Apocalipsis 16:2 - Dižaʼ güen c̱he ancho Jesucristo

² Nach angl nechon' gwyeje' jalalje' da' yože ḻo' tas c̱hen' ḻo yežlion' gan' nac yo biž, na' yogo' beṉe' ca' zjazoa señw c̱he bežen' na' chesonxene' ḻ gua'a ḻsaca' da' nac ca ḻeba', gosebie' güe' xen güe' zban na' goselachgüe'.

Apocalipsis 16:2 Iomraidhean Croise

Hechos 12:23

Na' ḻo hora' gwseḻa' X̱ancho Diosen' to angl ben' ben cont gocšene reyen' gwže'e bzoga' ḻo' ḻe'e na' gote'. Goc c̱he' ca' dan' be'e latje gosonxen beṉe' ḻe' gualaz da' yesonxene' Diosen'.

Apocalipsis 13:12

Na' bež nechon' bemba' cont bež gwchopen' gwnabia'ba' par ḻeba' na' bež gwchopen' bemba' cont yogo' beṉe' že' yežlion' gosonxene' bež nechon' ben' beyaque len güe' dan' naquen ze da' got ḻeba'.

Apocalipsis 14:16

Nach ben' chi' cože' bejon' nox̱e' hoz botobe' cosešen'.

Apocalipsis 14:9

Nach yeto angl zej cože' beṉe' gwchopa' be'e diža' zižje gwne': ―Note'teze beṉe' chesonxen bež x̱igüen' len ḻ gua'a ḻsaca' c̱heba' na' cheso'e latje chesezoa señw c̱he beža' ḻoxgagaque' o taca'gaque',

Apocalipsis 16:1

Na' benda' gwṉe Diosen' zižjechgua, zoe' gan' chacxene', gože' angl ca' gaže: ―Ḻe šja'ac ḻe šjalalj dan' yože ḻo' tas c̱helen' ḻo yežlion', da' zejen ḻeca chloca' da' xiṉj cheson beṉe' ca' bi chosozenag c̱hia', na' gona' ga yesezaca'zi'chgüe'.

Apocalipsis 16:11

Na' goseṉe' yeḻa' ya' c̱he Dios ben' zoa yaban' ṉec̱he dan' chesezaca'zi'en na' ṉec̱he güe' xen dan' zjažia ḻo cuerp c̱hegaquen', perw ṉe ca' bi besyetiṉjde' c̱he da' mal dan' gosonen'.

Apocalipsis 8:7

Angl nechon' bcuež trompeta c̱hen', na' gwche'chgua yej ḻo yežlion' na' nc̱hix̱en yi' na' chen. Na' da' zc̱ha'o yežlion' gwžiayi', yelate'ze ca goc gašje yo da' de ḻo yežlion' gwyeyen, lente yag da' ze lagüen goseyen, na' ḻecze yeto ca'ate' yix̱e' ga' da' de ḻo yežlion' goseyen.