Apocalipsis 8:5 - Dižaʼ güen c̱he ancho Jesucristo

⁵ Nach anglen' gwxi'e ya'alj da' žia ḻo mesen' gwlo'en ḻo' barseren' na' bzaḻen' ḻo yežlion' na' gošj gwtinchgua, na' goc bichle sšag, gwyep yes na' gwxo'.

Apocalipsis 8:5 Iomraidhean Croise

San Mateo 24:7

Ḻe yesediḻ to yež len yeto yež yoble na' to nación len yeto nación yoble. Na' cue' yižgüe', na' gata' gwbin na' zan cuen ga x̱o'chgua ḻo yežlion'.

San Lucas 12:49

Nach gwna Jesúsen': ―Dan' zedeyena' yežlio nga naquen ca to yi' da' cuec beṉe'. Na' yebeda' šaca' ba chi' yi'na'.

Hechos 16:26

Nach zejzenez ḻeca gwxo' na' bsesechguan len yo'o ḻižyana'. Na' to ši'ize yogo' puert c̱he ḻižyana' beseyaljon na' besyeyež yogo' gden ca' dan' zjanchej ṉi'a na' beṉe' ca' že' ḻo' ḻižyan'.

Hechos 4:31

Na' cate' beyož bosoḻ güiže' Diosen', Diosen' bene' gwxo' gan' zjandop zjanžague'na' na' Spiritw c̱he'na' gwzoachguan len ḻegaque', nach goso'e xtiža' Diosen' sin cbi besežebe'.

Apocalipsis 11:13

Šlac chesyeyepen' ḻeca gwxo' na' gwžiayi' late' ciudan', na' gaže mil beṉe' gosat caten' gwxon'. Na' beṉe' ca' besyega'aṉ besežebchgüe' na' gosonxene' Dios ben' zoa yaba.

Apocalipsis 11:19

Nach byaljo gan' chesonxene' Diosen' yaban' na' ble'eda' caj gan' že' yej ca' gan' nyoj da' ca' gož Diosen' beṉe' Israel gualaž c̱heto' ca' yesone' cont gaclene' ḻegaque'. Na' šlac gwṉa'a, gwyep yes, gocchgua sšag, gošj gwtin, gwxo' na' gwche'chgua yej.

Apocalipsis 4:5

Na' gan' chi' Diosen' chnabi'e chep yes na' chac sšag na' chašjw chtin. Na' lagüen' nita' gaže yi' da' chaḻa'ṉiṉ. Yi' ca' gaže zjanaquen Spiritw c̱he Diosen', na' Spiritw c̱he Diosen' naquen ca gaže spiritw.

Apocalipsis 6:12

Nach ben' zaca'lebde' ca xila' daon' be gosot beṉe' gualaž c̱heto' ṉec̱he xtoḻa'gaque', cate' bzoxje' seyw gwxope, gwṉa'a na' ḻeca gwxo'. Na' gwbižen' beyaquen gasj ca lache' gasj da' chesaz beṉe' chesegüine', na' doxen bion' beyaquen xṉa ca chen.

Apocalipsis 8:3

Na' yeto angl bedeseche' cho'a mes de oro da' zoa lao Diosen' gan' chi'e chnabi'e, mesen' gan' beṉe' ca' že' yaban' chosozeye' bi da' chosozeye' cate' chesonxene' Diosen'. Na' angla' nox̱e' to barser de oro gan' yo'o da' zc̱ha'o yal na' bžien' ḻo yi' ya'alj da' žia ḻo mesen'. Anglen' bene' ca' cont naquen txen len ši'i beṉe' ca' chesonxene' Diosen' bate'teze chosoḻ güiže'ne'.