Apocalipsis 16:1 - Dižaʼ güen c̱he ancho Jesucristo

¹ Na' benda' gwṉe Diosen' zižjechgua, zoe' gan' chacxene', gože' angl ca' gaže: ―Ḻe šja'ac ḻe šjalalj dan' yože ḻo' tas c̱helen' ḻo yežlion', da' zejen ḻeca chloca' da' xiṉj cheson beṉe' ca' bi chosozenag c̱hia', na' gona' ga yesezaca'zi'chgüe'.

Apocalipsis 16:1 Iomraidhean Croise

Apocalipsis 11:19

Nach byaljo gan' chesonxene' Diosen' yaban' na' ble'eda' caj gan' že' yej ca' gan' nyoj da' ca' gož Diosen' beṉe' Israel gualaž c̱heto' ca' yesone' cont gaclene' ḻegaque'. Na' šlac gwṉa'a, gwyep yes, gocchgua sšag, gošj gwtin, gwxo' na' gwche'chgua yej.

Apocalipsis 14:15

Na' yeto angl bchoj ḻo' gan' chesonxene' Diosen' yaban' na' gwṉe' zižje gože' ben' chi' cože' bejon': ―Ba bžin hor yotobo' coseš c̱he uvas dan' de yežlion', ḻe ba golen.

Apocalipsis 14:18

Na' ḻecze bezchoj yetoe' ben' yo'o ḻo ne'e yi' da' chaḻa' ḻo mes gan' chesonxene' Diosen'. Na' angl nga gwṉe' zižje boḻ güiže' angl gwchopa' ben' ḻecze nox̱e' hoz, gože'ne': ―Ba güe uvas da' žia ḻo yežlion'. Bec̱hoguen len hoz c̱hion' dan' nḻachgua cont yotobchon.

Apocalipsis 15:1

Na' ble'eda' yeto da' ḻeca zaca' yebanecho ḻe'e yaban'. Ble'eda' gaže angl beṉe' zjanac ḻo na'gaque' yesone' yegaže yeḻa' zi' cont yeyož gwlo'e Diosen' can' chone' da' chloque' beṉe' ca' cheson da' xiṉj.

Apocalipsis 16:17

Na' angl gažen' jalalje' dan' yože ḻo' tas c̱hen' ḻo be', na' benda' gwṉe Diosen' zižje, gan' zoe' chesonxene' ḻe' yaban' gan' ḻecze chi'e chnabi'e, gwne': ―Bac̱h goc da' cheyaḻa' gac.