Apocalipsis 2:24 - Dižaʼ güen c̱he ancho Jesucristo

²⁴ Na' le'e zoale Tiatiran' le'e bi chonḻe can' chsed chlo'e no'ole güenḻažen' na' ṉeca nsedle dan' chesene' chesejni'ide' c̱he Satanásen' dan' nono nombia', bi ṉia' bichle da' cheyaḻa' gonḻe.

Apocalipsis 2:24 Iomraidhean Croise

Hechos 15:28

Chazlaže'to' can' bzejni'i Spiritw c̱he Diosen' neto', na' da'nan' bi gonto' mandadw bichle da' zdebe gonḻe san da' quinga chaqueto' chonen byen cbi gonḻen.

Hechos 16:14

Toe' le Lidia naque' beṉe' Tiatira na' chote' lache' güen da' nac color moradw, na' chonxene' Diosen' do yic̱hj do laže'. X̱ancho Diosen' bene' cont bzenague' c̱he dan' bzejni'i Pablon' ḻe'.

1 Corintios 2:10

Perw Diosen' ba bene' cont Spiritw c̱hen' bzejni'in chio' can' gone', ḻe Spiriton' chejni'in tcho'a yogo' da' chon Diosen', na' ṉezen da' ngaše' len beṉac̱hen'.

2 Corintios 11:3

Chxožda' yeseziye' beṉe' le'e cont bich šejnilaže'le Criston' do laže'le na' bich gaquele toz ḻe'. Can' gwziye' beḻen' da' no'ole nechon', no'olen' gože' Eva, da' nacba' be x̱igüe'.

2 Corintios 2:11

Na' chezi'xencho c̱he beṉe' cont Satanás dan' chnabia' da' x̱igüe' ca' bi soen gonen chio' gan, ḻe ṉezecho can' chaclažen' siye'czen chio'.

Santiago 3:15

Na' še chgue'e ḻježle na' chzelaže'le gacle beṉe' blaoch ca beṉe' ḻježle, bitw nacle beṉe' sina', san xbab c̱helen' zan' c̱he Satanás dan' chnabia' da' x̱igüe' ca', na' con chonḻe da' xiṉjen' can' ža lažda'olen' na' can' cheson beṉe' ca' bi zjanombia' Diosen'.

Apocalipsis 1:11

Na' gože' neda': ―Neda' naca' ben' ben yežlion' len yogo' bichle da' de, na' naca' ben' gon cont te c̱hen. Da'nan' zaca'lebda' ca letr nechw da' nzi' A na' letr bzebe da' nzi' Z. Bzoj to ḻe'e yiš da' quinga le'edo', na' seḻon' lao beṉe' ca' nita' gaž yež c̱he Asia chesedop chesežague' chesonxene' neda', yež ca' zjanzi' Efeso, na' Esmirna, na' Pérgamo, na' Tiatira, na' Sardis, na' Filadelfia na' Laodicea.

Apocalipsis 12:9

Angl c̱he Diosen' bosozaḻe'ba' ḻo yežlion'. Na' ḻecze bosozaḻe' da' x̱igüe' ca' ḻo yežlion'. Beḻnan' ben' zoa ža gwlaste nacba' gwxiye' na' leba' Satanás, na' ṉe' zoaczba' ṉa'a chziye'ba' yogo' beṉac̱h.

Apocalipsis 13:14

Na' da' bemba' da' ca' gan' zoa bež nechon', gwziye'ba' beṉe' že' yežlion' cont bosozenague' c̱heba'. Nach bemba' mandadw gosone' to ḻ gua'a ḻsaca' da' nac ca bež nechon' da' gosonxene', bež ben' goc yic̱hjban' güe' len spada, güe' da' naquen ze da' got ḻeba' perw beyacba'.

Apocalipsis 2:13

“Ṉeze nḻe'eda' ca güenṉa' chonḻe. Na' ṉezda' zoale ḻo ciuda gan' chnabia'chgua Satanásen', perw zoale chzenagle c̱hia'. Ṉezda' bi chbejyic̱hjle xtižan' dan' chejḻe'le na' ṉeca gwlejyic̱hjlen cate' gosote' Antipas ben' be'e xtižan' ḻo ciuda c̱helen' gan' že' beṉe' zan beṉe' chosozenag c̱he Satanásen'.

Apocalipsis 2:18

’Na' bzoj ben' choe' xtiža' len beṉe' ca' chesedop chesežag chesonxene' neda' ḻo ciuda Tiatira, na' yo'one' naca' dogualje Xi'iṉ Dios, na' chactit yejlagua' ca to yi' da' chaḻa'ṉiṉ na' ṉi'a ca' chesaquen ca bronce da' cheyac ya'aḻj cate' xoan ḻo yi'. Yo'one' neda' chapa'ne' diža' quinga:

Apocalipsis 2:9

“Ṉeze nḻe'eda' ca güenṉa' chonḻe. Ṉezda' chyi chzaca'le. Ṉezda' nacchguale beṉe' yaše', ḻa'czḻa' de c̱hele da' zaca'ch clel ca yeḻa' gwṉi'an'. Ṉa' ca nac beṉe' Israel beṉe' ca' chesene' ba gwlej Diosen' ḻegaque' cont gone' güen len ḻegaque', ṉezda' baḻe' cheseṉie' yeḻa' ya' c̱hele. Perw bi gwleje' ben' cheson ca', ḻe bi chesejnilaže'ne', san zjanaque' dapa' txen chosozenague' c̱he Satanás dan' chnabia' da' x̱igüe' ca'.