Efesios 2:7 - Dižaʼ güen c̱he ancho Jesucristo

⁷ Diosen' goclene' chio' ca' cont tiempen' za' za' gwlo'echde' catequen' nži'ilaže'chgüede' chio', ḻe gonchgüe' zanch da' güen len chio' naccho txen len Cristo Jesúsen'.

Efesios 2:7 Iomraidhean Croise

Romanos 2:4

¿Bi chacbe'ele Diosen' nacchgüe' beṉe' šagüe' na' beṉe' xenḻaže' len chio' napcho doḻa' na' chone' ca' cont gacbe'echo da' xiṉjen' choncho na' yetiṉjechon?

Efesios 1:7

Caten' got Criston', blalj xc̱hene' ṉec̱he da' xiṉjen' ben chio' chejnilaže'chone'. Da'nan' Diosen' bezi'xene' xtoḻa'chon', ḻe nži'ilaže'chgüede' chio'.

Efesios 2:4

Goccho ca beṉe' guat len yic̱hjlažda'ochon' da' gwzoacho bentezcho da' malen'. Na' šlac ṉe' naccho ca', Diosen' ḻeca beyaše' beži'ilaže'de' chio' na' gocchgüede' chio'. Na' lagüe da' nži'ilaže' Diosen' chio', da'nan' bocobe' yic̱hjlažda'ochon' cate' gwyejnilaže'cho Criston', na' beṉe' yeḻa' mban c̱hecho toḻi tocaṉe.

Efesios 3:21

Na' chio' chdop chžagcho chonxencho Criston', cheyaḻa' gonxencho Diosen' ṉa'a na' toḻi tocaṉe da' gwseḻe' Cristo Jesúsen' ṉec̱he chio'. Na' can' gonšcaczcho.

Efesios 3:5

Cana' Spiritw c̱he Diosen' bi bzejni'in beṉe' da' nono gwṉeze c̱he Criston', perw ṉa'a ba bzejni'in neto' postlw c̱he Diosen', na' ba bzejni'in nochle neto' gwleje' cont choe'to' xtižen', neto' nacto' ḻo na' Diosen'.

2 Tesalonicenses 1:12

Chṉabto' gonḻe cont X̱ancho Jesucriston' gacxene', na' ḻe' gone' ga gacxenḻe txen len ḻe', ḻe Dios c̱hechon' na' X̱ancho Jesucriston' nita'cze' chesaclene' le'e.

Tito 3:4

Perw bžin ža Dios ben' noṉe' yeḻa' mban c̱hecho toḻi tocaṉe blo'ede' chio' catec beṉe' šagüe' naque' na' catec chacde' chio' beṉac̱h.

1 Pedro 1:12

Na' Diosen' bzejni'ide' ḻegaque' c̱he da' ca' bosozoje' cont goseṉezde' gaquen c̱he chio' zoacho ṉa'a na' gague c̱he cuingaque'. Na' ṉa'a Spiriton' dan' za' gan' zoa Diosen' ba benen cont gwnita' beṉe' goseyix̱jue'ede' le'e diža' güen c̱he Criston', na' diža' güen c̱hen' naquen lebe len dan' bosozoj da' beṉe' ca' goso'e xtiža' Diosen' cani'. Na' lente angl c̱he Diosen' chesezelaže' yesejni'ide' naquen' chaclen Diosen' chio'.