Apocalipsis 21:4 - Dižaʼ güen c̱he ancho Jesucristo

⁴ Na' Diosen' gone' cont bich gac da' yesyeyaše'laže'de', da' yesyegüine'de' o da' yesebeže' c̱hen. Nono gat, nono šey ḻa, ḻe ba gwde c̱he yogo' da' ca' gota' ḻo yežlio nechon'.

Apocalipsis 21:4 Iomraidhean Croise

San Mateo 24:35

Ḻe'e yaba na' yežlion' yesede c̱hen, perw ca nac xtižan', gague da' te cbi gac can' žanṉa'.

1 Corintios 15:26

Na' cate' yeyož gwlej gwšošje' yogo' bichle da' bi chon txen len ḻe', nach gwcueze' yeḻa' goten'.

1 Corintios 7:31

Na' še bi da' chc̱hinḻe da' de yežlio nga, bi cheyaḻa' cue' yic̱hjle c̱he ḻen, ḻe da' te c̱he yogo' da' chle'echo yežlio nga.

2 Corintios 5:17

Na' note'tezcho še naccho Criston' txen, Diosen' ba bocobe' yic̱hjlažda'ochon'. Na' bich chebecho da' ca' bebecho cana' na' bich choncho can' bencho cana'. Zoacho ca beṉe' cobe.

2 Corintios 6:17

Da'nan' cheyaḻa' goncho can' gwna X̱ancho Diosen': Ḻe yechoj len beṉe' bi chesejnilaže' neda' na' bi gacle toze len ḻegaque'. Na' bi gonḻe da' xiṉjen'. Nachen' yebeda' soa' len le'e.

Hebreos 12:27

Na' da' gwne' gone' x̱o' da' yoble, zejen te c̱he yogo' da' ca' ben Diosen' da' chle'echo, perw bi te c̱he Diosen' na' c̱he yogo' da' güen da' chone' da' bi chle'echo.

2 Pedro 3:10

Na' X̱ancho Jesucriston' yide' da' yoble cate' bi naṉe'laže' beṉe', can' chac cate' cho'o gwban liž beṉe' šeže'le. Nach gac to sšag xen, na' te c̱he yogo' da' ca' chle'echo ḻe'e yaban', na' yogo' da' de ḻe'e yaban' cuiayin' ḻo yi' gual, na' yežlion' na' da' de lagüen ḻecze yeseyen.

1 Juan 2:17

Na' da' te c̱he yežlio nga len da' ca' chesezelaže' beṉe' ca' bi chosozenag c̱he Diosen'. Perw še chio' choncho can' chazlaže' Diosen', soaczcho len Diosen' toḻi tocaṉe.

Apocalipsis 20:13

Yogo' beṉe' gosat ḻo' nisdaon' besyechoje' zjazeche' lao Diosen', na' yogo' beṉe' gosat ga yoble ḻecze besyechoje' zjazeche' lagüe' cont bene' yeḻa' justis c̱he to toe' con ca gosone' šlac gosebane'.

Apocalipsis 20:14

Nach Diosen' bcueze' yeḻa' goten' nombia'cho, na' bene' cont noch no gwže' latje c̱he beṉe' guat ca' na' bṉitlagüen'. Na' beṉe' bi bosozenag c̱he Dios, yogo' beṉe' bi nyoj lagaque' ḻe'e libr gan' nyoj la beṉe' zjanap yeḻa' mban toḻi tocaṉe, bosozaḻe' ḻegaque' ḻo yi' gabiḻ da' nac da' xen ca to nisdao'. Na' dan' goc c̱hegaque', ḻenṉa' yeḻa' got gwchope c̱hegaque'.

Apocalipsis 21:1

Gwdena' ble'eda' ḻe'e yaban' ba beyaquen da' cobe na' ḻecze ca' yežlion', ḻe yaba dan' goc da' nechw na' yežlio nechua' besyeniten. Na' ḻecze bich gota' nisdao'.

Apocalipsis 22:3

Gwbat gata' bi da' chgue'e Diosen' ḻo ciudan', ḻe ciudanan' cui'e ṉabi'e txen len Jesucristw ben' zaca'lebde' ca xila' dao' ben' gosot beṉe' gualaž c̱heto' ṉec̱he xtoḻa'gaque', na' yogo' beṉe' že' ciudan' yesonxene' ḻe'.

Apocalipsis 7:17

Ḻe Jesucristw ben' zaca'lebde' ca xila' daon' ben' gosot beṉe' Israel ṉec̱he xtoḻa'gaque', ḻen' chgüia chṉe'e ḻegaque'. Ze' lao Diosen' gachoḻ gan' chi'e chnabi'e na' gone' cont ṉita'chgüe' mbalaz. Gone' cont bich yesebeže' ṉeca yesegüine'de'.