Efesios 4:11 - Dižaʼ güen c̱he ancho Jesucristo

¹¹ Na' ḻecze ḻen' none' c̱he baḻcho naccho postlw, na' none' c̱he baḻcho chyix̱jue'echo bi da' ba gwne', na' none' c̱he yebaḻcho chje'cho diža' güen c̱hen' len beṉe' biṉa' yesenden', na' yebaḻcho none' c̱hecho chgüia chṉa'cho beṉe' chesonxene' ḻe' na' chsed chlo'echo ḻegaque'.

Efesios 4:11 Iomraidhean Croise

San Mateo 28:20

Na' gwsed gwlo'elne' cont yesone' yogo'ḻoḻ dan' ba bena' mandadw gonḻe. Neda' zoacza' len le'e yogo' ža, na' ca'cze ṉe' soa' len le'e cate'ch te c̱he yežlion'. Da' na'zen' chzoja' ṉa'a.

Hechos 13:1

Na' len beṉe' ca' chesedop chesežag chesonxene' Jesucriston' ciuda Antioquían' zjanc̱hix̱e beṉe' cheseyix̱jue'ede' beṉe' yoble bi da' che' Diosen' ḻegaque', na' zjalen beṉe' chososed chosolo'ede' xtiža' Diosen'. Na' ḻegaque' zjalie' Bernabé, na' Simón ben' zjansi'e beṉe' gasj, na' Lucio beṉe' ciuda Cirene, na' Saulo, na' Manaén. Na' Manaénṉa' bgole' txen len rey Herodes ben' gwnabia' distritw Galilea.

Hechos 20:28

Da'nan' cheyaḻa' cuec yic̱hjle c̱he yogo'ḻoḻ dan' ba bzejni'ida' le'e na' ḻecze ca' ḻe gwsed ḻe gwlo'e yezica'chle beṉe' chesedop chesežag chesonxene' X̱ancho Jesucriston' cont yosozenague' c̱he dan' ba bzejṉi'ida'. Ḻe gon ca' ḻe Spiritw c̱he Diosen' ba gwlejen le'e cont gwzejni'ile yezica'chle beṉe' chesonxene'ne'. Jesucriston' bnežjw cuine' bedelaḻj xc̱hene' beque'e xtoḻa'chon' cont bozoe' chio' binḻo len Diosen' da' yoble.

Hechos 21:8

Na' beteyo beza'lento' Pablon' na' bežinto' Cesarean' na' jayga'aṉto' liž Felipe ben' naque' txen len beṉe' ca' yex̱op ben' chesaclene' postlw ca' len žin bixjw da' gota'. Na' Felipen' zoateze' cho'e diža' c̱he Jesucriston'.

Romanos 12:7

Na' še Diosen' ba none' c̱hecho gaclencho beṉe', cheyaḻa' gaclencho ḻegaque'. Na' še ba none' c̱hecho gwsed gwlo'echo beṉe', cheyaḻa' gwsed gwlo'echone'.

1 Corintios 12:4

Toz Spiritw c̱he Diosen' zoa, perw nža' nža' da' chaclenen to tocho choncho o ṉezecho.

Efesios 2:20

Chio' chejnilaže'chone' zaca'lebcho ca to yo'o de yej. Na' neto' postlw na' yezica'chle beṉe' chesoe'lene' le'e xtiža' Criston' zaca'lebto' ca lene yo'ona'. Na' Jesucriston' zaca'lebe' ca yej squin c̱he yo'ona'.

Efesios 3:5

Cana' Spiritw c̱he Diosen' bi bzejni'in beṉe' da' nono gwṉeze c̱he Criston', perw ṉa'a ba bzejni'in neto' postlw c̱he Diosen', na' ba bzejni'in nochle neto' gwleje' cont choe'to' xtižen', neto' nacto' ḻo na' Diosen'.

Efesios 4:8

Da'nan' nyoj Xtiža' Diosen' žan: Cate' beyepe' yaban' bebeje' beṉe' zan ḻo na' gwxiyen' cont bec̱hi'e ḻegaque'. Na' bi'e c̱he beṉac̱hen' da' gac gon to toe'.

2 Timoteo 4:5

Perw ca naco' le', cheyaḻa' gaco' beṉe' yo'o xbab, na' gwdap yeḻa' chxenlaže' len yogo'te da' sacazi'o, na' soatezo' go'o diža' güen c̱he Jesucriston' do yic̱hj do lažo'. Ben yogo' da' gwlo'o Diosen' ḻo nao' gono'.

Hebreos 5:12

Ba goḻe' gwzejni'ile beṉe' xtiža' Diosen', perw gualaz da' gonḻe ca', chyažjele no yozejni'i le'e da' yoble da' ca' bsedle da' nechw. Da'nan' zaca'leble ca to bidao' biṉa' gac gagw na' con chaže'be'.

Judas 1:17

San le'e beṉe' migw, beṉe' chacda', cheyaḻa' šjayze'ele diža' nga gosena postlw ca' beṉe' ca' gwlej X̱ancho Jesucriston'.

Apocalipsis 18:20

Perw le'e že'le yaban', ḻe yebe. Le'e gwseḻa' Diosen' gocle postlw c̱he', na' le'e gwseḻe' be'le xtižen', na' yezica'chle le'e zoale ḻo na' Diosen', ḻe yebe. Ḻe Diosen' ba gwc̱hoglagüe' yesebiayi' beṉe' Babilonia ca' ṉec̱he dan' bosoc̱hi bososaque' le'e.

Apocalipsis 21:14

Na' ze'e dan' nyec̱hje ciudan', lenenṉa' naquen de šižiṉw yej xen, na' zjanyoj ḻe'e yej ca' la šižiṉw neto' nacto' postlw c̱he Jesucristw ben' zaca'lebde' ca xila' dao' ben' gosot beṉe' gualaž c̱heto' ṉec̱he xtoḻa'gaquen'.