Apocalipsis 4:11 - Dižaʼ güen c̱he ancho Jesucristo

¹¹ X̱anto' Dios, zaco' gonxento' le', na' soato' le' bala'aṉ na' güe'to' diža' c̱he yeḻa' guac xen c̱hion', ḻe len' beno' yogo'ḻoḻ da' de, na' beno' yogo'ḻoḻen con ca gwnalažo'.

Apocalipsis 4:11 Iomraidhean Croise

Hechos 14:15

―Beṉe', ¿bixchen' chonḻe ca'? Ḻecz beṉac̱h neto'. Za'to' cont chyix̱jue'eto' le'e cheyaḻa' gwša' yic̱hjlažda'olen' na' cuejyic̱hjle costumbr quinga dan' bibi zaca' na' gonxenḻe Dios ben' zoa toḻi tocaṉe. Ḻe' bene' yaban', yežlion', nisdaon', beṉac̱h, be ca' chesaš na' bite'tezechle da' chle'echo ḻe'e yaban', ḻo yežlion' na' ḻo' nis.

Hechos 17:24

’Dios ben' ben yežlion' na' yogo' da' de lagüe yežlion', ḻen' chnabi'e yaban' len yežlion'. Bi chyažjde' yo'o da' chon beṉac̱hen' cont soe' len chio'.

Romanos 11:36

Yogo'ḻoḻ da' de naquen c̱he Dios. Bene' beṉac̱h, beyix̱e' na' bica'chle da' zjade. Na' lagüe yogo'ḻoḻ da' bene' zoe' blao. Ḻen' gacxene' toḻi tocaṉe. Can' gacšca.

Efesios 3:9

Na' Diosen' gwlo'e ḻo na' chzejni'ida' yogo'ḻoḻ beṉe' da' nžie' bia' gac. Gwzolaoten cate' gwxe yežlion', nono gwṉeze da' nžie' bia' gac, con toz Diosen' gwṉezde', Dios ben' bene' yogo'ḻoḻ beṉe', yogo' beyix̱e' na' yogo' bichle da' de.

Hebreos 1:10

Na' da' yoble gozna Diosen' c̱he Xi'iṉen': X̱ana' Dios, beno' yežlion' ža gwlaste, na' yogo' da' chle'echo ḻe'e yaban' ḻecze le' benon'.

Hebreos 1:2

Perw ṉa'a ba zoa žin ža yeyož yežlion' na' Diosen' ba be'lene' chio' diža' dan' gwseḻe' Xi'iṉen' bedezejni'ide' chio'. Na' Xi'iṉ Dios nan' bene' yaba na' yežlio nga len yogo' bichle da' de nga na' gate'teze. Na' bengaquen' con can' gwnalaže' Diosen'. Na' gwžin ža gac ḻo na' Xi'iṉ Diosen' yogo' beṉac̱h, beyix̱e', na' bica'chle da' bene'.

Apocalipsis 1:6

Nach ba gwleje' chio' cont ṉabia'cho txen len ḻe' ca no rey na' cont soacho gonxencho Diosen' ca no bx̱oz, Dios ben' nac X̱e' na' ḻecze naque' ben' chonxene'. Cheyaḻa' gonxenchone' toḻi tocaṉe, ḻe zoacze' chnabi'e toḻi tocaṉe. Can' gonšcaczcho.

Apocalipsis 10:6

Na' gwlo'e da' baḻi gac can' ža Dios ben' zoa toḻi tocaṉe, ben' ben ḻe'e yaba len yogo'te da' chle'echo ḻe'enṉa', bene' yežlion', beṉac̱h, beyix̱e', na' bite'tezechle da' de ḻo yežlion', na' bene' nisdaon' len be ca' na' da' ca' že' ḻo'enṉa'. Gwne': ―Bich cuez Diosen' gone' can' ba nžie' bia' gone'.

Apocalipsis 14:7

Gwṉe' zižje gože' ḻegaque': ―Ḻe žeb Diosen' na' ḻe gonxene', ḻe ba bžin hor gone' yeḻa' justis c̱he beṉac̱h. Ḻe gonxen Dios ben' ben yaban', yežlion', nisdao' na' ga chal nis.

Apocalipsis 19:1

Gwdena' benda' beṉe' zan juisyw beṉe' že' yaban' chesonxene' Diosen', na' nen zižje, chesene': Beṉe' güen juisyw nac Dios c̱hechon'. Ba bene' cont chio' chejnilaže'chone' zoacho len ḻe'. Naque' beṉe' zaca' juisyw, na' nape' yeḻa' guac xen.

Apocalipsis 5:12

Na' benda' cheso'e dižan' zižje chesene': Jesucriston' bnežjw cuine' ṉec̱he xtoḻa' beṉac̱hen', na' da'nan' zaca'lebde' ca xila' daon' gosot beṉe' Israel cont gwṉitlao xtoḻa'gaque'. Na' Jesucriston' zaca'cze' gonxenchone', ḻe chnabi'e doxen, na' yo'o ḻo ne'e yogo'te da' zjade. Naque' beṉe' sina' gual, na' nape' yeḻa' guac xen. Cheyaḻa' güe'chone' yeḻa' bala'aṉ, na' güe'cho diža' naque' beṉe' zaca' juisyw.

Apocalipsis 5:2

Na' ble'eda' to angl gual gwṉe' zižje gwne': ―¿Non' zaca' gwzoxj seyw ca' cont šaš yišen'?

Apocalipsis 5:9

Nach beṉe' ca' gosoḻe' to da' cobe dan' ža: Zaco' jax̱i'o yišen' cont gwzašon' na' gwzoxjo' seyw ca' nyišen', ḻe bnežjw cuino' gosote' le'. Blalj xc̱heno' cont bṉitlaguo' xtoḻa'to', na' gwxi'o neto' cont nacto' ḻo na' Dios, neto' nacto' beṉe' to to nación, to to yež, to to diaža na' chacto' gwde gwdele diža' da' de ḻo yežlion'.