Efesios 4:1 - Dižaʼ güen c̱he ancho Jesucristo

¹ Neda' dia' ḻižya nga da' chyix̱jue'eda' xtiža' X̱ancho Jesucriston'. Nachen' chṉeyoeda' šejšcale gonḻe güen can' cheyaḻa' goncho da' gwlej Diosen' chio' naccho xi'iṉe'.

Efesios 4:1 Iomraidhean Croise

Hechos 9:31

Na' beṉe' ca' chesedop chesežague' chesonxene' Jesucriston' doxen distritw Judean', distritw Galilean' na' distritw Samarian' gosenite' binḻo, noch no bosoc̱hi bososaca' ḻegaque', na' gosenita'c̱hac̱he' gosejnilaže' X̱ancho Jesúsen' na' bosozenague' c̱he' do yic̱hj do laže'gaque'. Na' Spiritw c̱he Diosen' benen cont gosacc̱hac̱h laže'gaque' na' benen cont gwyane'.

Romanos 11:29

Na' Diosen' bi chetiṉjde' c̱he beṉe' mbeje' yesaque' nación c̱he', ṉeca chetiṉjde' c̱he goclen da' chone' len beṉac̱hen'.

Romanos 12:1

Beṉe' migw, Diosen' ba cheyaše'laže'de' chio'. Da'nan' chṉeyoeda' le'e ḻe gon doxen cuinḻe ḻo na' Diosen' ṉa'a mbanḻe. Ḻe gonen do yic̱hj do laže'le. Na' ḻe gac beṉe' laždao' xilaže' ḻe can' chazlaže' gonxenchone'.

1 Corintios 4:16

Na' da'nan' chṉeyoeda' le'e gonḻe can' chonan'.

2 Corintios 10:1

Chesena baḻ beṉe' chžeba' tiḻa' le'e cate' zoa' len le'e na' con cate'ze zoa' zito' chzoja' cart chdiḻa' le'e. Bi naquen ca', san chṉeyoeda' le'e diža' šagüe' ca Criston' gwṉeyoede' beṉe' diža' šagüe' da' goque' beṉe' xenḻaže' na' beṉe' šagüe'.

2 Corintios 5:20

Criston' gwseḻe' chio' ca cuine' na' Diosen' chaclaže' ṉeyoecho beṉe' ca cuincze Criston' chṉeyoede' ḻegaque', ye'chone': “Ḻe soa binḻo len Diosen'.”

2 Corintios 6:1

Neto' chonto' xšin Diosen' txen len ḻe'. Da'nan' chṉeyoeto' le'e, ḻe gon can' chazlaže' Diosen' cont gwlo'ele naquen to da' zaca'chgua da' beyaše' beži'ilaže'de' chio'.

Gálatas 4:12

Beṉe' migw, chata'yoeda' le'e gacbe'ele costumbr c̱he neto' beṉe' Israel dan' zjanyoj ḻe'e leyna' bi yesaclenen le'e lao Diosen' ca chacbe'eda' bi yesaclenen neda' lao Diosen'. Na' caten' bedesoa' len le'e cana', bitw ṉacho ba benḻe mal len neda'.

Efesios 2:10

Diosen' bene' chio' na' cate' gwyejnilaže'cho Cristo Jesúsen' bocobe' yic̱hjlažda'ochon' cont soacho goncho da' güen. Cate' biṉa' soacho, bsi'e xṉezen cont soacho goncho da' güen.

Efesios 3:1

Na' da' naquen ca', neda' Pablo choḻ güiža' Diosen' ṉec̱he le'e. Dia' ḻižya nga da' chyix̱jue'eda' xtiža' Cristo Jesúsen' len le'e bi nacle beṉe' Israel.

Efesios 4:17

Da' nga chnia' le'e, X̱ancho Criston' none' mandadw gwzejni'idan' le'e: bi cheyaḻa' soacho goncho xbab ca cheson beṉe' bi chesejnilaže' Diosen', ḻe bibi zacan'.

Efesios 4:4

Yogo' chio' chejnilaže'cho Criston' naccho ca toz beṉe', na' toz Spiritw c̱he Diosen' zoan ḻo' yic̱hjlaždao' yogo'cho. Na' cate' Diosen' gwleje' chio' cont naccho xi'iṉe', ḻecze bene' cont toz can' zoacho lez gone' güen len chio'.

Efesios 5:2

Cheyaḻa' soacho gaque ḻježcho ca Criston' chacde' chio' na' bnežjw cuine' gote' ṉec̱he chio'. Na' chebe Diosen' da' bene' ca', can' chebe beṉe' to da' chḻa' zix̱.

Filipenses 1:27

Na' bite'teze gac, ḻe soa ḻe gon da' güen can' cheyaḻa' gon chio' ba bzenagcho c̱he diža' güen c̱he Criston'. Ḻe gon ca' cont še yedeṉa'a le'e o še bi yedeṉa'a le'e, con che'nda' yenda' rson c̱hele zoac̱hac̱hle len toze xbab, chonḻe txen len beṉe' ḻježle, na' chonḻe con ca zelao chzaque'le cont yezica'chle beṉe' yosozenague' xtiža' Criston' da' ba chejnilaže'le,

Filipenses 3:14

Chona' con ga zelao saqueda' cont Diosen' yebede' neda' cate' yežina' gan' zoen'. Ḻe Diosen' gwleje' neda' cont gac yic̱hjlažda'ogua' can' nac yic̱hjlaždao' Cristo Jesúsen' lagüe da' chejnilaža'ne'.

