Efesios 2:9 - Dižaʼ güen c̱he ancho Jesucristo

⁹ Ḻe Diosen' bi chaclaže' güe'cho diža' o gaquecho bṉitlagüe' xtoḻa'chon' ṉec̱he bi da' güen da' ba bencho.

Efesios 2:9 Iomraidhean Croise

Romanos 11:6

Diosen' gwleje' neto' cont chonxento'ne' da' nži'ilaže'de' neto'. Bi gwleje' neto' lagüe' da' nonto' bi da' güen. Šaca' gwleje' neto' lagüe' da' nonto' bi da' güen, bi naquen con to goclen da' choṉ Diosen' neto' ḻo yeḻa' beṉe' šagüe' c̱he' cate' chbeje' neto' še ca', san naquen to goclenze.

Romanos 3:20

Bi ṉacho zoa beṉe' naque' beṉe' güen len Diosen' da' chone' yogo' da' ža leyna', ḻe notno chon ca'. Leyna' chlo'en chio' naccho beṉe' güen da' xiṉj.

Romanos 4:2

Šaca' Abrahanṉa' bene' doxen can' ža leyna', zaca' gonxen cuine' da' naque' beṉe' güen, san bi bene' doxen can' žanṉa' na' bibi gota' da' zaca' gonxen cuine' lao Diosen'.

Romanos 9:11

Cate' biṉa' yesalje bi' cuaš ca' na' bibi ṉa' yesombe' cont ṉacho zjanacbe' bi' güen o bi' mal, Diosen' blo'ede' chbeje' note'tez beṉe' chaclaže' cont gone' güen len ḻegaque'. Ḻe Diosen' gože' Rebecan': “Bin' galje da' nechw gwzex̱jw yic̱hjbe' cont bin' za' cože'ben' ṉabia'be' ḻebe'.” Gwne' ca' cont ṉezecho chbeje' beṉe' gac güen c̱hegaque', gague lagüe da' chesone' bi da' güen, san cont gac can' chnalažen'.

Romanos 9:16

Diosen' chbeje' beṉe' cont yeyaše'laže'de' ḻe', gague can' chaclaže' beṉac̱hen', na' gague da' chesone' bi da' chesone', san Diosen' cheyaše'laže'de' con non' chbeje' yeyaše'laže'de'.

2 Timoteo 1:9

Diosen' ba noṉe' chio' yeḻa' mban toḻi tocaṉe na' gwleje' chio' cont naccho ḻo ne'en. Na' bene' ca' da' nži'ilaže'de' chio', gague ṉec̱he bi da' güen bencho. Cate' biṉa' x̱e yežlion' bsi'e xṉeze seḻe' Jesucriston' cont gaclene' chio'.