Apocalipsis 19:8 - Dižaʼ güen c̱he ancho Jesucristo

⁸ Ba bnežjue'ne' lache' šagüe' da' nyaze', lache' šiš xila' juisyw. Na' lache' šagüe' da' šiš xila' nyaze' zejen da' güen da' chon chio' ba gwlej Diosen' cont naccho ḻo ne'e.

Apocalipsis 19:8 Iomraidhean Croise

San Mateo 17:2

Na' lao ḻegaque' bža' ca goc Jesúsen', cho'alagüen' goctiten ca gwbiž, na' xaḻanen' beyaquen šiš xila' ca be'ni'.

San Mateo 22:12

Nach gože' ḻe': “Migw c̱hia', ¿nac goquen' gwyo'o nga bitw nyazo' lache' dan' beṉa' c̱hazo'?” Nach bena' bitw beželde' bi ye'ene'.

San Marcos 9:3

Xaḻane' goquen da' šiš xila', gocten ca da' chactite; ḻa' c̱hibcho lache' yežlio nga bi yechojen gaquen šiš xila' catequen' goc xaḻanen'.

San Lucas 24:4

Šlac zjanite' chesyebande' c̱he da' quinga, besele'ede' c̱hope beṉe' zjazecha cuitgaquen' zjanyaze' lache' da' chactitchgua.

Hechos 1:10

Na' ṉe' cheseṉa'te beṉe' ca' ḻe'e yaban' gan' besele'ede' beyepe', cate'cze gosacbe'ede' ba zjazecha c̱hope angl len ḻegaque' beṉe' zjanyaz lache' šiš.

Romanos 13:14

Cheyaḻa' gon cuincho ḻo na' X̱ancho Jesucriston' na' cue' yic̱hjcho goncho da' chazlaže' cont da' malen' da' yo'o ḻo' yic̱hjlažda'ochon' bi ṉabian' chio'.

Apocalipsis 15:4

Nono zoa beṉe' bi cheyaḻa' žebe' le' X̱anto', da' choṉo' castigw c̱he da' malen'. Nono zoa beṉe' bi cheyaḻa' gonxene' le'. Tozo' le' naco' beṉe' laždao' xilaže' juisyw. Na' beṉe' že' yogo' nación yeside' laguon' yesonxene' le', ḻe ba besele'ede' da' ba beno' na' zjaṉezde' zejczen to ḻicha.

Apocalipsis 15:6

Na' ble'eda' gaž angl ca' zjayo'o ḻo na'gaque' yesone' gac gaž yeḻa' zi' ḻo yežlion', besechoje' gan' chesonxene' Diosen' yaban'. Angl ca' zjanyaze' lache' šagüe' da' nac šiš xila' da' chactiten, na' to toe' nchej cho'alc̱ho'e to bant de oro.

Apocalipsis 19:14

Na' ble'eda' beṉe' zan beṉe' zjanac soldadw c̱he Diosen' zjana'ogüe'ne', zjanyaze' lache' šagüe' da' nac da' šiš na' da' naquen xilaže', na' to to beṉe' ca' zjažie' tgüeje cabayw šiš.

Apocalipsis 3:18

Da'nan' chnia' le'e cheyaḻa' si'le da' goṉa' le'e, ḻe naquen da' zaca'ch ca oro dan' ba bosozeye' cont bega'aṉ da' dogualje. Si'le da' goṉa' le'e cont da' ḻi soale mbalaz. Na' ḻe ṉab yezi'xena' xtoḻa'le cont gac lažda'olen' xilaže' can' chac xaḻana' beṉe' nyaz to lache' šiš xila'. Gonḻe ca' cont bich le'eda' le'e ca to beṉe' laže' ga'alyid, beṉe' cheyaḻa' gaque zto'. Na' ḻe güe' latje yocoba' xbab c̱helen' cont bich gacle ca to beṉe' bi chle'e, beṉe' chyažje rmed c̱he yejlagüe' cont le'ede', san gacbe'ele da' chaclaže' Diosen' gonḻe.