Apocalipsis 7:12 - Dižaʼ güen c̱he ancho Jesucristo

¹² gosene': Chac can' cheyaḻa' gac, Dios c̱heto'. Zaca'czo' gonxento' le' toḻi tocaṉe, ḻe naco' beṉe' zaca' juisyw, naco' ḻa'zelagüe beṉe' sina', zaco' güe'to' yeḻa' chox̱clen c̱hio' na' güe'to' yeḻa' bala'aṉ c̱hio' toḻi tocaṉe, chnabi'o doxen, na' napo' ḻa'zelagüe yeḻa' guac xen. Can' nacczen.

Apocalipsis 7:12 Iomraidhean Croise

San Mateo 6:13

Na' bitw go'o latje soa da' gwžigan' neto' gonto' da' mal, san bcuas bcue'ejšca neto' len da' mala'. Le'na' chnabi'o na' napo' yeḻa' guac na' naco' beṉe' zaca' juisyw toḻi tocaṉe. Ca'czen' gacšca.

Romanos 11:36

Yogo'ḻoḻ da' de naquen c̱he Dios. Bene' beṉac̱h, beyix̱e' na' bica'chle da' zjade. Na' lagüe yogo'ḻoḻ da' bene' zoe' blao. Ḻen' gacxene' toḻi tocaṉe. Can' gacšca.

1 Corintios 14:16

Ḻe še chonxencho Diosen' o choe'cho yeḻa' chox̱clen c̱he' len diža' da' bi chejni'i beṉe' yoble, beṉe' bi chesejni'i dižan' choe'chon' bi gac yesonxene' Diosen' txen len chio'.

2 Corintios 4:15

Ṉec̱he le'e bžaglaoto' yogo'ḻoḻ da' ba goc c̱heto'. Ḻe chaclaže'to' gac zancho gaclenchgua Diosen' chio' cont šejnilaže'cho X̱ancho Jesúsen', na' ḻecze gac zancho güe'cho yeḻa' chox̱clen c̱he' catec beṉe' zacan' naque'.

Colosenses 2:7

Ḻe soac̱hac̱h ḻe šejnilaže'ch Criston' can' ba bsedlena', cont gacle ca to yag da' ba gwyaz ḻoen sitjw. Na' ḻe soa ḻe güe'chgua yeḻa' chox̱clen c̱he Diosen' can' chaclene' le'e.

Colosenses 3:17

Na' bite'teze da' goncho na' bite'teze diža' güe'cho, cheyaḻa' ṉabcho gaclen X̱ancho Jesúsen' gonchon can' chazlaže', na' güe'cho yeḻa' chox̱clen c̱he X̱acho Diosen' con can' chaclen X̱ancho Jesúsen' chio' chonchon'.

Apocalipsis 1:18

Naca' ben' nsa' yeḻa' mban. Cana' gota' perw bebana' ladjo beṉe' guat na' zoacza' toḻi tocaṉe. Na' naquen ḻo na' ṉia' bat yesat to to beṉe' na' nac gac c̱hegaque' cate' bac̱h gosate'.

Apocalipsis 19:4

Nach beṉe' blao ca' tapechoa na' beṉe' ca' tap beṉe' žia x̱il jasechaze' cosc̱ho'ale ḻo yon' gosonxene' Diosen' gan' chi'e chnabi'e, gosene': ―Can' cheyaḻa' gac. Beṉe' güen juisyw nac Diosen'.