Apocalipsis 6:10 - Dižaʼ güen c̱he ancho Jesucristo

¹⁰ Na' beṉe' guat ca' goseṉe' zižje gosene': ―X̱anto' Dios, le' naco' beṉe' laždao' xilaže' juisyw na' zoaczo' chono' con ca žo'. ¿Batcan' gono' yeḻa' justis c̱he beṉe' ca' že' yežlion' ben' gosot neto'? ¿Batcan' gono' cont yesezaca'zi'e da' bosolalje' xc̱henton'?

Apocalipsis 6:10 Iomraidhean Croise

San Lucas 2:29

X̱ana' Dios, bac̱h goc can' gwnaon'. Beṉ latje yeyeda' binḻo gana' zo'na', neda' naca' xmoso'.

San Lucas 21:22

Cana' gwnežjo Diosen' castigw c̱he xtoḻa' beṉe' ca' že' Judean', cont gac can' nyojen ḻe'e Xtiža' Diosen'.

Romanos 12:19

Chacda' le'e, nachen' chnia' cheyaḻa' gwdecho to šḻa'ale bite'teze da' chesone beṉe' chio'. Diosen' gwyoecze' nac gone' len beṉe' chosoc̱hi chososaca' chio'. Xtižen' nyojen žan: “X̱ancho Diosen' že': Neda' yoži'a c̱he da' mal da' chesone', na' neda' gwnežjua'ne' castigw.”

Hebreos 12:24

Na' naccho txen len Jesús ben' blalj xc̱hene' cont gwzolao chac da' coben' da' gwna Diosen' gone' gaclene' beṉac̱hen'. Na' blalj xc̱henen' cont ba bṉitlao Diosen' xtoḻa' chio' chejnilaže'chone'. Da'nan' xc̱hen Jesúsen' zaca'chen ca xc̱hen da' Abelen' da' gwlalj caten' betw beṉe' bišen' ḻe'.

2 Pedro 2:1

Cani' ḻecze besechoj baḻ beṉe' gualaž c̱heto' beṉe' gosonḻaže' gosene' cheseyix̱jue'ede' xtiža' Diosen', na' ca'czen' yesenita' beṉe' yosozejni'ide' le'e diža' güenḻaže' gwx̱e güižj. Na' yeseyiljwlaže' nacle yesone' cont yosozejni'ide' le'e diža' güenḻaže' da' gwžiayin' le'e sin cbi gacbe'ele. Yosozoe' X̱ancho Jesucriston' to šḻa'ale, ben' bnežjw cuine' cont gata' yeḻa' mban c̱hecho toḻi tocaṉe. Perw žin ža yesebiaye'e yalzelaže'.

Apocalipsis 11:18

Beṉe' nación ca' že' yežlion' beseže'e le', perw ba bžin ža gono' yesezaca'zi'e. Ba bžin ža c̱hoglaguo' c̱he yogo' beṉe' ca' ba gosat še noe' nap doḻa'. Na' gono' cont beṉe' güen xšino' ca' beṉe' ca' goso'e xtižon' yesenite' mbalaz, len yogo' beṉe' gwlejo' cont zjanaque' ḻo nao', beṉe' gosonxen le'. Con yogo' beṉe' gosonxen le' yesenite' mba, beṉe' gole len beṉe' xcuide'. Ḻecze ba bžin ža yesebiayi' beṉe' ca' bosožiayi' ḻjež beṉac̱he' yežlion'.

Apocalipsis 18:20

Perw le'e že'le yaban', ḻe yebe. Le'e gwseḻa' Diosen' gocle postlw c̱he', na' le'e gwseḻe' be'le xtižen', na' yezica'chle le'e zoale ḻo na' Diosen', ḻe yebe. Ḻe Diosen' ba gwc̱hoglagüe' yesebiayi' beṉe' Babilonia ca' ṉec̱he dan' bosoc̱hi bososaque' le'e.

Apocalipsis 18:24

Beṉe' Babilonia ca' gosote' beṉe' goso'e xtiža' Diosen' na' nochle beṉe' gwlej Diosen' cont gosaque' ḻo ne'e, na' beṉe' ciuda nan' zjanape' doḻa' c̱he yeḻa' got c̱he yezica'chle beṉe' gosot beṉe' doxen ḻo yežlion'.

Apocalipsis 19:2

Zejcze' to ḻicha na' chone' can' cheyaḻa'cze gac dan' chc̱hoglagüe' yesezaca'zi' beṉe' bi chosozenag c̱he'. Ba gwc̱hoglagüe' cuiayi' ciuda xen da' zaca'lebe ca to no'ole zḻe', ḻe beṉe' ḻo ciudan' gosego'oyeḻe' beṉe' že' doxen ḻo yežlion' cont bosozoe' Diosen' ca'ale bi gosonxene' ḻe'. Diosen' ba gwc̱hoglagüe' cuiayi' laž beṉe' Babilonia ca', ḻe cheyaḻa'cze yesezaca'zi'e da' gosote' beṉe' ca' gosonxen ḻe'.

Apocalipsis 3:10

Ba byo bc̱hejle len yogo' dan' gwdi gwxaca'le na' benḻe can' nona' mandadw, na' da'nan' gona' yechojle güen cate' žin ža saca'zi' yogo' beṉac̱h. Cana' gata'bia' c̱he to to beṉac̱h še yosozenague' c̱hia' o še bi yosozenague'.

Apocalipsis 3:7

’Na' ḻecze bzoj ben' choe' xtiža' len beṉe' ca' chesedop chesežag chesonxen neda' ḻo ciuda Filadelfia, yo'one' naca' beṉe' laždao' xilaže' juisyw, na' zoateza' chona' can' gwnia' gona'. Napa' xinya c̱he da' rey David. Cate' chsaljua' cont yeso'o beṉe' gan' zoa Diosen' chnabi'e, nono gac yoseyjw, na' cate' chseyjua' cont bi yeso'e, nono gac saljw. Yo'one' neda' chapa'ne' diža' quinga: