Efesios 4:16 - Dižaʼ güen c̱he ancho Jesucristo

¹⁶ Cate' to to cuen cuerp c̱hechon' ngoden' na' nox̱e' ḻježen len bela' na' len žit na' len bec̱hj bnia ca' da' ncan', na' to to cuenen chesonen ž'in, nach doxen cuerp c̱hechon' chonen žin ca cheyaḻa'. Na' ca'cze chio' chejnilaže'cho Criston' ngode'cho txen cont to tocho goncho da' non Diosen' c̱hecho goncho, na' yogo'cho txen zej gacchcho beṉe' šagüe' na' zej gaquech ḻježcho.

Efesios 4:16 Iomraidhean Croise

San Juan 15:5

’Neda' zaca'leba' ca to yag da' chbia uvas na' le'e zaca'leble ca xozen'. Note'tezle še soac̱hac̱hle len neda' ḻecze soac̱hac̱ha' len le'e na' gacle can' chazlaže' Diosen', ca'aczen' nac c̱he yag uvazen' dan' chbiachgua, ḻe bibi gac gonḻe to gualazle.

Romanos 12:4

Can' nac cuerp c̱hechon', zan cuen naquen na' gague toze žin da' cheson to to cuenen.

1 Corintios 10:17

Na' can' nac toze yetextil da' chzoxjcho chagw yogo'cho late' güejen, ḻecze ca' yogo' chio' chejnilaže'cho Criston' naccho toze len ḻježcho, ḻe toze yetextilen' chagwcho txen.

1 Corintios 13:13

Nachen' da' quinga šoṉe non Diosen' mandadw goncho toḻi tocaṉe: šejnilaže'chone', soacho lez gone' ga gacch güen c̱hecho, na' gaquecho Diosen' na' ḻjež beṉac̱hcho. Na' da' zejechen goncho lao da' ca' šoṉe, gaquecho Diosen' len ḻjež beṉac̱hcho.

1 Corintios 8:1

Na' gwṉable nac cheyaḻa' goncho len yeḻa' guagw da' chosožie' lao ḻ gua'a ḻsacan' chesejnilaže'. Da' ḻi yogo'cho chejni'icho bibi zjazaca' ḻ gua'a lsaca' ca'. Na' cate' choncho xbab c̱he da' chejni'icho, con chonxen cuincho, perw cate' chaque ḻježcho, cheyiljwlaže'cho nacle goncho cont gaclen ḻježcho.

Gálatas 5:22

Perw na' še chzenagcho c̱he Spiritw c̱he Diosen', goncho yogo' da' quinga: gaquecho ḻjež beṉac̱hcho; soacho mbalaz dan' nombia'cho Diosen'; soacho binḻo len xbab dan' yo'o ḻo' yic̱hjlažda'ochon'; gapcho yeḻa' chxenḻaže' len ḻjež beṉac̱hcho bite'teze da' chesonde' chio'; goncho güen len beṉe' yezica'chle; gaccho beṉe' šagüe' len yogo'ḻoḻ beṉe'; goncho bi da' si' ḻo na'cho goncho;

Gálatas 5:6

Ca nac chio' chejnilaže'cho Cristo Jesúsen', bitw bi nonen len Diosen' še ba zoacho señw da' nzi' circuncisión o še cbi zoachon. Ḻe dan' naquen da' žialao xen len Diosen', soateze soacho šejnilaže'cho Criston' na' gaque ḻježcho cont gacbia' chejnilaže'chone'.

Efesios 1:4

Na' da' bnežjw cuin Criston' ṉec̱he chio', da'nan' Diosen' gwleje' chio' cate' biṉa' x̱e yežlion' cont gaccho beṉe' laždao' xilaže' na' bibi doḻa' gapcho lagüen'.

Efesios 3:17

Chṉaba' soateze soa Criston' len le'e da' chejnilaže'lene'. Na' chṉaba' soaczle gaquele Diosen' na' gaque ḻježle do yic̱hj do laže'le,

Efesios 3:7

Ḻa'czḻa' bitec bi zaca', Diosen' gwleje' neda' len yeḻa' guac c̱hen' cont chyix̱jue'eda' diža' güen c̱hen'.

