Apocalipsis 17:18 - Dižaʼ güen c̱he ancho Jesucristo

¹⁸ Na' no'olen' bac̱h ble'edo', naque' ciuda blaochgua da' chnabian' beṉe' gwnabia' ca' že' doxen ḻo yežlion'.

Apocalipsis 17:18 Iomraidhean Croise

Apocalipsis 16:19

Na' ciuda da' nac ḻa'zelagüe blao ḻo yežlion' gwžiayin' bchojen šoṉle, na' ḻecze gosebiayi' yezica'chle ciuda da' zjachi' ḻo yežlion'. Diosen' bich gwleze' bene' cont goseyi gosezaca'chgua beṉe' že' ciuda Babilonia c̱he da' mal da' ba gosonteque', ḻe blocchgüe' yeḻa' mal c̱hegaquen'.

Apocalipsis 18:2

Na' anglen' gwṉe' zižje, gwne': ―Ba bžin ža cuiayi' ciuda Babilonian' da' nac ḻeca ciuda blao. Ba bžin ža yeyaquen xišna' da' x̱igüe' ca'. Na' ba bžin ža yeyaquen xišna' yogo'cze be zoa x̱il be chesegue'e beṉac̱h.

Apocalipsis 12:4

Na' bta xbamban' cont bc̱hiṉjen zan beljw ca' žia ḻe'e yaban' na' beselažon' ḻo yežlion', yelate'ze ca goc gašje beḻjw ca' zjažia ḻe'e yaban' bc̱hiṉj xbamban'. Na' gwlezba' xṉi'a no'olen' ba zoa sanṉa' cont yebba' bdao' c̱hen' cate' sane'be'.

San Lucas 2:1

Na' ḻecz šlac gwnabia' rey César Augusto, bene' mandadw gwyas to censo cont ṉezde' baḻ beṉe' že' to to yež da' zjachi' doxen yežlio gan' chnabi'e.

Apocalipsis 11:8

Na' beṉe' ca' že'na' yosyocua'aṉe' cuerp c̱hegaquen' gan' chesetoḻen ḻa cay c̱he ciuda blaon' gan' gosote' X̱ancho Jesucriston'. Ciudan' zaca'leben ca ciuda Sodoma na' ca nación Egipto.