Apocalipsis 7:10 - Dižaʼ güen c̱he ancho Jesucristo

¹⁰ Na' chesyebede' bososye'e gosene': X̱anto' Dios ben' chi' chnabia' na' Jesucristw ben' zaca'lebde' ca xila' daon' be gosot beṉe' Israel ṉec̱he xtoḻa'gaque', ḻegaque' ba gosoṉe' yeḻa' mban c̱hecho toḻi tocaṉe.

Apocalipsis 7:10 Iomraidhean Croise

San Lucas 3:6

Na' yogo'ḻoḻ beṉe' yesacbe'ede' can' chaclaže' Diosen' yebeje' beṉac̱hen' ḻo da' mal.”

San Juan 1:29

Na' beteyo Juanṉa' ble'ede' zej Jesúsen' gan' zoen' na' gože' ben' chosozenag c̱he': ―Ḻe ṉa' ben' za' nga, Diosen' ba gwseḻe'ne' cont yeque'e xtoḻa' beṉac̱hen'. Bena' zaca'lebe' ca xila' dao' ben' chot chio' beṉe' Israel cont Diosen' chezi'xene' xtoḻa'chon'.

San Juan 1:36

Na' cate' ble'ede' gwde Jesúsen', nach gože' beṉe' ca': ―Ḻe ṉa' ben' gwseḻa' Diosen' ben' zaca'lebe' ca xila' dao' ben' chot chio' beṉe' Israel cont Diosen' chezi'xene' xtoḻa'chon'.

San Juan 4:22

Le'e nacle beṉe' Samaria bi nombia'yaṉe'le Dios ben' chonxenḻe. Neto' beṉe' Israel nombia'to' Dios ben' chonxento', na' ladjo' neto' beṉe' Israel choj ben' yebej beṉac̱hen' ḻo da' malen'.

Efesios 2:8

Da' nži'ilaže' Diosen' chio', ba beṉe' yeḻa' mban c̱hecho toḻi tocaṉe cate' gwyejnilaže'cho Criston'. Con bene' to goclen, gague ṉec̱he bi da' güen da' ben chio'.

Apocalipsis 12:10

Nach benda' to beṉe' zoa yaban' gwṉe' zižje gwne': ―Bac̱h bžin ža ben Dios c̱hechon' cont beṉe' ca' chesejnilaže'ne' zjanite' len ḻe'. Bac̱h bžin ža nacbia' Dios c̱hechon' nape' yeḻa' guac xen. Ba bžin ža chnabi'e cont gac con da' cheyaḻa'cze gac. Na' ba bžin ža Criston' ben' gwleje' cont ṉabi'e bac̱h chnabia'lene' ḻe'. Gac da' cheyaḻa'cze gac, ḻe Satanás dan' ba gwzoa lao Diosen' do ža do yel bcuišen beṉe' chesejnilaže' Criston', bac̱h besyebejen'.

Apocalipsis 19:1

Gwdena' benda' beṉe' zan juisyw beṉe' že' yaban' chesonxene' Diosen', na' nen zižje, chesene': Beṉe' güen juisyw nac Dios c̱hechon'. Ba bene' cont chio' chejnilaže'chone' zoacho len ḻe'. Naque' beṉe' zaca' juisyw, na' nape' yeḻa' guac xen.

Apocalipsis 21:5

Nach Dios ben' chi' chnabi'e gwne': ―Da' ḻi ba chocoba' yogo'ḻoḻ da' de. Ḻecze gwne': ―Bzoj diža' quinga ba bendo', ḻe naquen diža' ḻi na' gac can' gwnian'.

Apocalipsis 22:3

Gwbat gata' bi da' chgue'e Diosen' ḻo ciudan', ḻe ciudanan' cui'e ṉabi'e txen len Jesucristw ben' zaca'lebde' ca xila' dao' ben' gosot beṉe' gualaž c̱heto' ṉec̱he xtoḻa'gaque', na' yogo' beṉe' že' ciudan' yesonxene' ḻe'.

Apocalipsis 4:6

Na' doxen lagüe' gan' chi'e chnabi'en nžiljw ḻo yon' to da' chactit ca vidrw na' nḻan' ca to nis nyadi da' nḻa'xeje. Na' nita' yetap beṉe' gan' zoa Diosen'. Tgüeje' nita' cuite' chop ḻa'ate, yetoe' cože' na' yetoe' lagüe', na' zjažia da' zan yejlaogaque', žia da' žia laogaque' na' lente cože'gaque'.

Apocalipsis 5:7

Nach ben' ble'eda' ca to xila' dao' jax̱i'e yiš dan' nox̱e' ben' len ne'e ḻicha gan' chi'e chnabi'en.