Efesios 3:8 - Dižaʼ güen c̱he ancho Jesucristo

⁸ Chacda' ṉe late'ze bibi zaca' ladjo yogo' beṉe' ba gwlej Diosen' zjanaque' ḻo ne'e. Bia'cze nži'ilaže'de' neda' na' gwleje' neda' cont chyix̱jue'eda' len beṉe' bi zjanac beṉe' Israel catec da' zan da' güen juisyw gone' len yogo' chio' chejnilaže'cho Criston'.

Efesios 3:8 Iomraidhean Croise

San Lucas 14:22

Gwde bene' ca' nach gože' ḻe': “X̱ana', ba jatoba' beṉe' ca' ba gwnaon', na' ṉe' dechcze latje par beṉe' yoble.”

San Juan 1:16

Jesucriston' nži'ilaže'chgüede' yogo' chio' chejnilaže'chone' na' zoacze' chaclenchgüe' chio'.

Hechos 5:41

Na' ca nac postlw ca', cate' besyechoje' gan' gota' yeḻa' güexian', chesyebede', ḻe Diosen' be'e latje bosoc̱hi bososaca' beṉe' ḻegaque' ṉec̱he dan' chososed chosolo'ede' c̱he Jesúsen'.

Hechos 9:15

Nach X̱ancho Jesucriston' gože' Ananíasen': ―Gwyej, ḻe ba gwleja' Saulon' cont šjazejni'ide' xtiža' len beṉe' cbi zjanac beṉe' Israel na' len rey c̱hegaque' ca', na' lente le'e nacle beṉe' Israel.

Romanos 11:33

Ḻeca beṉe' sina' Diosen'. Ṉezczede' yogo'ḻoḻ. Gwbat šejni'icho da' nžie' bia' gac o da' nžie' bia' gone' ḻo yeḻa' sina' c̱he'.

Romanos 12:10

Ca chaque biše' goljcho, ca'cze cheyaḻa' gaquecho note'teze beṉe' ḻježcho na' gonchone' beṉe' xench ca cuincho.

Romanos 2:4

¿Bi chacbe'ele Diosen' nacchgüe' beṉe' šagüe' na' beṉe' xenḻaže' len chio' napcho doḻa' na' chone' ca' cont gacbe'echo da' xiṉjen' choncho na' yetiṉjechon?

1 Corintios 1:30

Diosen' ba none' chio' txen len Cristo Jesúsen', na' Criston' nse'e yeḻa' sina' c̱he Diosen' na' naque' ḻa'zelagüe beṉe' güen beṉe' laždao' xilaže'. Na' dan' naccho txen len Criston', choṉe' chio' yeḻa' sina' c̱hen', na' yeḻa' beṉe' güen chen', na' yeḻa' beṉe' laždao' xilaže' c̱hen', na' ba beque'e xtoḻa'chon'.

1 Corintios 2:9

Na' Xtiža' Diosen' da' nyojen žan: Nono zoa beṉe' ba ble'ede' da' güen da' gon Diosen' len beṉe' ca' chesacde' ḻe'. Nono ṉa' yende' diža' can' gone', ṉeca ṉa' yesone' xbab ḻo' lažda'ogüen' can' gaquen'.

Gálatas 1:16

nach bene' cont bembi'a Xi'iṉe' Jesús. Na' bzejni'ide' neda' cont chyix̱jue'eda' xtiža' Jesúsen' len beṉe' ca' bi zjanac beṉe' Israel. Na' cate' ben Diosen' ca' len neda' notno gwṉabda' gwzejni'ide' neda'.

Gálatas 2:8

Ḻe Diosen' ben' chaclene' Pedron' len yeḻa' guac c̱hen' cont chyix̱jue'ede' xtiža' Criston' len beṉe' Israel gualaž c̱heto', ḻeczen' chaclene' neda' len yeḻa' guac c̱hen' cont chyix̱jue'eda' xtiža' Criston' len beṉe' bi zjanaque' beṉe' Israel.

Efesios 2:7

Diosen' goclene' chio' ca' cont tiempen' za' za' gwlo'echde' catequen' nži'ilaže'chgüede' chio', ḻe gonchgüe' zanch da' güen len chio' naccho txen len Cristo Jesúsen'.

