Apocalipsis 22:11 - Dižaʼ güen c̱he ancho Jesucristo

¹¹ Na' beṉe' cheson da' mal, yesonchcze' da' malen' chesonen'. Na' beṉe' cheson da' yeḻa' zto', yesonchcze' da' yeḻa' zton' chesonen'. Na' beṉe' cheson da' chazlaže' Diosen', yesonchcze' da' güenṉa' dan' chesonen'. Na' beṉe' ba gwlej Diosen' cont zjanaque' ḻo ne'e, ḻo ne'en yesyega'aṉcze'.

Apocalipsis 22:11 Iomraidhean Croise

San Mateo 15:14

Jaseye beṉe' fariseo ca'. Zjanaque' ca to beṉe' lc̱hoḻ beṉe' che'nde' cue'e nez yeto beṉe' lc̱hoḻ. Ṉezecho to beṉe' lc̱hoḻ bitw gac cue'e nez yeto beṉe' lc̱hoḻ, ḻe txen šjasebix̱e' to ḻo' yechw.

San Mateo 21:19

Na' ble'ede' to yag yix̱güigw zoan cho'a nezen' na' jaṉe'e še žia yaguen' yix̱güigw. Perw bibi bželde', con xḻaguen' na'ze žia. Nach gožen': ―Bich bi yix̱güigon' cuio'. Na' ḻa' gwbižte yaguen'.

San Mateo 25:10

Nach no'ol ca' bi goson xbab ja'aque' jasex̱i'e seta'. Na' šlac zja'aque' besyežin beṉe' ca' chosošagna' liž beṉe' byon'. Na' no'ol ca' gosaque' beṉe' chejni'i, goso'e txen len beṉe' ca' chosošagnan' ḻo' yo'o gan' chesone' ḻṉin'. Nach mos ca' bososeyjue' puerten'.

San Mateo 5:45

Še gonḻe ca', gwlo'ele nacle xi'iṉ Diosen' ben' zoa yaban'. Ḻen' chone' chla' gwbižen' cont chseṉin' c̱he beṉe' zjanaque' beṉe' güen lente c̱he beṉe' zjanaque' beṉe' mal. Na' ḻecze chone' yejw par beṉe' zjanaque' beṉe' güen len beṉe' zjanaque' beṉe' mal.

San Mateo 5:6

’Mbalaz zoa le'e chzelaže'chguale gacle beṉe' güen len Diosen', ḻe ba cheyon Diosen' le'e beṉe' güen lagüen'.

San Juan 8:21

Nach Jesúsen' gože' ḻegaque': ―Neda' yeya'a, na' yeyiljwle neda' perw bi gac yeyejle gan' yeya'an, ḻe biṉa' yetiṉjele xtoḻa'len' cate' žin ža gatle.

Efesios 5:27

Na' bene' ca' cont yebede' chio' cate' yežincho lagüen', bibi xtoḻa'cho gata' na' ṉe bichle da' mal yo'o nyaz ḻo' yic̱hjlažda'ochon', san gac lažda'ochon' xilaže' lagüen'.

Colosenses 1:22

ḻe bnežjw cuine' ṉec̱he chio' caten' gosote'ne'. Na' beyone' lažda'ochon' xilaže' cont bibi doḻa' gapcho cate' yežincho lao Diosen', na' bibi de da' zaca' yosocuiše' chio' lagüen'.

2 Timoteo 3:13

Beṉe' mal beṉe' güex̱oayag ca' šja'acze' yesonche' da' xiṉjen', yeseziye'e beṉe' na' ḻecze yesejḻe'e c̱he diža' güenḻaže' da' yesoe' beṉe' yoble.

Judas 1:24

Cheyaḻa' gonxencho toz Dios ben' zaca' gonxencho, ben' noṉe' yeḻa' mban c̱hecho toḻi tocaṉe. Dios nan' naque' beṉe' sina' juisyw. Chac chone' cont bi lažo'cho goncho da' xiṉj, na' chac chone' cont bibi xtoḻa'cho gata' cate' yežincho lagüen' gan' yo'ochgua be'ni'. Ḻeca yebecho cana'. Diosen' naque' ḻa'zelagüe beṉe' zaca' beṉe' blao, na' zaque' chnabi'e doxen. Naque' X̱an yogo' beṉac̱h na' yogo' bica'chle da' de. Ḻen' gocxene' cate' biṉa' x̱e yežlion' na' cheyaḻa' gonxenchone' toḻi tocaṉe dan' gwseḻe' X̱ancho Jesucriston' chaclene' chio'. Ca'šca gac. Da' na'zen' chzoja'.

Apocalipsis 16:21

Na' gwche'chgua yej ži'a ḻo yežlion', yej zi'i da' cha'a do tapa rob güeje beselažon' cože' beṉe'. Na' beṉe' že' yežlion' goseṉe' yeḻa' ya' c̱he Diosen' ṉec̱he dan' besežaglaochgüe' len yej dan' gwchen'.

Apocalipsis 22:3

Gwbat gata' bi da' chgue'e Diosen' ḻo ciudan', ḻe ciudanan' cui'e ṉabi'e txen len Jesucristw ben' zaca'lebde' ca xila' dao' ben' gosot beṉe' gualaž c̱heto' ṉec̱he xtoḻa'gaque', na' yogo' beṉe' že' ciudan' yesonxene' ḻe'.