosen'. Ba bena' yogo'ḻoḻ da' gwlo'o Diosen' ḻo na' gona' na' ba gwzoac̱hac̱ha' chejnilaža' Jesucriston' na' ṉe' zoac̱hac̱hcza'.

Hebreos 12:1

Ṉezecho ba gwnita' beṉe' zan gosone' da' güen ṉec̱he da' gosejnilaže' Diosen', na' dan' gosonen' chzejni'in chio' can' cheyaḻa' goncho. Da'nan' cheyaḻa' gwzoacho ca'ale še bi da' chžonen goncho can' chazlaže' Diosen' na' cuejyic̱hjcho bi da' xiṉj da' choncho, ḻe da' xiṉjen' chziye'czen chio'. Na' cheyaḻa' soatezcho goncho can' ža Diosen' sin cbi yeche'echo.