Apocalipsis 7:9 - Dižaʼ güen c̱he ancho Jesucristo

⁹ Na' gwdena' gwṉa'a da' yoble na' ble'eda' zjaze beṉe' zan lao Diosen' gan' chi'e chnabi'e na' lao ben' zaca'lebde' ca xila' daon' be gosot beṉe' Israel ṉec̱he xtoḻa'gaque'. Na' nono goc yosolab baḻ beṉe' že', ḻe gosaque' beṉe' zan juisyw, beṉe' to to nación, to to yež, to to diaža, na' gosaque' beṉe' chesac gwde gwdele diža' da' de ḻo yezlion'. Na' yogüe' zjanyaze' lache' šiš na' zjanox̱e' zin.

Apocalipsis 7:9 Iomraidhean Croise

San Lucas 12:1

Na' goc zan mil beṉe' besežague' gan' zoa Jesúsen', catec beṉe' zan besežag bosolej bosošošjte ṉi'a ḻježe'. Na' Jesúsen' zgua'tec gwzolagüe' be'e diža' len beṉe' ca' zjanaque' ḻe' txen, gože' ḻegaque': ―Ḻe gwsaca' len levadura c̱he beṉe' fariseo ca'. Dan' cheseziye'e beṉe' cont yesacde' zjanaque' beṉe' güen zaca'leben ca levadura dan' chc̱hix̱ede' yetextil. Bitw gonḻe can' chesonen'.

San Lucas 21:36

Perw yogo' ža ḻe soa ḻe cuez batcan' gac da' quinga na' ḻe yoḻ güiž Diosen' cont bibi gac c̱hele na' gac yedyesoale len neda' naca' ben' gwseḻa' Diosen' golja' beṉac̱h.

San Juan 12:13

besežaše' jaseḻeze' ḻe' zjanox̱e' no zin. Na' chesegüe'e ḻban' c̱he', chesene': ―¡Ḻeca beṉe' zaca' benga! Mbalaz ben' za' nga nseḻa' X̱ancho Diosen' ḻe' cont ṉabi'e. ¡Mbalaz beṉe' naque' Rey c̱he nación Israel c̱hechon'!

Romanos 11:25

Beṉe' migw, che'nda' šejni'ile da' nga da' nono ṉa' ṉeze cont bi ga'laže'le gaquele zaca'chle clel ca beṉe' Israel gualaž c̱heto' ca'. Diosen' be'e latje zane' zjanaque' beṉe' güedenag len xtižen' šlac yesejnilaže' beṉe' bi zjanaque' beṉe' Israel ben' ba bsi'e xṉeze yesejnilaže'ne'.

Efesios 6:13

Da'nan' cheyaḻa' gon cuincho gual doxen can' chaclaže' Diosen', cont Satanásen' bi soeczen chio' ža cate' tiḻlenen chio'. Na' cate' ba bencho can' chazlaže' Diosen', nach cheyaḻa' soac̱hac̱hcho len ḻe'.

Hebreos 11:12

Ca' goquen' gwzoa bi' c̱he da' Abrahanṉa' ḻa'czḻa' goque' beṉe' gole par soa xi'iṉe', nachen' xi'iṉ diaža c̱he' gosaque' beṉe' zan can' zjanac beljw ca' na' can' nac yox da' chi' cho'a nisdaon' da' nono chac gwlab.

Hebreos 12:22

Perw chio' chejnilaže'cho Criston' ba naccho txen len Diosen' ben' zoa toḻi tocaṉe na' len yogo' angl c̱he' beṉe' že' yaban' chesonxene'ne', beṉe' zjanaque' beṉe' zan juisyw. Da'nan' guac ṉacho ba gwbiga'cho ḻo ya'a Sión dan' ḻecze nzin' ciuda Jerusalén da' chi' yaba gan' zoa Diosen'.

Apocalipsis 11:15

Nach angl beṉe' gažen' bcuež trompeta c̱hen' na' benda' baḻ beṉe' ca' že' yaban' goseṉe' zižje, gosene': Doxen yeḻa' chnabia' c̱he yežlion' bac̱h naquen ḻo na' X̱ancho Diosen' na' ḻo na' Cristo ben' gwleje' cont chnabi'e. Na' Diosen' zoacze' chnabi'e toḻi tocaṉe.

Apocalipsis 22:3

Gwbat gata' bi da' chgue'e Diosen' ḻo ciudan', ḻe ciudanan' cui'e ṉabi'e txen len Jesucristw ben' zaca'lebde' ca xila' dao' ben' gosot beṉe' gualaž c̱heto' ṉec̱he xtoḻa'gaque', na' yogo' beṉe' že' ciudan' yesonxene' ḻe'.

Apocalipsis 3:18

Da'nan' chnia' le'e cheyaḻa' si'le da' goṉa' le'e, ḻe naquen da' zaca'ch ca oro dan' ba bosozeye' cont bega'aṉ da' dogualje. Si'le da' goṉa' le'e cont da' ḻi soale mbalaz. Na' ḻe ṉab yezi'xena' xtoḻa'le cont gac lažda'olen' xilaže' can' chac xaḻana' beṉe' nyaz to lache' šiš xila'. Gonḻe ca' cont bich le'eda' le'e ca to beṉe' laže' ga'alyid, beṉe' cheyaḻa' gaque zto'. Na' ḻe güe' latje yocoba' xbab c̱helen' cont bich gacle ca to beṉe' bi chle'e, beṉe' chyažje rmed c̱he yejlagüe' cont le'ede', san gacbe'ele da' chaclaže' Diosen' gonḻe.

Apocalipsis 4:4

Na' cue'ej cuit Diosen' gan' chi'e chnabi'e zjachi' yetapechoa beṉe' gwlej Diosen' zjanaque' blao, beṉe' chesenabi'e txen len ḻe'. Zjanyaze' lache' šiš na' zjazoa corona de oro yic̱hj to togaque'.

Apocalipsis 5:11

Nach gwṉa'a na' ble'eda' beṉe' zan juisyw angl, ṉeca gwzoeda' gwlaba'ne'. Zjazecha angl ca' cue'ej cuit ben' chi' chnabian' na' gan' že' beṉe' ca' tap na' beṉe' blao ca' tapechoa.

Apocalipsis 5:9

Nach beṉe' ca' gosoḻe' to da' cobe dan' ža: Zaco' jax̱i'o yišen' cont gwzašon' na' gwzoxjo' seyw ca' nyišen', ḻe bnežjw cuino' gosote' le'. Blalj xc̱heno' cont bṉitlaguo' xtoḻa'to', na' gwxi'o neto' cont nacto' ḻo na' Dios, neto' nacto' beṉe' to to nación, to to yež, to to diaža na' chacto' gwde gwdele diža' da' de ḻo yežlion'.

Apocalipsis 6:11

Nach Diosen' bnežjue' to to beṉe' guat ca' tgüeje xagaque' da' šiš da' gosaze'. Na' gože' ḻegaque' yesyezi'laže'che' yeto c̱hop ža šlac yeseza' beṉe' cheyaḻa' yesat can' gosate' lagüe da' chesonxene' Criston', beṉe' zjanac ca biše' ḻježe'.

Apocalipsis 7:8

šižiṉw mile' ḻo diaža c̱he da' Zabulón, šižiṉw mile' ḻo diaža c̱he da' José na' šižiṉw mile' ḻo diaža c̱he da' Benjamín.