Apocalipsis 3:3 - Dižaʼ güen c̱he ancho Jesucristo

³ Ḻe soa ḻe gon xbab c̱he xtižan' dan' bosozejni'i beṉe' le'e na' da' bzenagle c̱hen cana'. Ḻe gwzenag c̱hen ṉa'a da' yoble cont yetiṉjele xtoḻa'len'. Na' še bi gonḻe xbab yetiṉje xtoḻa'len', žin ža yedex̱enyala' le'e na' goṉa' castigw c̱hele ca chzenyal to no beṉe' gwban cate' chbane'. Bi ṉezele bi ža bi hor.

Apocalipsis 3:3 Iomraidhean Croise

San Mateo 25:13

Nach gož Jesúsen' beṉe' ca' zjanaque' ḻe' txen: ―Ca'czen' cheyaḻa' soale lez batcan' yedeṉabi'a, ḻe bitw ṉezele bi ža bi hor yida' yežlio nga da' yoble, neda' naca' ben' gwseḻa' Diosen' golja' beṉac̱h.

San Marcos 13:33

’Da'nan', ḻe soa ḻe cueze, ḻe güia ḻe ṉa', na' ḻe soateze yoḻ güižle Dios, ḻe nono ṉeze batcan' žin ža.

San Marcos 13:36

Ḻe xož yele'e zejzenez na' yedoḻe'de' ḻegaque' chesetase'.

1 Timoteo 6:20

Timoteo, gwlecchgua yic̱hjo' c̱he yogo' dan' ba bzejni'i Diosen' le'. Bi gwzenago' c̱he beṉe' chosošaḻj diža' da' bibi zaca', ṉe c̱he dan' cheseṉe beṉe' dan' bi zej lebe len diža' ḻi c̱he Diosen'. Chesonḻaže' chesene' cheso'e diža' sina'.

2 Timoteo 1:13

Soac̱hac̱ho' gwzejni'ido' beṉe' diža' zaca' can' ba bendo' chzejni'idan', na' soatezo' šejnilažo' Jesucriston' na' gacdo'ne' do yic̱hj do lažo'.

Hebreos 2:1

Na' da' nac Xi'iṉ Diosen' beṉe' zaca'ch ca angl ca', do yic̱hj do laže'cho cheyaḻa' gwzenagcho xtižen' da' ba benecho. Ḻe še bi gwzenagcho c̱hen do yic̱hj do laže'cho, guanḻaže'chon na' cuejyic̱hjchon.

2 Pedro 1:13

Nan' chacda' šlac ṉe' mbana' cheyaḻa' gona' cont šjayze'elen.

2 Pedro 3:1

Beṉe' migw c̱hia', chacda' le'e, na' da' nga naquen cart gwchope da' chzoja' le'e. Na' ba bzoja' chopten da' chaclaža' gonḻe xbab c̱he diža' güen da' ba nombia'le.

2 Pedro 3:10

Na' X̱ancho Jesucriston' yide' da' yoble cate' bi naṉe'laže' beṉe', can' chac cate' cho'o gwban liž beṉe' šeže'le. Nach gac to sšag xen, na' te c̱he yogo' da' ca' chle'echo ḻe'e yaban', na' yogo' da' de ḻe'e yaban' cuiayin' ḻo yi' gual, na' yežlion' na' da' de lagüen ḻecze yeseyen.

Apocalipsis 16:15

Na' benda' ben' nac Xi'iṉ Dios gwne': ―Ḻe gwzenag da' nga: ba zoa yida' da' yoble, yedexenyala' beṉe' bi chosozenag c̱hia' can' chzenyal beṉe' gwban ga chjaḻane'. Mbalaz zjazoa note'teze beṉe' nita'teze' chesebeze' neda' cate' yida' na' chesezaquede' bibi da' mal chesone', ḻe yesacde' zto' še biṉa' yesyetiṉjde' xtoḻa'gaquen' caten' yida', na' yogo'ze beṉe' yesacbe'ede' da' malen' ba gosonen' še ca'.

Apocalipsis 2:25

Con soaczle gonḻe da' güen can' chonḻe tža tža, cont ṉe' chonḻe güen caten' yida' da' yoble.

Apocalipsis 2:5

Da'nan' ḻe gon xbab can' gwzoale goquele neda' na' can' gwzoale bzenagle c̱hia' na' yetiṉje xtoḻa'le cont da' yoble gonḻe güen can' benḻe cana'. Na' še bi yetiṉjele xtoḻa'len', yedeyena' cont bich gacle candeler c̱hia'.

Apocalipsis 22:7

Nach gwna Jesúsen': ―Da' ḻi ba zoa yida' da' yoble. Na' mbalaz beṉe' chosozenag c̱he da' ca' ba bzojo' ḻe'e libr c̱hio' choen' diža' c̱he da' ca' za' gac.

Apocalipsis 3:11

Ba zoa yida' da' yoble. Ḻe soac̱hac̱h ḻe šejnilaže'nda' na' gwzenagle c̱hia' cont bibi gwžon soale mbalaz toḻi tocaṉe.

Apocalipsis 3:19

Note'teze beṉe' chacda', chdiḻa'ne' na' chnežjua'ne' castigw cate' chone' da' xiṉj. Da'nan' cheyaḻa' cuec yic̱hjle yetiṉjele xtoḻa'len'.

Apocalipsis 3:2

Ḻe gon xbab can' chonḻe na' ḻe šejnilaže'ch neda' na' ḻe gwzenag c̱hia' šlac biṉa' yeyož cuiayi'le, ḻe dan' chonḻen' bi naquen can' chebe Dios ben' chonxena'.