Apocalipsis 19:6 - Dižaʼ güen c̱he ancho Jesucristo

⁶ Nach benda' be xṉe c̱he beṉe' zan juisyw chesonxene' Diosen'. Na' xtiža'gaquen' nenen ca chac ga chziž yegon' cate' dechguan na' ca nen cate' ḻeca chašjw chtin, chesene': ¡Beṉe' güen juisyw X̱ancho Diosen'! Ḻen' nape' ḻa'zelagüe yeḻa' guac xen na' ḻen' chnabi'e.

Apocalipsis 19:6 Iomraidhean Croise

San Mateo 6:13

Na' bitw go'o latje soa da' gwžigan' neto' gonto' da' mal, san bcuas bcue'ejšca neto' len da' mala'. Le'na' chnabi'o na' napo' yeḻa' guac na' naco' beṉe' zaca' juisyw toḻi tocaṉe. Ca'czen' gacšca.

Apocalipsis 1:15

Ṉi'e ca' ble'edan' ca to de bronce da' nḻachgua cate' naquen ya'alj xoan ḻo yi'. Na' ši'en nenen zižjechgua ca chziž yegw cate' dechgua nis.

Apocalipsis 1:8

“Neda' naca' Dios ben' ben yežlion' len yogo' bichle da' de, na' naca' ben' gon cont te c̱hen. Da'nan' zaca'lebda' ca letr nechw da' nzi' A na' letr bzebe da' nzi' Z.” Can' ža' X̱ancho Dios ben' nape' yeḻa' guac xen juisyw, ben' ba zoacze' cate' biṉa' x̱e yežlion' na' soacze' toḻi tocaṉe.

Apocalipsis 12:10

Nach benda' to beṉe' zoa yaban' gwṉe' zižje gwne': ―Bac̱h bžin ža ben Dios c̱hechon' cont beṉe' ca' chesejnilaže'ne' zjanite' len ḻe'. Bac̱h bžin ža nacbia' Dios c̱hechon' nape' yeḻa' guac xen. Ba bžin ža chnabi'e cont gac con da' cheyaḻa'cze gac. Na' ba bžin ža Criston' ben' gwleje' cont ṉabi'e bac̱h chnabia'lene' ḻe'. Gac da' cheyaḻa'cze gac, ḻe Satanás dan' ba gwzoa lao Diosen' do ža do yel bcuišen beṉe' chesejnilaže' Criston', bac̱h besyebejen'.

Apocalipsis 14:2

Na' benda' chesoḻ beṉe' zan beṉe' že' yaban'. Nenen ca chsiž ga zjadechgua yegw zan na' ca nen cate' chašjw chtin. Na' nenen ca nen cate' beṉe' zan chosogoḻe' arpan' to ši'ize.

Apocalipsis 19:1

Gwdena' benda' beṉe' zan juisyw beṉe' že' yaban' chesonxene' Diosen', na' nen zižje, chesene': Beṉe' güen juisyw nac Dios c̱hechon'. Ba bene' cont chio' chejnilaže'chone' zoacho len ḻe'. Naque' beṉe' zaca' juisyw, na' nape' yeḻa' guac xen.

Apocalipsis 19:4

Nach beṉe' blao ca' tapechoa na' beṉe' ca' tap beṉe' žia x̱il jasechaze' cosc̱ho'ale ḻo yon' gosonxene' Diosen' gan' chi'e chnabi'e, gosene': ―Can' cheyaḻa' gac. Beṉe' güen juisyw nac Diosen'.

Apocalipsis 21:22

Bibi yodao' ble'eda' ḻo ciudan', ḻe beṉe' ca' že' ciudan' zjanite' lao X̱ancho Dios ben' nap ḻa'zelagüe yeḻa' guac xen na' lao Jesucristw ben' zaca'lebde' ca xila' dao' ben' gosot beṉe' gualaž c̱heto' ṉec̱he xtoḻa'gaque'. Ḻegaque' chesonxen beṉe' ḻo ciudan'.

Apocalipsis 4:5

Na' gan' chi' Diosen' chnabi'e chep yes na' chac sšag na' chašjw chtin. Na' lagüen' nita' gaže yi' da' chaḻa'ṉiṉ. Yi' ca' gaže zjanaquen Spiritw c̱he Diosen', na' Spiritw c̱he Diosen' naquen ca gaže spiritw.

Apocalipsis 6:1

Ca nac seyw ca' gaže, ble'eda' cate' ben' zaca'lebde' ca xila' daon' be gosot beṉe' gualaž c̱heto' ṉec̱he xtoḻa'gaque' bzoxje' seyw nechon'. Nach beṉe' ca' tap zjažia x̱il, toe' gwṉe' zižje, ca zižjen' chašjw chtin yi' gwzio', gwne': ―Da, na' gwṉa' da' nga.

Apocalipsis 8:5

Nach anglen' gwxi'e ya'alj da' žia ḻo mesen' gwlo'en ḻo' barseren' na' bzaḻen' ḻo yežlion' na' gošj gwtinchgua, na' goc bichle sšag, gwyep yes na' gwxo'.