Filemón 1:7 - Dižaʼ güen c̱he ancho Jesucristo

⁷ Beṉe' migw, ḻeca chbeda' na' chac c̱hac̱h laža' ṉezda' chacchgüedo' beṉe' ḻježcho ca' chesejnilaže' Jesucriston', ḻe chacleno' ḻegaque' cont ṉita'che' mbalaz.

Filemón 1:7 Iomraidhean Croise

1 Corintios 16:18

Ba gosone' cont beyaclaža' can' ba gosoncze' len le'e cana', na' da'nan' cheyaḻa' güe'cho yeḻa' chox̱clen c̱hegaque' c̱he dan' ba gosonen'.

2 Corintios 7:13

Na' ṉa'a ba beyacxenḻaže'to' da' bzenagle c̱heto'. Na' ḻecze chebechgüeto' ca mbalaz zoa Titon', ḻe yogo'le benḻe ga bezoa Titon' binḻo len xbab da' yo'o ḻo' yic̱hjlažda'ogüen'.

2 Corintios 7:4

Ṉezda' ḻo' lažda'ogua' gonḻe can' chazlaže' Diosen', na' chbeda' choe'lena' beṉe' diža' ca güenṉa' chonḻe. Ba beyacxenḻaža' da' gwṉezda' chonḻe güen, na' zoa' mbalaz ḻa'czḻa' da' zan da' chac c̱hia'.

1 Tesalonicenses 2:13

Bate'teze choe'to' yeḻa' chox̱clen c̱he Diosen' dan' bzenagle xtiže'na' caten' gwdix̱jue'eton' le'e. Zacbe'ele bi naquen xtiža' beṉac̱h, san naquen xtiža' Dios dan' choe'to'. Na' xtiža' Diosen' dan' chejḻe'le chša'an xbab dan' yo'o ḻo' yic̱hjlažda'olen'.

1 Tesalonicenses 2:19

Chebeto' chonchguale güen na' da'nan' zoato' lez soachguato' mbalaz cate' yid X̱ancho Jesucriston' da' yoble, ḻe yebede' bzjeni'ito' le'e cont chzenagle c̱he'. Da' ḻi le'e chonḻe cont chbeto' na' cont zoato' mbalaz.

1 Tesalonicenses 3:9

Na' da'nan' ḻeca chbeto' lao Diosen' can' chonḻe na' ḻeca choe'chguato' yeḻa' chox̱clen c̱he' can' chonḻen'.

2 Timoteo 1:16

Na' chṉaba' gaclenšca X̱ancho Diosen' Onesíforo len beṉe' ḻo' yo'o c̱he', ḻe bi beto'ede' c̱hia' da' dia' ḻižya nga, san zan ṉi'a bedetipe' laža' nga.

Filemón 1:20

Beṉe' migw, da' chaquecho X̱ancho Jesucriston' chaclaža' gono' dan' chṉaba' nga ca to goclen c̱hia'. Benšca ca soa' mbalaz, ḻe naccho txen len Criston'.

2 Juan 1:4

Ḻeca gwbeda' cate' gwṉezda' baḻ bi' c̱hio' ca' ba nita'be' chesombe' can' ža diža' ḻi c̱he X̱acho Diosen' can' bžie' bia' goncho.