Apocalipsis 19:1 - Dižaʼ güen c̱he ancho Jesucristo

¹ Gwdena' benda' beṉe' zan juisyw beṉe' že' yaban' chesonxene' Diosen', na' nen zižje, chesene': Beṉe' güen juisyw nac Dios c̱hechon'. Ba bene' cont chio' chejnilaže'chone' zoacho len ḻe'. Naque' beṉe' zaca' juisyw, na' nape' yeḻa' guac xen.

Apocalipsis 19:1 Iomraidhean Croise

San Mateo 6:13

Na' bitw go'o latje soa da' gwžigan' neto' gonto' da' mal, san bcuas bcue'ejšca neto' len da' mala'. Le'na' chnabi'o na' napo' yeḻa' guac na' naco' beṉe' zaca' juisyw toḻi tocaṉe. Ca'czen' gacšca.

Apocalipsis 11:15

Nach angl beṉe' gažen' bcuež trompeta c̱hen' na' benda' baḻ beṉe' ca' že' yaban' goseṉe' zižje, gosene': Doxen yeḻa' chnabia' c̱he yežlion' bac̱h naquen ḻo na' X̱ancho Diosen' na' ḻo na' Cristo ben' gwleje' cont chnabi'e. Na' Diosen' zoacze' chnabi'e toḻi tocaṉe.

Apocalipsis 12:10

Nach benda' to beṉe' zoa yaban' gwṉe' zižje gwne': ―Bac̱h bžin ža ben Dios c̱hechon' cont beṉe' ca' chesejnilaže'ne' zjanite' len ḻe'. Bac̱h bžin ža nacbia' Dios c̱hechon' nape' yeḻa' guac xen. Ba bžin ža chnabi'e cont gac con da' cheyaḻa'cze gac. Na' ba bžin ža Criston' ben' gwleje' cont ṉabi'e bac̱h chnabia'lene' ḻe'. Gac da' cheyaḻa'cze gac, ḻe Satanás dan' ba gwzoa lao Diosen' do ža do yel bcuišen beṉe' chesejnilaže' Criston', bac̱h besyebejen'.

Apocalipsis 19:6

Nach benda' be xṉe c̱he beṉe' zan juisyw chesonxene' Diosen'. Na' xtiža'gaquen' nenen ca chac ga chziž yegon' cate' dechguan na' ca nen cate' ḻeca chašjw chtin, chesene': ¡Beṉe' güen juisyw X̱ancho Diosen'! Ḻen' nape' ḻa'zelagüe yeḻa' guac xen na' ḻen' chnabi'e.