Apocalipsis 19:2 - Dižaʼ güen c̱he ancho Jesucristo

² Zejcze' to ḻicha na' chone' can' cheyaḻa'cze gac dan' chc̱hoglagüe' yesezaca'zi' beṉe' bi chosozenag c̱he'. Ba gwc̱hoglagüe' cuiayi' ciuda xen da' zaca'lebe ca to no'ole zḻe', ḻe beṉe' ḻo ciudan' gosego'oyeḻe' beṉe' že' doxen ḻo yežlion' cont bosozoe' Diosen' ca'ale bi gosonxene' ḻe'. Diosen' ba gwc̱hoglagüe' cuiayi' laž beṉe' Babilonia ca', ḻe cheyaḻa'cze yesezaca'zi'e da' gosote' beṉe' ca' gosonxen ḻe'.

Apocalipsis 19:2 Iomraidhean Croise

Apocalipsis 15:3

Na' ble'eda' ḻegaque' chesonxene' Diosen' chesoḻe' to da' bsede da' Moisésen' beṉe' Israel gualaž c̱heto' ca', Moisés ben' ben xšin Diosen' cani'. Ḻecze chesoḻe' da' naquen to da' bsede Jesucriston' ḻegaque', Jesucristw ben' zaca'lebde' ca xila' dao' be gosot beṉe' gualaž c̱heto' ṉec̱he xtoḻa'gaque'. Quinga žan: X̱anto' Dios, yogo' da' ba beno' len yeḻa' guac xen c̱hio' naquen da' güen juisyw na' da' zaca' yebanecho. Yogo' da' chono' zejen to ḻicha na' naquen da' zaca'. Len' chnabi'o nación ca'.

Apocalipsis 18:20

Perw le'e že'le yaban', ḻe yebe. Le'e gwseḻa' Diosen' gocle postlw c̱he', na' le'e gwseḻe' be'le xtižen', na' yezica'chle le'e zoale ḻo na' Diosen', ḻe yebe. Ḻe Diosen' ba gwc̱hoglagüe' yesebiayi' beṉe' Babilonia ca' ṉec̱he dan' bosoc̱hi bososaque' le'e.

Apocalipsis 18:3

Cuiayin', ḻe beṉe' ca' že' ciudan' gosego'oyeḻe' beṉe' že' yogo' nación cont bosozoe' Diosen' ca'aḻe bi gosonxene' ḻe'. Na' beṉe' gwnabia' ca' že' yežlion' ba gosonchgüe' da' mal txen len beṉe' Babilonia ca' catequen' besyebede' gosone' da' yeḻa' zto', na' beṉe' güen delgens ca' že' ḻo yežlion' ba gosaque' beṉe' gwṉi'a, ḻe beṉe' Babilonia ca' gosonditjchgüede' dan' gota' c̱hegaque' gosezi'en.

Apocalipsis 6:10

Na' beṉe' guat ca' goseṉe' zižje gosene': ―X̱anto' Dios, le' naco' beṉe' laždao' xilaže' juisyw na' zoaczo' chono' con ca žo'. ¿Batcan' gono' yeḻa' justis c̱he beṉe' ca' že' yežlion' ben' gosot neto'? ¿Batcan' gono' cont yesezaca'zi'e da' bosolalje' xc̱henton'?