Apocalipsis 22:12 - Dižaʼ güen c̱he ancho Jesucristo

¹² Nach Jesúsen' gozne': ―Da' ḻi ba zoa yida' da' yoble, na' yedeyena' gac güen c̱he to to beṉac̱h o saca'zi'e con can' ba ben to toe'.

Apocalipsis 22:12 Iomraidhean Croise

San Mateo 16:27

Diosen' gwseḻe' neda' golja' beṉac̱h na' cate' yida' yežlio nga da' yoble nsa'a yeḻa' zaca' juisyw c̱he X̱a' Diosen' na' nc̱hi'a angl c̱hia' ca', cana'ch gona' cont to to beṉac̱hen' ṉite' mbalaz o yesezaca'zi'e ṉec̱he da' goson to toe'.

Romanos 14:12

Can' naquen, yogo'czecho yodecho cuent lao Diosen' c̱he bite'teze da' ba bencho šlac mbancho.

1 Corintios 3:14

Na' še bencho da' naquen da' zaca', ḻenṉa' bi yeniten, na' Diosen' gone' cont soacho mbalaz da' benchon.

1 Corintios 3:8

Beṉe' chyix̱jue'ede' xtiža' Diosen' da' nechw na' beṉe' chyix̱jue'eden' da' gwchope txen chesone' xšin Diosen'. Na' Diosen' gone' cont to toe' yesenite' mbalaz con can' gosone' xšine'na'.

Apocalipsis 11:18

Beṉe' nación ca' že' yežlion' beseže'e le', perw ba bžin ža gono' yesezaca'zi'e. Ba bžin ža c̱hoglaguo' c̱he yogo' beṉe' ca' ba gosat še noe' nap doḻa'. Na' gono' cont beṉe' güen xšino' ca' beṉe' ca' goso'e xtižon' yesenite' mbalaz, len yogo' beṉe' gwlejo' cont zjanaque' ḻo nao', beṉe' gosonxen le'. Con yogo' beṉe' gosonxen le' yesenite' mba, beṉe' gole len beṉe' xcuide'. Ḻecze ba bžin ža yesebiayi' beṉe' ca' bosožiayi' ḻjež beṉac̱he' yežlion'.

Apocalipsis 2:23

Nach bi' c̱he' ca', gona' cont yesatbe'. Nach yogo' cuen beṉe' ca' chesedop chesežag chesonxene' neda' gate'teze yesacbe'ede' nombi'a yogo'te xbab da' yo'o ḻo' yic̱hjlaždao' beṉac̱h, na' gona' cont to toe' soe' mbalaz o saca'zi'e con ca nac da' ba bene'.

Apocalipsis 20:12

Na' ble'eda' beṉe' ba gosat, beṉe' gole len beṉe' xcuide' len bi' bixjw, zjazeche' lao Diosen'. Nach Diosen' bzaše' libr ca' gan' zjanyoj yogo'ḻoḻ da' goson to toe'. Na' gwdena' bzaše' libr gan' zjanyoj la beṉe' ca' zjanape' yeḻa' mban toḻi tocaṉe. Na' bene' yeḻa' justis c̱hegaque' con ca gosone' šlac gosebane', ḻe yogo' da' gosone' zjanyojen ḻe'e libr ca'.

Apocalipsis 22:20

Nach Jesús, ben' bzejni'ide' neda' yogo' da' ca' ba bzoja', že': ―Da' ḻi ba zoa yida' da' yoble. Na' neda' chapa'ne': ―Ca' gacšca. Yob yidšco', X̱ana' Jesús.

Apocalipsis 22:7

Nach gwna Jesúsen': ―Da' ḻi ba zoa yida' da' yoble. Na' mbalaz beṉe' chosozenag c̱he da' ca' ba bzojo' ḻe'e libr c̱hio' choen' diža' c̱he da' ca' za' gac.

Apocalipsis 3:11

Ba zoa yida' da' yoble. Ḻe soac̱hac̱h ḻe šejnilaže'nda' na' gwzenagle c̱hia' cont bibi gwžon soale mbalaz toḻi tocaṉe.