Efesios 4:12

Can' chon Criston' cont chio' naccho ḻo ne'en chac choncho xšinen'. Na' chonchon cont to to chio' naccho toze len ḻe' zejech gacchcho can' chazlažen'.

Efesios 4:15

Na' cheyaḻa' güe'lencho beṉe' diža' ḻi, perw gaccho beṉe' šagüe' len ḻegaque' cont yesacbe'ede' ḻe chaquechone'. Goncho ca' cont zejech gacchcho beṉe' šagüe' beṉe' güen can' nac Criston' ben' chnabi'e chio'.

Filipenses 1:9

Na' chṉabda' Diosen' gonšque' cont gaquechlne' na' gaqueche ḻježle na' ḻecze šejni'ichle yogo'ḻoḻ da' chaclaže' Diosen' šejni'ile na' gacbe'ele bi da' naquech güen gonḻe cont gaclen ḻježle.

Colosenses 2:19

ḻe bi chosozenague' c̱he Criston'. Perw chio' chdop chžagcho chonxenchone', Diosen' none' cont Criston' chnabi'e chio' ca yic̱hjchon' chnabian' cuerp c̱hechon'. Na' naccho txen len ḻe' na' len beṉe' ḻježcho ca to cuen güeje cuerp c̱hechon' ngoden' txen, ḻe xpela'chon' na' bec̱hj bnia' ca' zjanox̱en' ḻen con ca non Dios c̱hegaquen.

Colosenses 2:2

Chaclaža' gona' c̱hac̱h laže'le cont yic̱hjlažda'olen' yesaquen toze lagüe da' chaque ḻježle. Na' chaclaža' ṉezeyaṉe'le can' cheyaḻa' gonḻe xbab cont šejni'ile da' ba bzejni'i Diosen' chio' c̱he Criston' da' nono gwṉeze cani'.

1 Tesalonicenses 2:13

Bate'teze choe'to' yeḻa' chox̱clen c̱he Diosen' dan' bzenagle xtiže'na' caten' gwdix̱jue'eton' le'e. Zacbe'ele bi naquen xtiža' beṉac̱h, san naquen xtiža' Dios dan' choe'to'. Na' xtiža' Diosen' dan' chejḻe'le chša'an xbab dan' yo'o ḻo' yic̱hjlažda'olen'.

1 Tesalonicenses 3:12

Na' chṉabeto' X̱anchon' gone' cont gaquech ḻježle tole yetole na' gone' ga gaquechle yogo' beṉac̱hen' con catezen' chaqueto' le'e.

2 Tesalonicenses 1:3

Beṉe' migw, neto' cheyaḻa' soateze soato' güe'to' yeḻa' chox̱clen c̱he Diosen' c̱he dan' chonḻen'. Cheyaḻa' gonto' ca' da' zejle chejnilaže'chle Diosen' na' zej chaquech ḻježle.

1 Timoteo 1:5

Na' gono' mandadw yesone' güen, ḻe chaclaža' yesenite' yesaque ḻježe'. Na' cont bibi gwžon yesaque ḻježe', cheyaḻa' yesaque' beṉe' laždao' xilaže', cheyaḻa' yesone' dan' ṉezecho naquen güen yogo' ṉi'a, na' cheyaḻa' yesejḻi'e diža' ḻi c̱he Diosen' do yic̱hj do laže'.

1 Pedro 1:22

Na' da' chaclen Spiritw c̱he Diosen' chio', ba chzenagcho diža' ḻi c̱he Diosen' na' choncho can' že'. Da'nan' ba beyac lažda'ochon' xilaže', na' da'nan' do laže'cho ba chaquecho yezica'chle beṉe' chesejnilaže' Jesucriston'. Na' ca'cze cheyaḻa' goncho, cheyaḻa' gaque ḻježcho do yic̱hj do laže'cho, gague gaquechone' de diža'ze.

1 Juan 4:16

Chio' ba ṉezecho na' chejḻe'cho chaque Diosen' chio'. Diosen' zoacze' chacde' beṉac̱hen', ḻe con can' nac yic̱hjlažda'ogüe'. Na' note'tezcho še zoacho chaquecho Diosen' na' ḻecze zoacho chaque ḻježcho, nachen' zoacho len Diosen' na' ḻe' zoacze' len chio'.