Filemón 1:16 - Dižaʼ güen c̱he ancho Jesucristo

¹⁶ Na' ṉa'a bich naque' mos c̱hio' na'ze san naque' ca beṉe' bišo' da' naque' txen len chio' chejnilaže'cho X̱ancho Jesucriston'. Ḻeca chacda'ne', na' le' cheyaḻa' gacchdo'ne', gague con ca chacdo' note'teze beṉac̱h, san can' chacdo' beṉe' ḻježo' chesejnilaže' X̱anchon'.

Filemón 1:16 Iomraidhean Croise

San Mateo 23:8

’Perw žia' le'e, bi gonḻe byen ye' beṉe' le'e maestrw, ḻe toz neda' Cristo naca' Maestrw c̱hele. Na' yogo' le'e chejnilaže'le neda' nac biše' ḻježle tole yetole.

Hechos 9:17

Nach Ananíasen' gwyeje' gan' zoa Saulon' na' gwyo'e ḻo' yo'ona' na' gwx̱oa ne'e yejlao Saulon', gože'ne': ―Beṉe' migw Saulo, X̱ancho Jesúsen' ben' blo'elagüe' le' tnez gan' za'ona' ba gwseḻe' neda' zedeṉa'a le' cont yele'edo' na' soa Spiritw c̱he Diosen' len le'.

1 Corintios 7:22

Na' ḻa'czḻa' še nacle esclavo c̱he beṉe' cate' X̱ancho Criston' gwleje' le'e, Criston' ba naque' X̱anḻe ṉa'a, gague beṉac̱hen'. Na' chio' biṉa' gaccho esclavo c̱he beṉe', nac Criston' X̱ancho, na' guac ṉacho naccho esclavo c̱he'.

Colosenses 3:22

Na' le'e chonḻe xšin beṉe', ḻe gwzenag yogo'ḻoḻ can' ža x̱an žinṉa' gonḻe. Bitw gonḻele x̱an žinṉa' gonḻe ca beṉe' chonchgua žin cate'zen' chṉe'e le'e, san ḻe gon žinṉa' do yic̱hj do laže'le da' chejnilaže'le Diosen'.

1 Timoteo 6:2

Beṉe' ca' zjanac esclavos, še x̱angaque' ḻecze chesejnilaže' Criston', bi cheyaḻa' yesone' xbab bi yosozenague' c̱hegaque' ṉec̱he zjanaque' txen chesonxene' Criston', san nachle cheyaḻa' yesone' žinṉa' do laže'che' na' cheyaḻa' yesacde' x̱an žin ca' ca beṉe' biše', lagüe zjanaque' txen chesejnilaže' Criston'. Bzejni'i da' ca' ba gwnia' cheyaḻa' yesone' na' gwṉeyoe beṉe' yosozenague' c̱hen.

Hebreos 3:1

Beṉe' migw, Diosen' ba gwleje' chio' naccho ḻo ne'e, na' cheyaḻa' goncho xbab c̱he Cristo Jesús ben' gwseḻe'. Naque' bx̱oz blao c̱hecho na' ben' chejnilaže'cho.

1 Juan 5:1

Note'tez chio' naccho xi'iṉ Dios še chejḻe'cho Diosen' gwseḻe' Jesucriston' cont nabi'e. Na' še chaquecho X̱acho Diosen', ḻecz can' gaque ḻježcho, ḻe ḻecz xi'iṉ Dios beṉe' ḻježchon'.