Efesios 3:1

Na' da' naquen ca', neda' Pablo choḻ güiža' Diosen' ṉec̱he le'e. Dia' ḻižya nga da' chyix̱jue'eda' xtiža' Cristo Jesúsen' len le'e bi nacle beṉe' Israel.

Efesios 3:16

Diosen' naque' beṉe' zaca' juisyw na' nape' ḻa'zelagüe' yeḻa' guac xen. Nachen' chṉabda'ne' gone' ga soa Spiritw c̱hen' ḻo' lažda'olen' cont soa c̱hac̱h laže'le len yeḻa' guac c̱hen.

Efesios 3:19

Ḻe biṉa' šejni'icho catec chaquechgüede' chio'. Na' ḻecze chṉaba' zej gacchle beṉe' güen doxen can' nac Diosen'.

Efesios 3:2

Chacda' ba ṉezeḻjele nži'ilaže' Diosen' neda' na' bsi'e xṉezen' chzejni'ida' le'e xtižen'.

Filipenses 2:3

Bibi cheyaḻa' goncho cont gac güen c̱he cuinzcho na' bibi goncho cont gacxen cuincho, san cheyaḻa' gwzex̱jwlaže'cho na' goncho xbab zaca'ch beṉe' ḻježcho clel ca chio'.

Filipenses 4:19

Na' Dios c̱hia' nan' goṉcze' yogo'te bi da' chyažjele lagüe chejnilaže'le Cristo Jesúsen', ḻe yogo' da' de yo'on ḻo ne'e.

Colosenses 1:27

Diosen' chaclaže' ṉezecho ḻeca güen juisyw chone' len note'tezcho chejnilaže'chone', ḻa'czḻa' bi naccho beṉe' Israel. Cana' nono gwṉeze gone' da' güen juisyw len note'tezcho, perw ṉa'a Diosen' ba bzejni'ide' chio' zoacze Criston' len chio' chejnilaže'chone' na' da'nan' zoacho lez šjayzoacho len Diosen' gan' yo'ochgua be'ni'.

1 Timoteo 1:13

Gwleje' neda' ḻa'czḻa' cana' bia' diža' bya' c̱he' na' bgue'eda'ne' na' bc̱hi bsaca' beṉe' ca' chesonxene' ḻe'. Na' ḻa'czḻa' bena' ca', Diosen' beyaše' beži'ilaže'de' neda', ḻe biṉa' šejnilaža'ne' ca hora' na' biṉa' gacbe'eda' chona' clele.

1 Timoteo 1:15

Da' nga naquen to diža' ḻi da' zaca' šejḻe'cho: Jesucriston' bide' yežlio nga cont beque'e xtoḻa' chio' beṉe' güen da' xiṉj. Na' chacda' neda' naca' beṉe' ḻa'zelagüe gwyanch xtoḻa'.

1 Timoteo 2:7

Na' Diosen' gwleje' neda' cont naca' postlw c̱he' na' cont chyix̱jue'eda' xtiže'. Choa' diža' ḻi, bi chonḻaža', ḻe naca' Criston' txen, gwleje'nda' cont chzejni'ida' beṉe' ca' bi zjanac beṉe' Israel diža' ḻi c̱he' cont yesejnilaže'ne'.

2 Timoteo 1:11

Na' Diosen' gwleje' neda' naca' postlw c̱he' na' gwseḻe'nda' cont chyix̱jue'eda' diža' güen c̱he Jesucriston' na' chsed chlo'eda' beṉe' bi zjanac beṉe' Israel.

Apocalipsis 3:18

Da'nan' chnia' le'e cheyaḻa' si'le da' goṉa' le'e, ḻe naquen da' zaca'ch ca oro dan' ba bosozeye' cont bega'aṉ da' dogualje. Si'le da' goṉa' le'e cont da' ḻi soale mbalaz. Na' ḻe ṉab yezi'xena' xtoḻa'le cont gac lažda'olen' xilaže' can' chac xaḻana' beṉe' nyaz to lache' šiš xila'. Gonḻe ca' cont bich le'eda' le'e ca to beṉe' laže' ga'alyid, beṉe' cheyaḻa' gaque zto'. Na' ḻe güe' latje yocoba' xbab c̱helen' cont bich gacle ca to beṉe' bi chle'e, beṉe' chyažje rmed c̱he yejlagüe' cont le'ede', san gacbe'ele da' chaclaže' Diosen' gonḻe.