Gálatas 2:1 - Dižaʼ güen c̱he ancho Jesucristo

¹ Na' gocch žta' iz gwya'a Jerusalénṉa' nach da' yoble gwya'a len Bernabén', na' ḻecze gwc̱hi'a Titon'.

Gálatas 2:1 Iomraidhean Croise

Hechos 11:25

Gwde na' Bernabén' gwze'e zeje' ciuda Tarson' jaydiljue' Saulon', nach cate' beželde' ḻe', gwc̱he'ene' Antioquían'.

Hechos 11:30

Na' gosone' can' bosoxi'ena' nach goseseḻe' Saulon' len Bernabén' distritw Judean' jasenežjue' mechon' beṉe' ca' chosogüia cheseṉe'e beṉe' chesejnilaže' Jesucriston' ciuda Jerusalénṉa'.

Hechos 12:25

Na' Bernabén' len Saulon' beyož gosone' yogo' da' cheyaḻa' yesone' ciuda Jerusalénṉa', nach besyeya'aque' jaya'aque' ciuda Antioquían'. Na' gosec̱he'e to beṉe' le Juan na' ḻecze lie' Marcos.

Hechos 13:2

Na' to ža beṉe' ca' chesejnilaže' Jesucriston' gosone' gwbas zjandop zjanžague' chesonxene'ne' cate'cze gož Spiritw c̱he Diosen' ḻegaque': ―Ḻe cuej Bernabén' len Saulon' cont yesone' xšina' con gate'teze seḻa' ḻegaque'.

Hechos 13:50

Perw baḻ beṉe' Israelen' goso'e diža' len no'ol blao ca' gosonxen Diosen' na' len beṉe' gwnabia' blao ca' ḻo ciudan', na' bosoše'e xbab c̱hegaquen' cont gwzolao gosone' contr Pablon' len Bernabén' na' bich goso'e latje yesenite' doxen distriton'.

Hechos 14:12

Gosene' Bernabén' naque' x̱angaque' ben' zjansi'e Júpiter, na' Pablon' naque' x̱angaque' ben' zjansi'e Mercurio. Gosene' ca' ḻe Pablon' choe'che' dižan'.

Hechos 15:25

Da'nan' gwzoato' txen bento' yeḻa' güexi'a gwlejto' c̱hope beṉe' quinga chseḻa'to' gan' zoalen', txen len postlw Pablon' na' len Bernabén', beṉe' ca' chaquechgüeto'.

1 Corintios 9:6

¿Bixc̱hen' neda' len Bernaben' lao yogo' postlw ca' chonto' žin len ṉi'a na'to' cont si'to' da' ye'ej gagwto' na' c̱hixjwto' bichle gastw c̱heto' da' de šlac chyix̱jue'eto' xtiža' Diosen'?

2 Corintios 2:13

Perw benchgua' xbab c̱he beṉe' migw c̱hecho Titon' da' bi bžine' na'. Da'nan' goša' beṉe' ca': “Nayežagcho”, na' beza' beya'a distritw Macedonian'.

2 Corintios 8:16

Chox̱clen Diosen' bene' cont Titon' zelaže'chgüe' gaclene' le'e con can' zelaža' neda'.

2 Corintios 8:23

Na' ca nac Titon', chone' xšin Diosen' txen len neda' cont chaclento' le'e. Na' beṉe' ca' yec̱hope, zjanite' chesone' cont Criston' chacxene', na' beṉe' ca' chesedop chesežag chesonxene' Jesucriston' gosebeje' ḻegaque' na' cheseseḻe' ḻegaque'.

Gálatas 1:18

Na' gocch šoṉ iz gwya'a Damascon', nach beza' beya'a Jerusalénṉa' cont bembi'a Pedron' na' jasoa' len ḻe' žta'gwbiž.

Gálatas 2:13

Nach yezica'chle beṉe' Israel ca' chesejnilaže' Criston' ḻecze besyebix̱e' bich gose'ej gosagüe' txen len beṉe' ca' bi zjanaque' beṉe' Israel, na' gosego'oyeḻe' Bernabén' cont lencze' bebix̱e'. Na' gosone' ca' cont yesebe beṉe' Jerusalén ca' ḻegaque', ḻa'czḻa' goseṉezde' bi naquen mal yese'ej yesagüe' txen len beṉe' ca' bi zjanaque' beṉe' Israel.

Gálatas 2:3

Ca' goquen' bitw chole gosone' byen soa beṉe' ḻježa' Titon' señw dan' nzi' circuncisión ḻa'czḻa' bi naque' beṉe' Israel.

Gálatas 2:9

Can' goquen', Jacobon' len Pedron' len Juanṉa', beṉe' zjanacch blao len beṉe' ca' chesejnilaže' Criston' Jerusalénṉa', cate' ḻegaque' gosacbe'ede' can' chaclen Diosen' neda' chona' xšinen', nach gosox̱e' taca' len taca' Bernabén' cont bosolo'e zjanaque' txen len neto' na' gosazlaže' can' chonto'. Ḻe gosacde' güencze gonto' xšin Diosen' len beṉe' ca' bi zjanac beṉe' Israel na' ḻegaque' yesonen' len beṉe' Israel gualaž c̱heto' ca'.

Colosenses 4:10

Aristarco die' ḻižya nga txen len neda', na' ḻe' chguape' le'e tiox. Na' ḻecze Marcos ben' nac biše' ḻjež Bernabé chguape' le'e tiox. Ba gwnia' can' cheyaḻa' gonḻe güen len ḻe' cate' le'e gan' zoalen'.

Tito 1:4

Chzoja' le' Tito, naco' ca dogualje xi'iṉa' da' bzejni'ida' le', na' naccho txen chejnilaže'cho Jesucriston'. X̱acho Diosen' na' X̱ancho Jesucriston' ben' noṉe' yeḻa' mban c̱hecho toḻi tocaṉe yesaclenšque' le'e na' yesyeyaše'de' le'e na' yesone' cont soa cuezle binḻo len xbab c̱helen'.