Efesios 4:2 - Dižaʼ güen c̱he ancho Jesucristo

² Na' chata'yoeda' le'e bi gonxen cuinḻe, san ḻe gon xbab bitec bi zaca'le; na' gacle beṉe' šagüe' na' gaple yeḻa' chxenḻaže' len beṉe' ḻježle na' ḻe gacde' bite'teze yesone'.

Efesios 4:2 Iomraidhean Croise

San Mateo 11:29

Ḻe gwzenag c̱hia' na' gwzejni'ichda' le'e. Neda' naca' beṉe' xenḻaže' na' beṉe' šagüe' na' gona' ca soale mbalaz ḻo' yic̱hjlažda'olen'.

San Marcos 9:19

Na' Jesúsen' gože' beṉe' ca' že'na': ―¡Le'e beṉe' bi chejnilaže'! ¿Šna chyažjen soalena' le'e cont šejnilaže'le? ¿Batca' zelao ṉa'lagua' le'e? Ḻe yedesambe' nga.

Hechos 20:19

Gwzoa' bena' xšin Diosen' na' bi benxen cuina'. Zan ṉi'a gwchežchgua' c̱hele. Na' da' zan da' bosoc̱hi bososaca' beṉe' Israel ca' neda'.

Romanos 15:1

Baḻcho ba zoac̱hac̱hcho chejnilaže'cho Criston' na' ṉezecho de latje ye'ej gagwcho bite'teze. Perw cheyaḻa' gapcho yeḻa' chxenḻaže' len beṉe' biṉa' yesejni'išagüe'de', na' bi goncho con da' žan c̱hecho.

1 Corintios 13:7

Na' cate' chaque ḻježcho, chapcho yeḻa' chxenḻaže' bite'teze da' chesonde' chio', na' choncho xbab güen c̱he yogo'ḻoḻ beṉe', na' zoacho lez yesone' güen yogo' las, na' chyo chchejlaže'cho bite'teze da' chesone beṉe' chio'.

Gálatas 6:2

To tocho cheyaḻa' gaclen beṉe' ḻježcho ca' bite'teze da' chesac c̱hegaque', ḻe can' gwna Criston' chaclaže' goncho.

Efesios 1:4

Na' da' bnežjw cuin Criston' ṉec̱he chio', da'nan' Diosen' gwleje' chio' cate' biṉa' x̱e yežlion' cont gaccho beṉe' laždao' xilaže' na' bibi doḻa' gapcho lagüen'.

Colosenses 1:11

Chṉabto' gaclen Diosen' le'e len yeḻa' guac xen c̱he' cont soatezle šejnilaže'lene' na' gaple yeḻa' chxenḻaže' bite'tezen' chac.

1 Timoteo 6:11

Na' ca nac le' Timoteo, bi gono' can' cheson beṉe' ca', ḻe Diosen' gwleje' le' cont gono' xšinen'. Cuec yic̱hjo' gono' da' zej to ḻicha, ben con can' chazlaže' Diosen', soac̱hac̱ho' šejnilažo'ne', goque beṉe', byo bchejlaže' cate' de da' saca'zi'o, na' goc beṉe' šagüe'.

2 Timoteo 2:25

Na' cate' güe'cho consejw c̱he beṉe' bi chesaclaže' yosozenague' diža' ḻi c̱he Criston', cheyaḻa' güe'lencho ḻegaque' diža' šagüe', na' cuezcho gaclen Diosen' ḻegaque' yosoša' xbab c̱hegaquen' cont yosozenague' c̱he diža' ḻi c̱hen'.

Santiago 1:21

Da'nan' cheyaḻa' cuejyic̱hjcho yogo'ḻoḻ da' xiṉjen' ba benchon' na' yogo'ḻoḻ da' chgue'e Diosen' da' gwcha'o gwxenen ḻo' yic̱hjlažda'ocho cate' biṉa' šejnilaže'chone'. Cheyaḻa' gwzex̱jw yic̱hjcho na' gwzenagcho diža' ḻi c̱he Diosen' dan' ba yo'o ḻo' yic̱hjlažda'ochon', cont gata' yeḻa' mban c̱hecho toḻi tocaṉe.

1 Pedro 3:15

San cheyaḻa' gonxencho Criston' ḻo' lažda'ochon', ḻe naque' X̱ancho. Na' bate'teze cheyaḻa' soacho probnidw cont yoži'icho xtiža' beṉe' še yeseṉabde' chio' bixc̱hen' zoacho lez šjayzoacho len Diosen' toḻi tocaṉe. Na' cheyaḻa' gapcho ḻegaque' bala'aṉ na' güe'lenchone' diža' šagüe'.

1 Pedro 3:8

Yogo'cho cheyaḻa' goncho toze xbab na' cheyaḻa' yeyaše'cho ḻo' lažda'ochon' še bi da' chac c̱he beṉe' ḻježcho. Cheyaḻa' gaque ḻježcho do laže'cho ca beṉe' biše' ḻjezcho, na' cheyaḻa' gaccho beṉe' šagüe' len beṉe' ḻježcho na' bi gon cuincho beṉe' xen.