Apocalipsis 4:10 - Dižaʼ güen c̱he ancho Jesucristo

¹⁰ beṉe' tapechoa ca' gwlej Diosen' cont zjanaque' blao chosozoa xibe' lao Dios ben' zoa toḻi tocaṉe chesonxene' ḻe' gan' chi'e chnabi'e na' chosonite' corona c̱hegaquen' xṉi'en, chesene':

Apocalipsis 4:10 Iomraidhean Croise

San Mateo 2:11

Nach cate' besežine' yo'o gan' zoa bidaon', goso'e ḻo' yo'ona' na' besele'ede' bidao'na' len xṉa'be' Marían'. Nach bosozoa xibgaque' gosonxene'be'. Na' gosesaljo caj c̱hegaquen' gosebeje' oro, yal na' to nechw da' chḻa' zix̱ da' nzi' mirra na' gosoen' c̱hebe'.

San Lucas 24:52

Na' beṉe' ca' gosaque' ḻe' txen besyega'aṉe' yešlož dao' gosonxene' Jesúsen' nach jaya'aque' Jerusalénṉa', chesyebechgüede'.

1 Corintios 15:10

Perw Diosen' nži'ilaže'de' neda' na' gwleje'nda' naca' postlw c̱he', na' choncha' xšinen' clel ca beṉe' ḻježa' ca' yezica'chle. Na' ṉezda' gague chonan' neda', san Diosen' chaclene' neda' cont chonan'.

Apocalipsis 10:6

Na' gwlo'e da' baḻi gac can' ža Dios ben' zoa toḻi tocaṉe, ben' ben ḻe'e yaba len yogo'te da' chle'echo ḻe'enṉa', bene' yežlion', beṉac̱h, beyix̱e', na' bite'tezechle da' de ḻo yežlion', na' bene' nisdaon' len be ca' na' da' ca' že' ḻo'enṉa'. Gwne': ―Bich cuez Diosen' gone' can' ba nžie' bia' gone'.

Apocalipsis 11:16

Nach beṉe' blao ca' tapechoa ben' zjachi' cue'ej cuit Diosen', jasechaze' cosc̱ho'ale ḻo yon' gosonxene' Diosen',

Apocalipsis 15:4

Nono zoa beṉe' bi cheyaḻa' žebe' le' X̱anto', da' choṉo' castigw c̱he da' malen'. Nono zoa beṉe' bi cheyaḻa' gonxene' le'. Tozo' le' naco' beṉe' laždao' xilaže' juisyw. Na' beṉe' že' yogo' nación yeside' laguon' yesonxene' le', ḻe ba besele'ede' da' ba beno' na' zjaṉezde' zejczen to ḻicha.

Apocalipsis 15:7

Na' ble'eda' beṉe' ca' tap zjažia x̱il ben' nita' lao Diosen', na' toe' bnežjue' angl ca' gažen' tgüeje tas de oro da' zjanža'ten da' zjayožen da' chon cont chac yeḻa' zi' ca' ḻo yežlion', na' zejen Diosen' ben' zoa toḻi tocaṉe chlocchgüe' da' cheson beṉe' bi chosozenag c̱he'.

Apocalipsis 19:4

Nach beṉe' blao ca' tapechoa na' beṉe' ca' tap beṉe' žia x̱il jasechaze' cosc̱ho'ale ḻo yon' gosonxene' Diosen' gan' chi'e chnabi'e, gosene': ―Can' cheyaḻa' gac. Beṉe' güen juisyw nac Diosen'.

Apocalipsis 4:2

Nach ḻa' bente Spiritw c̱he Diosen' cont ble'edaogüeda' yaban' gan' chi' Diosen' chnabi'e.

Apocalipsis 4:4

Na' cue'ej cuit Diosen' gan' chi'e chnabi'e zjachi' yetapechoa beṉe' gwlej Diosen' zjanaque' blao, beṉe' chesenabi'e txen len ḻe'. Zjanyaze' lache' šiš na' zjazoa corona de oro yic̱hj to togaque'.

Apocalipsis 4:9

Na' yogo' ṉi'a cate' beṉe' ca' tap cheso'e diža' catec beṉe' zaca' nac Dios ben' chi' chnabia', ben' zoacze toḻi tocaṉe, yogo' ṉi'a cate' chesonxene' ḻe' cheso'e yeḻa' chox̱clen c̱he',

Apocalipsis 5:14

Nach beṉe' ca' tap ben' zjažia x̱il gosene': ―Ca'šcacze gac. Na' beṉe' blao ca' tapechoa bosozoa xibgaque' gosonxene' Dios ben' zoa toḻi tocaṉe.

Apocalipsis 5:8

Na' cate' jax̱i'e yišen' beṉe' ca' tap lente beṉe' blao ca' tapechoa bosozoa xibgaque' lagüen'. Na' to to beṉe' blao ca' zjanox̱e' to arpa na' to barser de oro gan' chey yal, na' yalen' zejen xtiža' beṉe' ca' zjanac ḻo na' Diosen', dižan' chesoe'lene' ḻe' caten' chosoḻ güiže'ne'.

Apocalipsis 7:11

Nach yogo'ḻoḻ angl ca' zjaze' cue'ej cuite' gan' chi'e chnabi'e, na' beṉe' blao ca' tapechoa na' beṉe' ca' tap zjažia x̱il, yogo'ḻoḻe' jasechaze' cosc̱ho'ale ḻo yon' gosonxene' Diosen',