Apocalipsis 7:1 - Dižaʼ güen c̱he ancho Jesucristo

¹ Gwdena' ble'eda' tap angl zjazeche' tap squin c̱he yežlion' bosozague' ben' cont bi gwyec̱hjen ḻo yežlion', ḻo nisdaon' o gan' ze yag ca'.

Apocalipsis 7:1 Iomraidhean Croise

San Mateo 24:31

Na' caten' yida', to trompeta' cuežen zižje, na' seḻa' angl c̱hia' ca' doxen yežlion' yosyotobe' beṉe' ca' ba gwleja' cont zjanaque' neda' txen gate'teze nite' doxen ḻo yežlio ga zelao nac zito'.

San Marcos 13:27

Nach seḻa' angl c̱hian' yosyotobe' yogo' beṉe' ca' ba gwleja' cont zjanaque' neda' txen gate'teze nite' doxen ḻo yežlion', ga zelao nac zito'.

Apocalipsis 20:8

Na' yechojen na' da' yoble siyen' beṉe' že' yogo' nación ca' že' ḻo yežlion'. Na' siyen' beṉe' ca' zjanzi' Gog na' Magog, gwtoben ḻegaque' cont yesediḻlene' Criston', na' yesaque' beṉe' zan juisyw ca yox da' chi' cho'a nisdao' da' nono chac gwlab.

Apocalipsis 6:6

Na' benda' gwṉe to beṉe' do gan' že' beṉe' ca' tap ben' zjažia x̱il, gože' ben' žia cože' cabayw gasja', gwne': ―Gwyej jažiayi' trigw na' cebada cont yesaquen gwbin na' cont c̱hop ya trigw saca' laxjue' da' yesone' gan tža žin na' x̱op ya cebada saca' laxjue' da' yesone' gan tža žin, perw bi gono' cont cuiayi' set na' vino.

Apocalipsis 7:3

Gože' ḻegaque': ―Bi gwžiayi'le yežlion', ṉe nisdaon', ṉe yag ca' šlac biṉa' gwc̱hiša' seyw c̱he Dios c̱hecho ḻoxga beṉe' ca' chesonxen ḻe'.

Apocalipsis 8:7

Angl nechon' bcuež trompeta c̱hen', na' gwche'chgua yej ḻo yežlion' na' nc̱hix̱en yi' na' chen. Na' da' zc̱ha'o yežlion' gwžiayi', yelate'ze ca goc gašje yo da' de ḻo yežlion' gwyeyen, lente yag da' ze lagüen goseyen, na' ḻecze yeto ca'ate' yix̱e' ga' da' de ḻo yežlion' goseyen.

Apocalipsis 9:14

Na' boḻ güiže' angl gwxop ben' nox̱e' trompetan', gože'ne': ―Besež dap angl ca' ben' besyeyac beṉe' mal ben' zjanchej cho'a yegw da' nzi' Eufrates.

Apocalipsis 9:4

Diosen' gože'ba' bibi yesoneba' yix̱e' ga', ṉe da' zjanaze' na' ṉeca yag ca' ze yežlion', san yeseyižba' beṉe' ca' bi nyiše' sey c̱he Diosen' ḻoxgagaque'.