Filemón 1:6 - Dižaʼ güen c̱he ancho Jesucristo

⁶ Na' chṉaba' gaclen Diosen' beṉe' ca' ba gosejnilaže' Jesucriston' lagüe be'leno' ḻegaque' diža' can' chejnilažo'ne'. Chṉaba' gaclene' ḻegaque' cont yesacbe'ede' yogo' da' güen juisyw da' chon Diosen' ḻo' yic̱hjlaždao' chio' chejnilaže'chone'.

Filemón 1:6 Iomraidhean Croise

San Mateo 25:16

Na' ben' bocua'aṉlene' gayo' mil ḻa' gwzolaote chone' delgens len mechon' na' bene' gan ḻecze gayo' mil.

San Mateo 5:16

Na' ca nac le'e, cheyaḻa' soateze soale gonḻe da' güenṉa' cont yesele'e beṉe' na' yesonxene' X̱acho Dios ben' zoa yaban'.

1 Corintios 14:25

Ḻe yesacbe'ede' Diosen' nombi'e xbab da' chesone' ḻo' yic̱hjlažda'ogüen', nach yosozoa xibe' yesonxene' Diosen' na' yesene': “Da' ḻicze zoa Diosen' len beṉe' quinga.”

1 Corintios 16:9

Ḻe beṉe' zan že' nga beṉe' chesaclaže' yosozenague' c̱he Criston' na' ḻecze že' beṉe' zan beṉe' bi chesaclaže' c̱hix̱jue'eda' xtižen'.

Filipenses 4:8

Na' da' ḻa'zelagüe dan' chaclaža' ṉeyoeda' le'e beṉe' migw, cue' yic̱hjle c̱he diža' ḻi, c̱he dan' nac da' zaque', c̱he dan' zej to ḻicha, c̱he dan' bibi da' mal nsa', c̱he dan' naquen binḻo, na' c̱he da' zaca' yebecho. Bite'teze da' naquen da' güenchgua na' bite'teze da' chazlaže' Diosen', ḻe cuec yic̱hjle c̱he dan' zjanac ca'.

Colosenses 1:9

Da'nan' caten' gwṉezeto' ca güenṉa' chonḻe, gwzolaoto' yogo' ṉi'a cate' choḻ güižto' Diosen' chṉabeto'ne' gaclene' le'e. Chṉabto' goṉ Spiritw c̱hen' le'e yogo' cuen yeḻa' sina' na' yeḻa' chejni'i cont ṉezele nacyaṉen' chaclaže' gonḻe.

Colosenses 3:10

Ba chzenagcho c̱he Dios ben' ben chio', ḻe ba bocobe' yic̱hjlažda'ochon'. Na' tža tža chzejni'ide' chio' cont zej chacch xbab c̱hechon' can' nac c̱hen'.

Tito 3:14

Beṉe' ḻježcho ca' chesejnilaže' Criston' cheyaḻa' yesoe'laže' yesone' da' nac güen na' yesaclene' beṉe' chyažj chc̱hine. Ḻe cheyaḻa' gaccho beṉe' chon da' zaca'.

Hebreos 6:10

Diosen' zeje' to ḻicha, na' bi ganḻaže' can' ba benḻe xšinen' na' can' ṉe' chonḻen ṉa'a chaclenḻe yezica'chle beṉe' chesejnilaže'ne'. Na' chonḻe ca' da' chaquele Diosen'.

Santiago 2:14

Beṉe' migw, še to beṉe' že' chejnilaže' Jesucriston' perw bi chone' da' nac güen, bitwbi zejen že' ca'. Bitw chaclenen ḻe' cont gata' yeḻa' mban c̱he' toḻi tocaṉe še con žaze' ca'.

Santiago 2:17

Da'nan', še con žacho chejnilaže'cho Jesucriston' perw bitw choncho da' nac da' güen, bitwcze bi zejen dan' žacho chejnilaže'chonen'.

1 Pedro 2:12

Ḻe soa ḻe gon da' güen cont beṉe' ca' bi chesejnilaže' Diosen' yesele'ede' da' güen da' chonḻe, na' ḻa'czḻa' ṉa'a chesezi'diže' le'e chesene' chonḻe clele, žin ža yesele'ede' chonḻe da' güen na' yesonxene' Diosen' cate' žin ža c̱hogbi'en nac gac c̱he to toe'.

1 Pedro 3:1

Na' ḻecze le'e no'ole nšagna'le, to tole cheyaḻa' gwzenagle c̱he beṉe' c̱hele. Baḻe' biṉa' yosozenague' xtiža' Diosen', na' še gwzenagle c̱hegaque', yesacbe'ede' xtiža' Diosen' naquen da' güen ḻa'czḻa' bibi ye'lne'. Na' yosozenague' c̱he Diosen'

1 Pedro 3:16

Tža tža cheyaḻa' goncho cont ṉezecho ḻo' yic̱hjlažda'ocho bibi doḻa' napcho len Diosen'; nachen' cate' yesezi'diže' chio' da' chejnilaže'cho Criston', yesacbe'ede' ḻe choncho güen na' yesacde' zto'.

2 Pedro 1:8

Ḻe še zejcho chonchguacho yogo' da' ca', nachen' gaccho can' cheyaḻa' gac chio' nombia'cho X̱ancho Jesucriston', na' xšinen' da' goncho chojen güen.