Colosenses 1:10

Chṉabto' soale gonḻe can' cheyaḻa' gon chio' nombia'cho X̱anchon', cont yebede' yogo' dan' chonḻe. Na' chṉabto' gaclene' gonḻe zan cuen da' güen na' gaclene' šejch gombia'lne'.

Colosenses 2:6

Na' ṉa'a, con can' ba gwzolaole chejnilaže'le Criston' na' ba nonḻene' X̱anḻe, con can' soac̱hac̱hle len ḻe'.

Colosenses 4:12

Nach ḻecze beṉe' gualaž c̱hele Epafras chguape' le'e tiox. Chone' xšin Criston' na' yogo' ṉi'a cate' choḻ güiže' Diosen' chṉabchgüe' gwzejni'i Diosen' le'e yogo'ḻoḻ da' chaclaže' gonḻe cont soac̱hac̱hle gonḻen na' gacle cayaṉen' chazlaže' Diosen'.

1 Tesalonicenses 2:12

Bento' mandadw gonḻe da' güen ca cheyaḻa' gon chio' naccho ḻo na' Diosen', ḻe ba gwleje' chio' par ṉabia'cho txen len ḻe' na' par gone' gac da' mba juisyw c̱hecho cate' šjayzoacho len ḻe'.

2 Tesalonicenses 1:11

Da'nan' zoatez zoato' chṉabeto' Diosa' gaclene' le'e gonḻe güen cont yebede' ba gwleje' le'e par nacle xi'iṉe'. Na' chṉabeto'ne' gaclene' le'e len yeḻa' guac c̱hen' cont yeyož gonḻe yogo' da' güen da' ba gwc̱hoglaole gonḻe na' len bica'chle dan' che'nele gonḻe dan' chejnilaže'lene'.

2 Timoteo 1:9

Diosen' ba noṉe' chio' yeḻa' mban toḻi tocaṉe na' gwleje' chio' cont naccho ḻo ne'en. Na' bene' ca' da' nži'ilaže'de' chio', gague ṉec̱he bi da' güen bencho. Cate' biṉa' x̱e yežlion' bsi'e xṉeze seḻe' Jesucriston' cont gaclene' chio'.

Tito 2:10

Bi yesebane' bi da' de c̱he x̱angaquen', san yesenite' do laže' cont yezica'chle beṉe' yesele'ede' chesone' güen na' yesacbe'ede' güenṉa' nac xtiža' Diosen', Dios ben' noṉe' yeḻa' mban c̱hecho toḻi tocaṉe.

Hebreos 13:21

Na' chṉabda' Diosen' gaclene' le'e bite'tez da' chyažjele cont soale gonḻe yogo'te da' güen can' chazlažen', na' gone' cont gac yic̱hjlažda'ochon' cayaṉen' chaclaže' lagüe da' nombia'cho Jesucriston'. Ḻe gonxen Jesucriston' toḻi tocaṉe. Na' ca' gonšcaczcho.

Hebreos 3:1

Beṉe' migw, Diosen' ba gwleje' chio' naccho ḻo ne'e, na' cheyaḻa' goncho xbab c̱he Cristo Jesús ben' gwseḻe'. Naque' bx̱oz blao c̱hecho na' ben' chejnilaže'cho.

1 Pedro 2:11

Chacda' le'e beṉe' migw, na' chṉeyoeda' le'e ḻe gon xbab ḻe yežlio nga bi naquen lažle. Da'nan' bitw gonḻe bite'teze da' xiṉj da' žan gonḻe len cuerp c̱helen', ḻe še gonḻen, gwžonen soa yic̱hjlažda'olen' binḻo len Diosen'.

1 Pedro 3:9

Še bi da' mal cheson beṉe' len chio', bi ṉacho ḻecze da' mal yebi'icho len ḻegaque'. Na' še beṉe' chesezi'diže' chio', bitw yoži'icho dižan' nac ca' len ḻegaque', san ṉabcho gac da' güen c̱hegaque'. Ḻe Diosen' ba gwleje' chio' cont goncho ca' na' cont goṉe' latje soacho mbalaz.

1 Pedro 5:10

Perw cate' ba gwde da' chyi chzaca'cho šlož dao' ṉa'a, cuin Diosen' gone' cont gacch yic̱hjlažda'ochon' can' chazlažen', cont šejnilaže'chchone', cont soecho gonchcho can' chnalažen', na' cont soacho len toze xbab. Dios nan' nži'ilaže'de' chio' na' chaclene' chio' bite'teze da' chac c̱hecho, na' ba gwleje' chio' chejnilaže'cho Criston' cont šjayzoacho txen len ḻe' gan' yo'ochgua be'ni'.

2 Pedro 1:3

Dan' nap Diosen' yeḻa' guac xenṉan', ba noṉe' chio' yogo' da' chyažjecho cont de yeḻa' mban c̱hecho toḻi tocaṉe na' cont goncho can' chazlažen'. Noṉe' chio' da' ca' lagüe nombia'cho Criston', na' Criston' ben' gwleje' chio' naque' beṉe' zaca' na' beṉe' šagüe'.

2 Juan 1:5

Dan' cheyaḻa' goncho, no'ole, cheyaḻa' soacho gaque ḻježcho tocho yetocho. Na' dan' žia' goncho ca', bi naquen to da' cobe; naquen dan' ba bzeneto' le'e caten' gwzolaole chejnilaže'le Jesucriston'.